حاول و جرب

بالأمس وانا اتصفح في جريدة عكاظ لقيت في الصفحة الأخيرة زاوية

باسم ( بعض الحقيقة) للكاتب السعودي عيسى الحليان موضوع عن

شاعر المليون، وجلست اقرأه وبصراحه استغربت من الكلام اللي

كاتبه الأخ المحترم والانتقاد الغير محترم والصريح للبرنامج ككل،

ابتداء من المذيعه والجمهور الارسترقراطي على قولته وان هالبرنامج

يعتبر مثل سوبر ستار لكن اللي على المسرح شاعر وليس بمطرب

وان هذا البرنامج برنامج مخجل وهيئة التحكيم مبجلة والمسرح كله

اضواء بانورامية وان الشعراء المتواجدين عبارة عن متسولين على

الهواء..

اول شي احب اقول للسيد عيسى الحليان ،اذا جيت تنتقد شي اتمنى انك

تنتقد بشكل محترم وراقي شوي،الشيء الوحيد اللي اتفق معاك فيه هو

المذيعه والماكياج الزائد عن الحد، المسرح من اروع المسارح اللي تعرض

فيه مثل هالبرامج ، وغريب منك انك تقول على هيئه التحكيم مبجلة.

هل انت نقهور مثلا لانه لم يتم توجيه دعوة لك لحضور البرنامج مثلا؟؟

الى هنا وسمحنا لك..اما انك تسمي مدح الشيخ محمد بن زايد تسول على

الهواء ، عيب يا اخوي..

 يا اخي من حق الشعراء انهم يمدحوا الشخص اللي ساعدهم للظهور

امام الجماهير .. من حقهم يمدحوا الشخص اللي رحب فيهم في ديرته و

اكرمهم طوال مده اقامتهم فيها..هل نسيت ان معظم المشاركين في

من بلدنا الغالية السعودية.. معنى كلامك اننا شعب متسول وشحاتين،،

صح ولا لا؟؟

ياليت بما انك صحفي و اعلامي تروح و تحاول تعمل لو ربع البرنامج

اللي جالس تنتقده ومو عاجبك..او جهز التصاريح الممكنة وانا شخصيا

راح اكون اول الراعين الرسمين للبرنامج.

ولا اللي ما يطول العنب يقول عليه حامض

Advertisements

8 تعليقات to “حاول و جرب”

  1. بندر Says:

    او جهز التصاريح الممكنة
    .
    .
    .
    هذه تحتاج ( مليون ) سنة على الأقل
    بغض النظر عن موقفي من البرنامج .. لأني ما تابعته
    لكن ..
    التصاريح .. أنسى وضعها
    في الحقيقة .. عندنا .. تحتاج ( أكثر ) من ( مليون ) سنة
    إنتهى

  2. البندري بنت خالد Says:

    من متى بس و قنواتنا الكريمه تهتم بمثل هالأشياء يا بن سالم؟؟

  3. أنمار Says:

    I don’t get it
    this post is weird
    can you explain more?
    thanks

  4. ◦♥彡طفلة 彡♥◦ Says:

    ماادري ليه احس ان المقصود بهالمقال ياسر التويجري
    وكثير من الناس انتقدوه على حضورة للبرنامج

    وتناسوا ان الشعراء على مر العصور يمدحوا الخلفاء والزعماء
    حتى الظالمين فما بالك باللي انعموا عليهم

    البرنامج حلو بشهادتي وشهادة كثير من متابعينه

  5. watar Says:

    بندر..
    اكيد التصاريح راح تاخذ يمكن عشرين سنة ،، وبعدها تنتظر عشر سنوات غيرها عشان تحدد وزارة الاعلام الميزانية
    للبرنامج. وبعدها …..

    البندري نت خالد..
    انا اتمنى اني اشوف قنواتنا تنافس حتى ولو بالشي البسيط في المجال الاعلامي..

    انمار..
    انشالله بس افضى راح افهمك..

    الطفلة العاشقة..
    ياسر التويجري من افضل الشعراء اللي في البرنامج . .. وشي عادي ان الشاعر يمدح اي شخص
    يحترمه او يقدره.. بس الحساد ما يعجبهم شي.

  6. خااطرة - الشمراني Says:

    هلا بابو سالم .. رد جميل للكاتب واتمنى ان يصله ردك ..
    بالنسبة لبرنامج شاعر المليون من اروع البرنامج اللي تهتم بالشعر وتشجع المواهب الشابه للظهور
    وصراحة كلامه عن البرنامج اعتبره تجريح وليس انتقاد بناء .. ولكل برنامج ناجح اعداءه يحاولون
    تشويه شكله وسمعته .. انا لست من متابعيه ولكن اتابع حلقات متقطعه منه
    اللي يقهرك اللي مثل هذا يجيك مدرعم في الجريده ويكتب مثل الكلام هذا ويجيك قارئ مسكين
    يقرأ كلامه ويصدقه 😦 .. اتمنى من جريدة عكاض تراعي الانتقادات وتضع الشئ البناء ..

    . يعطيك العافية ابو سالم

  7. مها Says:

    البرنامج اكثر من رائع وانا انتظره بفارغ الصبر ، وفيه برنامج كمان مرة حلو يجي في تلفزيون سما دبي

    اسمه الميدان.. واكثر شي يعجبني في القنوات الاماراتية انهم يشجعون الشباب على الاستمرار والاحتفاظ

    بالتراث .

  8. watar Says:

    خاطرة الشمراني..

    صح لسانك.. للأسف صار عندنا كل شي ناجح يحارب من الجميع.

    مها..

    ما اقول الا الله يهدي قنواتنا وياليت يتبنون برامج تجمع الشباب على حب تراثنا اللي راح يختفي.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: