صبري

الا يا مطوله صبري اذوق المر من كاسه

الا يا كم قسى دهري علي و كم قسوا ناسه

تهنى من سلى قلبه.. مشى كل على دربه

و طيت الشوك انا وحدي .. ولا قبلي احد داسه

احد مثلي بكى دمه..بكى دمعه ولا فاده

احد مثلي قسم همه..معه في شربه و زاده

الا من قد صبر مثلي؟ وانا في حالتي مبلي

و قر الحظ من صغري.. معي للحين هو عاده

على الله يا بقى دمعي.. محد غيرك وفى ليه

جفوني كل اهلي و ربعي وانا مقفي على النيه

يا دنيا لو على قلبي.. احبك بس وش ذنبي

رضيا انا بردى حظي و حظي ما رضى بيه

كلمات : علي الغدير

الندم

اليوم راح اتكلم عن عاده الندم.. صحيح البني ادم يندم على شي غلط

سواه..لكن في ناس تندم على كل شي و تصير حياته كلها ندم في ندم.

اذكر واحد تعرفت عليه في كورس و كان مبين من اول يوم انه انسان

وراه شي، تخيلوا طول وقت الراحه في المحاضره يتشكى و يقول انه

ندمان لانه ما سجل في الكورس الفلاني و ندمان انه كلم فلان في

موضوع وهذاك احتقره ،، المهم من خلال جلوسي معاه في وقت

الراحه حسيت انه ودي اروح لاكبر بنايه في الدنيا و ارمي نفسي

منها.. وبعد كم شهر لقيته بالصدفه في احد المقاهي و وهو على

نفس حالته.. انا اللي اعرفه ان الانسان اذا سوى شي غلط

يجلس و يعرف سبب غلطته او فشله و يراجع حساباته و يبدا

من جديد ، لكن هالشخص مستحيييييييييييييييييييييييييييل

ولا اتوقع ان عاده الندم راح يتركها الا اذا صارت معجزه.

يا ناس ادعوا لهالشخص لاني بصراحه صرت احس ان

هالرجل اصبح مريض بداء الندم.