بسكوت بالتمر

اليوم عشان خاطر البنات اللي طفشوا اهلهم و ازواجهم بأنواع

معينة من الحلى ، وما يعرفوا يسووا شي ثاني ،، اقدم لهم هذي

الوصفة الخطيررررة مررررررررررررة عشان تخلوا الحلى يدفع

البلى زي مايقولواوما يدفعكم الى خارج حياتكم الأسرية ويمكن

حياتكم الدنيوية..

المقادير تكفي اربعة اشخاص وبس..

مدة التحضير : ساعه وحدة بس..

المقادير::

نص كيلوا تمر منزوع النوى ( فتحوا عيونكم وانزعوه

تمام ، مو كم حبة منزوعه النوى والباقي فوقه)

كوبين طحين.. ربع كوب سكر بودرة..

حبتين بيض ( وربي بدون قشر)

ملعقة كبيرة ماء ورد..

طريق التحضير::

اول شي نخلط البيض مع الطحين والزيت والسكر وماء الورد

حتى تصير العجينة متماسكة..

وبعد كده نفرد نص كمية العجين داخل الصينية وبعدين نحط

الحشوة على سطح العجينة بعدين نغطيها بنص العجينة الباقية..

وبعدين ندخل الصينية داخل الفرن لمدة ثلث ساعه على نار

متوسطة.. ولمن تخلص نحط شوية سكر عليها..

وتقدروا تقطعوها على شكل مربع او مثلثات على حسب مزاجكم.

عاد اللي ماراح تعرف تسويها ،،يعني معليش احس انه مالها اي

داعي في العالم مو بس عند اهلها..

بالهنا والعافية

Advertisements

11 تعليق to “بسكوت بالتمر”

  1. البندري بنت خالد Says:

    يا محمد انت بصراحه انسان زاحف وفوق كل التوقعات..

    انا انسانه ما احب اقرأ شي في المدونات

    لكن مدونتك هبلت فيني.. واللي يقرأ مدونتك اتحداه انه يقدر

    يعرف وش نوع شخصيتك..والله يكون في عون زوجتك عليك اذا كنت متزوج.

  2. esraa.$ Says:

    سؤال : إنت عايش عزابي ؟؟؟

    و لا مسكت معاك طبيخ آخر الليالي و الناس نايمه

    الحمد لله أنا أعرف أسوي كل شي في المطبخ و ما يحتاج أحد يعلمني

    هذه الطريقه تنفع كمان لو حشيناها يالقرفه و السكر

    بس بصراحه أثبت جدارتك
    رجلٌ و الرجال قليلُ

    و ياحظ إللي حتتزوجك

    يبغالك تتزوج وحده ما تعرف تطبخ عشان يصير في توافق

  3. εїз مضيعــه بيتـهـــم εїз Says:

    يعطيك العافية

  4. watar Says:

    البندري بنت خالد..

    انا اعترف اني انسان زاحف ومحد قادر يحلل شخصيتي للآن فأرجوكي لا تتعبي حالك وتحاولي انك تفهمي

    شخصيتي..والحمدلله اني للحين اعزب.

    اسراء..

    احنا من جده بس اهلي حاليا متواجدين في مدينه الخبر يعني انا عايش لوحدي عزابي بحكم طبيعه عملي والتنقل الدائم

    فيه من بلد لبلد….وشكرا على نصيحه اضافة السكر و القرفة وانشالله راح اسويها المرة الجاية..

    مضيعه بيتهم..

    ردك مجرد كلمتين وخليتيني احس كأني حاولت اشرح لك معادله كيميائية مو طبخه.

  5. خااطرة - الشمراني Says:

    اهليــــن ..

    زين أول ما دخلت مدونتك تعلمت شئ .. صرت اعرف اسوي شاي + سندوش بيض + بسكوت تمر
    وبسكوت التمر بفضلك .. الوالده تقول لي يا ولدي وش دراك عن البسكوت وطريقته قلت مدونة محمد سالم لتعليم الطبخ ههههههههه .. بس صراحة طعمه 🙂 ..

    تدوينة جميلة ومفيدة

  6. watar Says:

    الشمراني..

    الله يسلمك ويبقيك ..الله يطول لك بعمر الوالده انشالله .. وشكرا لمرورك

  7. مها Says:

    يعطيك العافية وفي انتظار المزيد

  8. المفكر Says:

    على الفتيات الحذر من هذه الوصفات المتقنة
    لأنها ستؤدي إلى تطويل حياة العزوبية وتأخيرالزواج
    ولو حصل خلاف لاقدر الله وهرب الزوج ممكن يعتمد على نفسه
    ويكتفي بهذه المدونة
    أسمعوها مني
    وراح تقولوا المفكر قال

  9. watar Says:

    مها..

    الله يعافيك وتسلمي لردك الطيب.

    المفكر..

    شايف شغل العزاب كيف؟؟ صرنا محترفين اكثر من البنات في سوالف المطبخ.

  10. بندر Says:

    طب يا محمد إيش رأيك تعمل طبق منه و تجيبه معاك لما تزورني المرة الجاية ..
    يسير أقدر أحكم بنفسي ..

    🙂

  11. watar Says:

    ابشر يا بندر وما طلبت شي ..من عيوني الاثنين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: