ليش يحشون الحريم في بعض؟؟

سؤال من جد محيرني و قاهرني في نفس الوقت ، ليش البنات والحريم

 يحشون في بعض حتى لو كانت من اقرب الناس لها؟

و عشان اوضح لكم شوفوا الأمثلة هاذي

.عبير ماشية في السوق مع زوجها احمد وبالصدفة

 تلقى صديقة عمرها اماني مع عيالها وطبيعي كاشفة

 وجهها وحاطة مكياج وتلقى عبير تسلم على اماني

 بحرارة و احضان وبوس كأن لهم خمس سنوات ما تقابلوا ،

 ولما تروح اماني تلقى عبير تقول لزوجها احمد

 شوف القردة هاذي كيف حاطة مكياج حتى

 مو قادرة تفتح عيونها زي الخلق من كثر المسكرة

 على عيونها…

ترجع بدور من العرس قريب الفجر وعلى طول

 تتصل بصحبتها ندى اللي كانت معها في نفس

العرس ويبدأ موضوع الحش وطبعا تكون

 البداية بالعروس و أيش و الفستان الغجري اللي

 لابسته والمكياج البايخ وبعد كده ينتقلوا

 لموضوع تسريحة شعرها وبعد ما ينتهوا من حش

العروس ينتقلوا الى بقية المعازيم وحدة وحدة وفلانه

 فستانها لبسته في زواج البيت الفلاني قبل شهرين

وفلانه ما تعرف ترقص اللي يفشلها والثانية ما

 غيرت جوالها لها اكثر من سنة وطبعا يستمر الحش

 اللي بدى بعد العرس الى آذان الظهر

.وفي المقابل شوفوا آدم المسكين ..

 تلقاه وهو خارج من عند الشباب يقول : نشوفكم

 على خير و استروا ما واجهتم.

يابنات حوا ياريت تستحوا……

Advertisements

10 تعليقات to “ليش يحشون الحريم في بعض؟؟”

  1. ESRAA.$ Says:

    ذكرتني بموقف حصلي في يوم من الأيام كنا أنا وبنات عمي في كافيه وشفنا سته بنات و معاهم ولد ووحده من البنات جالسه تتكلم مع الولد وشكلهم كان مره غلط

    فجلسوا بنات عمي يحشوا فيهم ويقولوا سته بنات قاطين على واحد و و و

    وشويه و إحنا جالسين جات البنت إللي كانت جالسه مع الولد وسلمت علينا …..في الاخر طلع الولد من أرحامنا و البنات إللي معاه خطيبته و أخواتها بس و الله هم كان شكلهم غلط

    كأني جالسه أحش :S

    عموماً أنا ما أحش إلا مع نفسي و بعد الموقف دا بطلت أحش خلقه

    و بالنسبه لسؤالك

    الحش صار ظاهره وراثيه تتوارثها الأجيال تنتقل عبر الجينات و تصاب بها نسبه كبيره من الإناث ولذلك يطلق على أي جلسه طويله كلام حريم

    و السلام

  2. البندري بنت خالد Says:

    كلامك صحيح وواقعي خصوصا في مجتمعنا و ياليت نتخلص من هالمشكلة لان اصلا حتى ديننا الحنيف ينهانا عن هاذا
    الشي.

  3. مها Says:

    بصراحه احنا البنات لوماحشينا في الناس ما نرتاح .. صحيح انها عادة سيئة بس مو بيدنا اي شي

  4. ربى Says:

    ههههههه احلى شي بعد كا نخلص حش
    نقول الحمدلله ما جبنا سيرة احد

  5. watar Says:

    طيب متى تقدروا تبطلوا حش في العالم؟؟؟؟ ابغى اجابة صريحه

  6. بندر Says:

    ما يقدروا ….
    صارت هواية …

  7. Mohamed A. Milyani Says:

    فلة الموضوع وفي انتظار ، تفاعل اصحاب الراي 🙂

  8. watar Says:

    احلى شي اليوم جاني مسج على جوالي من وحده من الأخوات وردت على هذا الموضوع

    وقالت لي بصريح العبارة…انت قليل حيا لانك تحش في البنات و الحريم في مدونتك وناسي

    انكم يالشباب اخص من كدا…

  9. vampire ^_^ Says:

    مساااكم الله بالخير

    يعني الحين جت عبنات..مو الحين جلسات الشباب

    صايرة أسوأ و بمراحل يبيلها استئصال بعد..على

    الأقل البنات هم نواعم يحتاجوا يملوا وقت

    فراغهم والقاعدة في ما بينهم

    improve ur self

    سي يووووووو @ميد نايت. لونلي ^__*

  10. watar Says:

    vampire ..

    الحالات اللي تقول عنها قليله جدا مقارنه بجلسات البنات

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: