اميرة..بنت عمرها 25 سنه ، في عمر الزهور ,, تشتغل مندوبة مبيعات
لأحد البنوك ، وفي زيارة لواحد من العملاء اخبرها و بكل وقاحه عن
اعجابه وبرغبته في اقامة علاقة معاها،، طبعا صرخت في وجهه و خرجت
بسرعة من مكتبه و راحت تمشي في الشارع تدور على ليموزين(تاكسي)
و طبعا انواع الشباب اللي لحقوها بسياراتهم عشان …….. .
المهم طلعت الليموزين و توجهت للبنك ، وفي السيارة جلست
تتذكر الموقف السخيف اللي مرت فيه وايش كان من الممكن انه يحصل
في المكتب المغلق لهذا الرجل..و تنزل من عيونها دمعة بريئة تطفي
نار القهر اللي بداخلها و تتذكر انها اشتغلت في هذه الوظيفة عشان
الظروف الصعبة في هذي الدنيا.
……………………………..
ليش كل الشركات و البنوك عندنا صارت تضهد البنت و تعرض لها
وظائف لا تناسبها خصوصا في مجتمعنا؟؟؟
وطبعا البنت المسكينة مطلوب منها انها بتخرج للشركات و المؤسسات
للبحث عن عملاء..واللي جالسين نشوفه ان جميع البنوك صارت تستغل
البنات أسوأ استغلال كمسوقات للبطاقات الأئتمانية و التمويل .. وانتوا
عارفين اكيد ايش المواقف اللي ممكن يتعرضوا لها البنات.
ولكن عادة الفتاة المسكينة تسكت ولا تفصح بهذه المشاكل عشان تحافظ
على سمعتها او الكلام عنها من البنات اللي بيشتغلوا معاها.
قبل فترة بسيطة قاموا عدة فتيات بتقديم شكوى الى مكتب العمل في
المنطقة الشرقية ضد مدرائهم في البنك لانهم طلبوا منهم القيام ببعض
الحركات الغير اخلاقية او غير سوية للحصول على اكبر عدد ممكن
من العملاء ..
الى هذا الحد وصلنا في الانحطاط؟؟؟
للأسف نسوا ان الاسلام كرم المرأة وفي اعتقادي انه في كثير من
الوظائف اللي بتناسب البنات في داخل الشركات والبنوك غير وظيفة
مندوبة.
وانا عن نفسي مو ضد عمل البنت في مكان مختلط ولكن بشروط معقولة
توافق ديننا الاسلامي الحنيف و تواكب التطور اللي نعيشه في
هذا الزمن.
