الطيار للسفر و السياحه

في الاسبوع الماضي حجزت عن طريق مكتب الطيار اللي موجود في

مركز الراشد بالخبر ، وهذا اول واخر تعامل معهم ان شاء الله

المهم حجزت على رحله يوم الاحد من الدمام الى جده والحمدلله

اني لقيت حجز مؤكد رغم ضغوط الاجازه و قله الرحلات ولكن

على رحله ٨ الصبح

وحبيت اني احجز للعوده من نفس المكتب و مريت عليهم ولقيت

نفس الشخص الهندي اللي حجز لي المره الماضيه وقلت له اني

ابغى احجز رحله العوده من جده الى الدمام. تخيلوا ايش صار؟؟

قال لي لازم نلغي تذكرتك و تدفع قيمه استرجاع ٣٠ ريال و بعدها

اصدر لك تذكره جديده تتضمن الرحلتين الذهاب و العوده.

طبعا استغربت وهذي مو اول مره اغير في الحجوزات او التذاكر

و المسآله مو مسآله ال ٣٠ ريال

و سالت الهندي وليش التعب هذا ؟؟ قال هذا اللي لازم يصير

طبعا عصبت عليه ولكن بادب فقلت له راح اروح مكتب ثاني

وبكل ثقه يجاوبني انه راح يلغي الحجز .

اللي حصل اني قلت له الظاهر ان شركتكم يبغالها تطير وراح

اخرج قبل ما اسوي شي مو طيب.

بعدها رحت لمكتب ثاني و الشخص اللي فيه اكد لي ان الحجز

اتلغى.. طبعا وقتها كنت ناوي اروح اصفي حسابي مع الهندي

بس للاسف مافي وقت و رحت بسرعه على مكتب الخطوط السعوديه

و طبيعي اني ما القى حجز وسط الزحام .. والحمد لله اني لقيت المشرف

وما قصر لقى لي حجز على الدرجه الاولى .

تحيه لشركه الطيار اللي ان شاء الله تطير على ورى بقياده الهنود

و ان شاء الله لي عوده لزياره الهندي في مكتبهم