وتر http://watar.wordpress.com Thu, 03 Jul 2008 23:58:53 +0000 http://wordpress.org/?v=MU ar العالم في السوق http://watar.wordpress.com/2008/07/04/%d8%a7%d9%84%d8%b9%d8%a7%d9%84%d9%85-%d9%81%d9%8a-%d8%a7%d9%84%d8%b3%d9%88%d9%82/ http://watar.wordpress.com/2008/07/04/%d8%a7%d9%84%d8%b9%d8%a7%d9%84%d9%85-%d9%81%d9%8a-%d8%a7%d9%84%d8%b3%d9%88%d9%82/#comments Thu, 03 Jul 2008 23:48:28 +0000 watar http://watar.wordpress.com/?p=375

في الفتره هادي يكثروا البنات في الاسواق سواء اللي يبغوا

يشتروا او اللي يبغوا يتمشوا او عشان يغيروا جو .. وطبعا

الواحد بيشوف برضوا شباب ولكن راح اتكلم عنهم شويه

بعد البنات. واحس ان البنات عايشين في عالم مافيه احد

غيرهم  وصرنا   نشوف  اشكال   عليها  العجب و انواع

البراقع  و العيون اللي مكحله و الشباب مساكين وراهم و

اعتقد ان هالبنت اللي متبرقعه لو كشفت ما راح تلاقي لو

حمار  يطل فيها  وهذا الشيء مؤكد على نظريه ياما تحت

السواهي دواهي … و فيه بنات مقاريد حتى لو اتبرقعت و

لو سوت اللي تسويه بس اهم شي انها مقتنعه انها وحشه

و مقتنعه  بالمثل الحجازي القديم اللي يقول

قالوا للقرده اتبرقعي .. قالت وجهي متعود عا الفضيحه

و كمان الواحد بيشوف ماشالله تبارك الله بنات متحجبين

و متسترين و لكن ماشالله يكون  مبين الجمال الرباني و

الجمال الاخلاقي في البنت. وعن نفسي استغرب من بعض

البنات  اللي يتكلموا  مع  بعض بصوت عالي و السوق كله

بيسمعهم و الضحك  على الاخر  كي كي كي . و ها ها ها

و برضوا بتشوف بنات جالسين في مقهى و اخذين الطاوله

اللي في  الزاويه و  جالسين  بيدخنوا ولا معطين اي اهتمام

لاي احد. واكثر شي يزعلني يا ناس لمن يكون اب غلبان في

السوق ومعاه بنته و تمرمط فيه من محل الى محل و انواع

الزعل  لو ما  اشترى لها  اللي تبغاه… وعاد العبايات ماراح

اتكلم عنها لانها موضوع كبيييير و يبغاله بحث و تحري في

عالم العبايات.

نجي للشباب

شله من ٣  بزوره  عفوا قصدي شباب ما قبل العشرين ..

الشعر كدش يعني مكنوش و يمكن يكون ما غسل شعره

من ٣ او ٤ شهور و الحلق في اذنه و البنطلون طايح و

جالسين يتفرجوا على الرايحه و الجايه و لكنهم مؤدبين

بس بيتفرجوا. و مجموعه ثانيه مكونه من شبشبين عفوا

قصدي شابين بيلحقوا بنتين و يبغى يعطيها رقمه بالقوه.

وبرضوا  واحد  هناك  كاشخ  لوحده  وكل ما مرت بنت

يتميلح عليها و يرمي كلمه غزل يمكن قلبها يحن عليه و

ترد عليه بكلمه.. و واحد  ثاني  جريء لدرجه انه بيروح

للبنت و امها معاها و يجي جمب البنت وما يعطيها رقمه

في ورقه. لا لا لا…. هذا  يوقف مع  البنت  وهي  بتطلع

جوالها  من الشنطه و تخزن رقمه بشكل عادي وهذا اذا

ما عزمها على فنجان قهوه في نفس المركز.

وفيه شباب ما يحب يدخل المراكز .. نلاقيهم بره المركز

منتظرين بره في سياراتهم لانهم بيخافوا على البنات و

يحبوا  يوصلوهم  في  موكب  اكبر  من موكب الرئيس

الامريكي نفسه الى بيتهم خوفا على اعراض الناس..

و للحديث بقيه..

]]> http://watar.wordpress.com/2008/07/04/%d8%a7%d9%84%d8%b9%d8%a7%d9%84%d9%85-%d9%81%d9%8a-%d8%a7%d9%84%d8%b3%d9%88%d9%82/feed/ watar قريبا جدا http://watar.wordpress.com/2008/06/28/%d9%82%d8%b1%d9%8a%d8%a8%d8%a7-%d8%ac%d8%af%d8%a7/ http://watar.wordpress.com/2008/06/28/%d9%82%d8%b1%d9%8a%d8%a8%d8%a7-%d8%ac%d8%af%d8%a7/#comments Sat, 28 Jun 2008 13:03:52 +0000 watar http://watar.wordpress.com/?p=374

فيه خبر جديد راح اقول لكم عليه بعدين

طبعا محد يعرف الخبر هذا الا الوالدين

و بعض الاصدقاء المقربين جدا..

ملاحظه: اطمنوا الخبر لا يتعلق بخطبه

او زواج .     :)

]]> http://watar.wordpress.com/2008/06/28/%d9%82%d8%b1%d9%8a%d8%a8%d8%a7-%d8%ac%d8%af%d8%a7/feed/ watar طيب http://watar.wordpress.com/2008/06/25/%d8%b7%d9%8a%d8%a8/ http://watar.wordpress.com/2008/06/25/%d8%b7%d9%8a%d8%a8/#comments Wed, 25 Jun 2008 19:27:23 +0000 watar http://watar.wordpress.com/?p=373

طيب يا طيب.. يا قلبي يا طيب

هذي هي الدنيا ..فيها البطال و الطيب

و الناس ياقلبي معادن..فيها الردي و فيها الطيب

طيب يا طيب

يا قلبي تعلم .. تمشي مع كل شخص طيب

يا قلبي تكلم .. عن اللي في قلبك يا طيب

لا تكتم امورك .. عن عن قلبك الطيب

طيب يا طيب

اذا زعلوك من طيبك تقول طيب

و حتى ان جفوك قلت عادي و طيب

قوم .. اصحى قبل لايروح وقتنا اللي ماهو بطيب

ولا تزعل من صراحتي يا قلبي يا طيب

وياليتك تعاند ولا تقول للناس طيب

طيب يا طيب

]]> http://watar.wordpress.com/2008/06/25/%d8%b7%d9%8a%d8%a8/feed/ watar تقاسيم على العود http://watar.wordpress.com/2008/06/17/%d8%aa%d9%82%d8%a7%d8%b3%d9%8a%d9%85-%d8%b9%d9%84%d9%89-%d8%a7%d9%84%d8%b9%d9%88%d8%af/ http://watar.wordpress.com/2008/06/17/%d8%aa%d9%82%d8%a7%d8%b3%d9%8a%d9%85-%d8%b9%d9%84%d9%89-%d8%a7%d9%84%d8%b9%d9%88%d8%af/#comments Tue, 17 Jun 2008 14:14:07 +0000 watar http://watar.wordpress.com/?p=372

اهداء لكل المدونين و اهداء خاص لاخوي و صديقي بندر

عزف الموسيقار احمد فتحي

]]> http://watar.wordpress.com/2008/06/17/%d8%aa%d9%82%d8%a7%d8%b3%d9%8a%d9%85-%d8%b9%d9%84%d9%89-%d8%a7%d9%84%d8%b9%d9%88%d8%af/feed/ watar ما عرفنا لكم http://watar.wordpress.com/2008/06/17/%d9%85%d8%a7-%d8%b9%d8%b1%d9%81%d9%86%d8%a7-%d9%84%d9%83%d9%85/ http://watar.wordpress.com/2008/06/17/%d9%85%d8%a7-%d8%b9%d8%b1%d9%81%d9%86%d8%a7-%d9%84%d9%83%d9%85/#comments Tue, 17 Jun 2008 12:11:27 +0000 watar http://watar.wordpress.com/?p=370

في كل مره نقرر يجتمعوا الشباب المدونين في الشرقيه يصير خلاف

حاد على المكان اللي راح نجتمع فيه. مع اننا نجتمع عشان ننبسط

و نضحك و نغير جو مع بعض.

شباب يبغو الاجتماع في الدمام .. و شباب يبغوه في الخبر. و يجي

البعض و يقول ما نبغى نجتمع في اسواق تجاريه. بس اهم شي اننا

كلنا اتفقنا اننا ملينا من اوتاكوشي اللي في حي الهدا و بصراح كلنا

صرنا نسبب ازعاج لشباب الجامعه اللي يذاكروا هناك .

راح اذكر الاماكن اللي اجتمعنا فيها من قبل و عيوبها بالنسبه لي و

اتمنى ان الشباب انهم يذكورا اي مكان و العيوب اللي فيه و ياليت

كل واحد يقترح مكان عشان نجتمع فيه وراح ناخذ رآي الاغلبيه منهم

مع اني اشك في اننا راح نتفق.

١- اوتاكوشي : مكان حلو و جميل بس المشكله في صغر مساحته و

ان بعض طلاب جامعه البترول يذاكروا فيه . صاحب اقتراح هذا

المكان هو المدون حسام.

٢- فندق عرش بلقيس : من اقبح الاماكن اللي زرتها في حياتي بسبب

الاجواء السيئه و الجو المكتوم في الكوفي شوب. صاحب اختيار هذا

المكان هو المدون الكبير و عمدتنا و كبير الجلسه حلا بزياده .

٣- دينكن دونات : مكان حلو و لكن الزحمه اللي فيه تحسسك بانك جالس

في شارع زينه السيارات اللي في الثقبه او اللي في كيلو ٢ في جده.

و الاختيار كان شبه موفق عن طريق الاخ الطيب ماشي صح

٤- فيرتشو كافيه ١٨٨٢ : مكان كان حلو في اول ايام افتتاحه و بعدين

صار ممل و بشع و انا اللي اخترت هالمكان.

اتمنى من كل شخص يقترح فين يبغانا نجلس و انا عارف اننا ما راح

نتفق و للعلم في حاله عدم اتفاقنا راح نخلي في كل مره واحد مننا

يختار المكان و بشرط ان الكل يوافق بدون اي اعتراض بس الله يخليك

يا ابو سعد لا تختار الكوفي شوب اللي على طريق المطار لانه بعيد

علينا كثييييييييييييييير

و المتزوجين يقولوا ما نبغى نخرج في الويك اند عشان احنا نخرج مع

اهلنا و لمن نجتمع في وسط الاسبوع ما يجوا و الشباب الي ما يرد

على الجوال واللي نايم.

شكلها راح تصير كل واحد يخرج مع ٢ او ٣ و تصير الدعوه كل

واحد و شلته

]]> http://watar.wordpress.com/2008/06/17/%d9%85%d8%a7-%d8%b9%d8%b1%d9%81%d9%86%d8%a7-%d9%84%d9%83%d9%85/feed/ watar رمضان اخر زمن http://watar.wordpress.com/2008/06/16/%d8%b1%d9%85%d8%b6%d8%a7%d9%86-%d8%a7%d8%ae%d8%b1-%d8%b2%d9%85%d9%86/ http://watar.wordpress.com/2008/06/16/%d8%b1%d9%85%d8%b6%d8%a7%d9%86-%d8%a7%d8%ae%d8%b1-%d8%b2%d9%85%d9%86/#comments Mon, 16 Jun 2008 15:28:28 +0000 watar http://watar.wordpress.com/?p=369

و للاسف .. زي كل رمضان ولكن السنه هادي من بدري..

القنوات الفضائيه بدات من دحين دعاياتها لمسلسلات رمضان

بحجه ان اغلب الناس مسافره في الصيف و السنه هادي

رمضان راح يجي في اخر الصيف و لازم يلحقوا الناس قبل

ما يسافروا..

يا ناس رمضان شهر كريم و نسآل الله دائما ان يبلغنا اياه

احنا و حبايبنا . واللي يحزن ان الناس يعتبروا رمضان شهر

المسلسلات و الخيم الرمضانيه و السهر .. الله يهدي الجميع

-

-

همسه :

وينها ايامك زمااان.. كانت ديارك امان..

كنت مثل اليوم عاشق .. و بسمتك كانت حنان..

]]> http://watar.wordpress.com/2008/06/16/%d8%b1%d9%85%d8%b6%d8%a7%d9%86-%d8%a7%d8%ae%d8%b1-%d8%b2%d9%85%d9%86/feed/ watar http://watar.wordpress.com/2008/06/13/367/ http://watar.wordpress.com/2008/06/13/367/#comments Fri, 13 Jun 2008 12:59:43 +0000 watar http://watar.wordpress.com/?p=367

يلا يا قلبي سرينا ..  ضاقت الدنيا علينا

]]> http://watar.wordpress.com/2008/06/13/367/feed/ watar نصاب و حرامي http://watar.wordpress.com/2008/06/13/%d9%86%d8%b5%d8%a7%d8%a8-%d9%88-%d8%ad%d8%b1%d8%a7%d9%85%d9%8a/ http://watar.wordpress.com/2008/06/13/%d9%86%d8%b5%d8%a7%d8%a8-%d9%88-%d8%ad%d8%b1%d8%a7%d9%85%d9%8a/#comments Thu, 12 Jun 2008 23:59:10 +0000 watar http://watar.wordpress.com/?p=365

