بنت تمشي في احد الأسواق التجارية..
عباية مخصرة.. عطر فواح..
و شاب يمشي وراها.. والسبب معروف..
وبعد شوي يصيروا 4 شباب..
كل واحد يتغزل بكلمة..تدخل البنت معرض
من المعارض..تدور على مرايا..
تظبط طرحتها.. وترجع تخرج لممر المركز..
تلقى ال اربعة شباب صاروا عشرة..
كلهم ينتظروها برة..
متى تنتهي هالظاهرة في مراكزنا التجارية؟؟
صاحبنا ابو ابراهيم ،، حظه نحس بوجه عام
وحظه انحس بوجه خاص مع السواقين اللي
استقدمهم من الخارج.
أول سواق كان ما يعرف يسوق و علمه ابو
ابراهيم اصول السواقة و تعب عليه الى ان
طلعت رخصة السواقه الخاصة بالسواق..
وبعد ستة أشهر هرب السواق.
وصل السواق الثاني وبعد عشرين يوم اكتشف
ابو ابراهيم ان السواق الجديد مدمن مخدرات
وبعد معاناة و الف واسطه جاب الشرطه
(الواسطه طبعا لان الشرطة طلعت ما تمسك
اي شخص الا اذا سوى مصيبة ومالك حق
تمسك اي احد). واخذوا السواق للمطار و سفروه.
المرة الثالثة قرر ابو ابراهيم انه يغير من سواقين
الهند ويجيب سواق باكستاني و كبير في السن،،
و سافر ابو ابراهيم لباكستان وجاب السواق الجديد
بنفسه.. وكان السواق تمام و ابو ابراهيم سعادته
ما تنوصف بهالسواق.. وبعد 8 شهور ،، سمعت ام
ابراهيم و اولادها صراخ الشغالة وراحوا يركضوا
لمصدر الصوت يبي يعرفون وش اللي يصير ،،
حصلوا السواق الشايب يبي ….. الشغالة.
واليوم نشوف ابو ابراهيم في كل مجلس وكل عزيمة
وفي كل مناسبة و حتى في عزاء نلقاه يتكلم على
اهمية ان المرأة لازم تسوووووووووووووووووووق
وانها لازم تسوق اليوم قبل بكرة..
بس مسكين مادرى انه فيه ناس يقولون
حررااااااااااااااااااااااااااااااااااااااااااااااااااااااااااااام.
اتمعنوا في القصة كويس وقولوا لي ايش الحرام؟؟
إنت السبب خليتني ادور على غيرك
واليوم تبغاني احب و اقبل معاذيرك
لا ياحبيبي خلاص .. كل وادي شرب ماه
من ذل نفسه في الهوى يستاهل اللي جاه
قد كان عزك وسط قلبي و تقديرك
واليوم حيرني اسلوبك و تفكيرك
ماكان هذا جزاء قلب الوفي تنساه
من ذل نفسه في الهوى يستاهل اللي جاه
وضح كلامك معي ,, وترجم تعابيرك
و أبعد شكوك الهوى اللي دايم تثيرك
من حب حد .. مارمى وده ولا خلاه
من ذل نفسه في الهوى.. يستاهل اللي جاه
ياريت ترجع حبيبي بس .. لخط سيرك
و نعيش احلى الليالي في ربى خيرك
خايف على اساسنا .. لاينهدم مبناه
من ذل نفسه في الهوى،،يستاهل اللي جاه
ــــــــــــــــــــــــــــــــــــــــــــــ
كلمات الدكتور الشاعر محمد بن عبود العمودي،،
الشاعر الذي يتحفنا بتعابيره الرائعة.. باحساسه
المرهف ،، و بالشوق و العتب للحبوب.
لا تظنوا اني متشائم اليوم و حطيت لكم هالعنوان
بالعكس انا اليوم رايق و مبسوط.
تخيل الحين وانت تقرأ في اي شي وعينك على
الشاشة يجيك ملك الموت.. يا اخي تخيل و يا اختي
تخيلي بكل جدية ومو مزح.. ما فكرتوا وش را يصير؟؟
هل تعتقدون ان اعمالكم كافية لدخول الجنة؟؟
هل صليتوا اخر فرض؟؟
هل تعرف ان هاللحظة معناها حياتك انتهت؟؟
هل كنت تتوقع يجيك ملك الموت في هذي اللحظة؟؟
هل كانت لديكم عادة محرمة او سيئة وما تبتوا عنها؟؟
هل كنت على خلاف مع شخص وانت المخطيء في حقه؟؟
هناك الكثير من الأسئلة و انشالله تكونوا تخيلتوا
هاللحظة تمام التخيل عشان تقدروا تقابلوا ربنا بقلب
طاهر وربي انشالله يعطيكم طول العمر.. واللي احب اوصله
لكم ان الانسان لازم يقوم بجميع واجباته و فروضه
بشكل كامل ودائم ولا يأخر اي صلاة عن وقتها
وادئما يبحث عن رضى الوالدين ورشى الله طبعا
قبل كل شيء. وسلامتكم
في اول ظهور للنجمة السعودية المقبلة في سماء
الاعلام السعودي و العربي..أطلت علينا المذيعـة
المتميزة رانيا محمد من خلال البرنامج المعروف
كلام نواعم على تلفزيون الشرق الأوسط m b c.
