فشخرة حريم…

اكثر شي يميز البنات و الحريم عندنا في جدة الفشخرة الزايدة ،، وتعريف

الفشخرة هي الوصف الكاذب الرفيع و الراقي لشيء معين و انه يكون

مستواه فوق مستوى الناس اللي جالس تتكلم عندهم.

قرب العيد و الناس اشترت حلويات العيد من المحلات المعروفة في جدة

بس تلقى حريم يحلفون ان حلوياتهم حق  العيد جابوها من جنيف او

باريس ،، وتلقاهم اصلا اشتروها من سوق الخاسكية .

وحدة رايحة زواج ( جواز على قولتنا احنا اهل جدة ) و لابسة فستان

تسلفته من وحده  صحبتها و تلقاها في الزواج تتكلم عن المصمم اللي

صمم و فصل لها الفستان ، و الحقيـقة الفستان سلف. شلـة حريـم

جـالسين يتونسـوا و ياكلـوا فصفص  و كـل وحـده بتحكـي في راحوا في

الصيف و ام فلان فاقعه قلبهم ب مصر و فين راحت وفـين جات و حـاسـة

نـفسها كـأنها كانت فـي النمسا و تعايرهم وش ذا اللي اسمه سياحة

داخلية.. و مادرت الأخت ان ابهـا صارت أغلى من فرنسا.

المرة الجاية راح اكتب لكم عن فشخرة الرجال وكيف صارت أدهى و أمر

من فشخرة الحريم

Advertisements

5 تعليقات to “فشخرة حريم…”

  1. ESRAA.$ Says:

    فعلاً فشخرة البنات والحريم في المجتمع و خصوصاً في الجامعه كانت مسسبتلي أزمه نفسيه

    و المشكله أحياناً تكون بتتفشخر على شي أصلاً المفروض تستحي منه مو تتفشخر بيه و غير كده تتفشخر به قدام إللي يسوى و إللي ما يسوي ولا همها في أحد

    تلاقيها مثلاً بتتفشخر إنها متعرفه على واحد مره ميت في دباديبها ولا واحد كاااااش على قولهم وهو من جنبها

    شي زي كده ممكن إنت لو تسمعه تستحي حتى تسمعه مو تتفشخر بيه

    بس في النهايه أنا حليت أزمتي النفسيه بنفسي و أشتريت راحة دماغي وسرت أي وحده تتفشخر عليه أطنش ولا كأني سمعت شي وحتى لو سألتني من فين أشتريتي دا ولا فين رحتي في الصيف أقلها مالك دخل إنتي إيش دخلك في
    خصوصياتي …….بطريقه حلوه طبعاً

    و أعامل كل وحده على حسب طينتها

    و ننتظر منك فشخرة الرجال

  2. ربى Says:

    الفشخره داء العصر حاليا .. سارت شي مرره لازم منو
    يعني في وجود الاسواق الكتيره.. والماركات العالمية
    خصوصا في جده اتوقع مول لكل مواطن .. من جد والله
    بس احس انو دا يجي من فراغ داخلي في الانسان
    يعني
    البس شي مناسب لوضعي وحالتي المادية
    انا اللي البس الفستان مو هوا اللي يلبسني
    دا رأيي .. وشكرا ليك

  3. watar Says:

    يعني كل واحد فينا جالس يشوف الناس اللي يحبوا الفشخرة في كل مكان سواء في الجامعه او المدرسة او حتى في اماكن العمل.. على العموم الله يعين الجميع على هالفئة من الناس وانشالله ربنا يهديهم.

  4. sufana Says:

    والله موبس في جدة في كل مكان يامحمد 😦 صارت زي سلام عليكم

  5. watar Says:

    شكرا sufana لتشريفك مدونتي

    من جد صار الشي هادا في كل مكان والله يصبرنا على الناس اللي على الشاكلة هادي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: