قصيده

 

ما افتهم لي .. ليش تقصد تعدي في الملاوي وهي قدامك الجاده

 

 

 ما افتهم لي في سياسة حكيمة منك..ولا شقاوة عقل و معانده

ويش يفيد التمادي في عنادك؟؟

في الملاوي اذا خلصت زادك

الملاوي تشيل كل ما كسبته لها

وتقول هل من مزيد

الهوى عاطفه ماتقبل التهديد

لا تبدل بديل الاصل تقليد

مافتهم لي انت مثل البشر او عاد شي فيك طلعه على البشر زايده

ما افتهم لي ليش تترك طريق الناس وتمر في عصرات متباعده

با تكيد للذي ما يوم كادك

رد نفسك وقصر في بعادك

كل ماجيت باقربك قاطعتنا وبعدت مني بعيد

لاتبدل بديل الاصل تقليد

ما افتهم لي ساس مبناك ماكن في الهوى او سواسك مالها قاعده

ما افتهم لي ليش تنده كده وانت عروقك قوى في المظلعه ماده

كل ماهب شعف الخرف نادك..كل مامر قانص صيد صادك

كيف يتصيدونك وانت لي كنت في كل المغازي تصيد

لاتبدل بديل الاصل تقليد

ما افتهم لي إيش كلمتي عندك عادها مثل ماكانت زمن نافذه

ما افتهم لي عادك اتحبنا ولامحبتك لي اغراض ومزايده

لانت ناصح بود اظهر ودادك..واذكر القلب لي حبك ورادك

واستمع لا تخلي كلمتي واقفه في الحنجره والوريد

لاتبدل بديل الاصل تقليد

——–

 

كلمات الشاعر الكبير حسين المحضار رحمه الله