و برغم الجماهيرية التي يحظى بها البرنامج
و مذيعاته ، الا انها استطاعت ان تلفت الأنظار
و تأسر قلوب المشاهدين و تجعلنا نتنبأ بولادة
مذيعة سعودية واعدة..ومن خلال المدونة أود
ان أأكد لكل قرائها انه في خلال الفترة البسيطة
القادمة سوف نستمتع جميعا بمشاهدتها في
برنامج خاص بها و سيكون من افضل البرامج
على المستوى العربي وذلك عطفا على الامكانيات
التي تتمتع بها رانيا محمد.
ومن خلال اتصالي بها استشفيت انها تتمتع
المام كبير بالثقافة و بأخلاقيات و مهنية عالية من
شأنها ان توصلها الى سماء النجومية في القريب.
وبدوري اتمنى لها التوفيق و اتمنى ايضا ظهور
مواهب سعودية و عربية في جميع المجالات.
طـاوعك قلبك تودع في المطار
و تعود وحدك وانا مانا معك
وتقول للناس ودعته وسار
وانا الذي ما اقدر شي اودعك
أين الهلع و الولع والانكسار
و وين زفرتك من بين اضلعك
انا دموعي على خدي غزار
وانت من العين ما شفت ادمعك
إن تحسب ان البكاء خزوه و عار
وإن الحياء من وقوعه يمنعك
لا باس ابكي ولو خلف الستار
ما دام يمنعك عني برقعك
با ودعك غصب عني ماهو باختيار
و أسأل الله بي ان يجمعك
و نعود مرة الى هذي الديار
وانت تغني وانا احن و اسمعك
ـــــــــــــــــــ
كلمات الشاعر المخضرم القدير
حسين المحضار..الذي اتحف العالم العربي
بروائعه في عالم الشعر
و الذي سافر بعقولنا في واحات العشق
رحم الله حسين المحضار و اسكنه
فسيح جناته.وقد قام
بتلحين و غناء هذه القصيدة
الموسيقار الدكتور عبدالرب ادريس.
موهبة و نجمة جديدة تسطع في سماء الاعلام
السعودي والعربي.
ترقبوها قريبا…
اعتذر للجميع لاني راح اغيب كم يوم
بسبب التهاب حاد في عيني.. و انشالله
راح ارجع لكم في اقرب وقت ممكن.
اليوم كلفتني الأخت الغالية.. مضيعه بيتهم
انا و مجموعه من الأخوات والأخوان بواجب.
وطلبت اني احله اليوم.. وانتوا عارفين اذا
مضيعه بيتهم قالت اليوم يعني اليوم.. ولا
ماراح تقدر تنام بالليل الا اذا شافت الحل..
والمصيبه انها طالبه خمسة اشياء محد من
المدونات و المدونين يعرفها عني..على العموم
احب اشكرها كثير وما قصرت لانها ذكرتني
من ضمن الشخصيات اللي طلبت منهم الواجب
وهذا الحل قدامكم
1- مزاجي بالدرجة الأولى
2- بندر زميل دراسة وعشنا في الغربة ايام
جميله و مريرة في نفس الوقت..
3- مغرم وعاشق و مجنون شي اسمه موسيقى
4- ما اعرف اتعامل مع البنات والنساء بالمررة.
5- ما احب الزحمه واغلب وقت اتمشى فيه
بالسيارة بعد 4 الفجر..
بالتوفيق للجميع
قبل حوالي سبعة اشهر لمن كنت اشتغل في البنك..اتصل
علي واحد من الشباب العزيزين علي و اسمه فهد.. و سألني
اذا يقدر يجيني لانه يبي يفتح حساب.. و قلت له انا الحين
موجود و تقدر تتفضل في اي وقت..
المهم بعد حوالي ساعه وصل صاحبنا فهد و جبت له اوراق
فتح الحساب وكملناها وسألته: بكم تبي تفتح الحساب؟؟
قال لي : 200 الف..
انا بصراحه اندهشت خصوصا ان خوينا فهد على قد حاله
وماله قبل كم شهر متزوج..و قلت في نفسي انه يمكن حصل
له المبلغ عمولة من بيعه ارض او مركز تجاري.