يعني بالعربي يبغى وحده سعوديه او عربيه غنيه و يتزوجها

و يسرقها و يمشي.. قال ايه تدعوني للاقامه معها

]]> http://watar.wordpress.com/2008/06/13/%d9%86%d8%b5%d8%a7%d8%a8-%d9%88-%d8%ad%d8%b1%d8%a7%d9%85%d9%8a/feed/ watar لقافه ناس http://watar.wordpress.com/2008/06/12/%d9%84%d9%82%d8%a7%d9%81%d9%87-%d9%86%d8%a7%d8%b3/ http://watar.wordpress.com/2008/06/12/%d9%84%d9%82%d8%a7%d9%81%d9%87-%d9%86%d8%a7%d8%b3/#comments Wed, 11 Jun 2008 21:44:38 +0000 watar http://watar.wordpress.com/?p=363

اكثر شي يقهر هي لقافه الناس

مثلا تكون جالس في كوفي شوب مع الشباب ويجي واحد منهم

بدون اي استئذان ياخذ جوالك وقدامك عيني عينك يقوم بالدخول

على الملفات و يشوف اللي فيه، واذا قلت له رجع الجوال لمكانه

يسوي انه زعلان،، خليه يشرب من البحر

او فيه اشخاص لمن يتصلوا على الواحد وبعد السؤال عن احواله

يبدآ التحقيق ،،فينك و فين رايح و فين جاي،،بس كله كووووووووم

و لمن يسآلك.. مين اللي معاك؟

عدنا جار في الحي دب و دايم مربوش و طبعا من تصرفاته انا

لقبته باسم انثى الا وهو .. السيده زكيه.. لا تسآلوني ليش بس

الاسم راكب عليه.. طبعا هذا يحب ينقل اخبار الناس لبعض ب

طريقه مخيفه و زاده عن حدها،، الحمدلله يا رب راح ننقل من

هذا الحي السقيم

هذولي موقفين تعرضت لهم اليوم في اقل من ساعه وفيه غيرهم

كثير من اللي اعاني من لقافتهم.. و اكيد في حياتك ناس مثلهم

كثييييير

]]> http://watar.wordpress.com/2008/06/12/%d9%84%d9%82%d8%a7%d9%81%d9%87-%d9%86%d8%a7%d8%b3/feed/ watar والله عيب ٢ http://watar.wordpress.com/2008/06/07/%d9%88%d8%a7%d9%84%d9%84%d9%87-%d8%b9%d9%8a%d8%a8-%d9%a2/ http://watar.wordpress.com/2008/06/07/%d9%88%d8%a7%d9%84%d9%84%d9%87-%d8%b9%d9%8a%d8%a8-%d9%a2/#comments Sat, 07 Jun 2008 20:18:34 +0000 watar http://watar.wordpress.com/?p=360

والله عيب لمن تظهر للعالم بوجه الانسان المتحضر المثقف

و لمن يجي واحد عادي يخطب اختك على طول ترجع تقلب

على صفحه العنصريه في حياتك و تقول احنا رافضين و

السبب عدم كفائه النسب.

——–

والله عيب تلقى الرجال يمشي مع زوجته في السوق و اذا

وحده طلت فيه بعيونها الحلوه يظل يتبعها بعيونه الين

تختفي البنت عن الانظار

——–

والله عيب لمن تلقى انسان يصلي و يصوم و مسوي

انه يخاف الله و في نفس الوقت تلاقيه ياكل اموال

الناس بالباطل بحجه من استطاع الحيله فليحتال

——–

والله عيب لمن تقول الستالايت حرام و بعد ما اولادك

يناموا تروح تشغل تلفزيون غرفتك و الرسيفر و تتابع

المسلسلات عشان تواكب الناس في حديثهم

——-

من مقال والله عيب رقم واحد بناء على طلب الاخ الغالي

ثامر الطويرقي.

صحيح اننا كلنا مسلمين ولا فرق بين عربي او اعجمي

الا بالتقوى ، لكن اننا نخلي هندي او بنجلاديشي يآذن

في المساجد بحجه ان اولادنا مو فاضيين كبيره شوي

لانهم مساكين لغتهم العربيه ضعيفه كثييييييييييييير

و تخيلوا المؤذن اللي جمب بيتي بدال ما يقول : اشهد

ان ….. ، يقول اشحد ان ،،،،

]]> http://watar.wordpress.com/2008/06/07/%d9%88%d8%a7%d9%84%d9%84%d9%87-%d8%b9%d9%8a%d8%a8-%d9%a2/feed/ watar