اخذت اوراق فتح الحساب و الفلوس اللي جايبها كاش و
رحت قسم فتح حسابات لموظفين الشركات اللي بنتعامل
معاها لان الفرع مقفل في هذا الوقت..
و رجعت ل فهد و اعطيته رقم الحساب وقبل لا يمشي سألته
وش الجديد عندك؟؟ بصراحه صدمني وقال لي جالس ادور
على بنت الحلال.. صدمني وقلت له توك متزوج قريب..
قال لي اقول لك شي وما تقول لأحد؟؟ قلت له قول.. قال ترى
زوجتي خلعتني في المحكمة و الفلوس اللي فتحت الحساب
فيها هي قيمة الخلع..
القاضي حكم ب 70 الف وهي من زود البطرة قالت اعطيه
200 الف بس يطلقني الحين..
بصراحه انصدمت وما توقعت يكون لي في يوم من الأيام
صديق مخلوع.. والله يستر اخاف اذا تزوجت بكرة انخلع
بكل سهولة..
و اللللللللللللللللللللللللللللللللللللللللللللللللله يخارجنا.
الا ليت الزمن يرجع.. ورى ولا الليالي تدور
ويرجع وقتنا الأول..وننعم في بساطتنا..
زمان اول احس انه.. زمان فيه صدق شعور
نحب و نخلص النية.. و تجمعنا محبتنا..
زمان ما فيه لا غيبة..ولا حتى نفاق و زور..
يا ليته بس لو يرجع.. و نسترجع طفولتنا..
صغار قلوبنا بيضا.. نعيش في عالم محصور..
ولا نعرف ابد اغراب.. ما غير عيال حارتنا..
صحيح صغار في التفكير.. لكن ما علينا قصور..
نخطط نكسر اللعبة..و تسعدنا شقاوتنا..
نروح المدرسة بدري.. و نضحك داخل الطابور..
نحاول نزعج العالم..في روحتنا و جيتنا..
و عشان نأخر الحصة.. نخبي علبة الطبشور..
نشاغب بس في الآخر .. تميزنا برائتنا..
نحب الضحك و الهيصة.. نحب ننط فوق السور..
نفرفش.. ليه ما نفرفش مادام الضحك عادتنا..
و لكن دارت الأيام..وبان الخافي المستور..
و صار الهم متعلي.. على قمة سعادتنا..
كبرنا و صارت الدنيا تصف احزاننا بالدور..
و تهدينا الألم والآه.. غصب عن عين رغبتنا..
تعبنا من بلاوينا.. احد ضيق و احد مقهور..
و كل غارق بهمه.. وفي الآخر تشتتنا..
وانا ما اقول غير الا.. ياليت ان الزمان يدور..
و نرجع للورى فترة.. نعدل وضع عيشتنا..
————————
كلمات الشاعر المبدع و المتألق دائما.. فيصل اليامي.
واحب اشكر الشاعر المفعم بالاحساس على السماح لي
بنشر قصيده ..عيال حارتنا.
كنت ناوي من فترة قصيرة .. اني اقوم بكتابة
قصيده او اغنية تكون
جميلة وكلماتها بسيطة والكل
يتقبلها بروح حلوة.. وفعلا جهزت الكثير
من القصايد اللي اتمنى انها تنال
اعجاب الجميع .. واليوم وانا اتابع
المدونة..لقيت طلب من احد
الزوار الغاليين يطلب فيه كلمات اغنية
عيال حارتنا.. وقلت في نفسي
ماشاء الله كأنه داري باللي في قلبي
وقررت اني ابدأ في كتابة القصايد
و الأغاني من اليوم.. واتمنى
من كل قلبي انكم تكونون راضيين
عن المدونة وربي لا يحرمني
منكم….
أخوكم ..محمد بن سالم
اربعة شباب ..
ومعهم شلة بنات.
كلهم حيارى..
وكلهم كانوا سكارى
ماهمهم سوى الضحك في سهرتهم
نوف تضحك لسعد
و اماني تغمز لسعد..
ومشاري وفيصل يستحدوا مين يقدر على وعد
يرقصوا على نغمات الأغاني..
يضحكوا و يقولوا العمر فاني..
محد فيهم سأل نفسه..
وش يصير لو ملك الموت جاني في مكاني؟؟
وانا هنا ارقص في مكاني..
وتكون هذي اخرة زماني
يأذن الفجر..وتصحى مشاعل للصلاة..
ابوها ينادي يا احمد قم للصلاة.
وصحي اولادك عشان لا تفوتهم الصلاة..
يرجعوا من المسجد.. يلقوا جدتهم على سجادتها
تدعي لأولادها و أحفادها و بناتها
يحفظهم من الدنيا و زلاتها..
مثالين متناقضين للي يصير في زماني..
