لسه صغير … كبير على هالصف

وللحين ما قدر ابو فيصل حل عشان يسجل فيصل في

المدرسة.. كل ماراح مدرسة يبي يسجل فيصل في اول

ابتدائي يقولون له ولدك لسه صغير.. ما كمل 6 سنوات

 عمره 5 سنوات و نص.. حاول

حاول يلقى واسطة..وما لقى..فكر انه يسجل فيصل في

مدرسة اهلية.. لكن العين بصيرة واليد قصيرة..مالقى

حل الا انه يسجله في السنه الجاية وتروح عليه هالسنة..

قبل الدراسة بأسبوع..في السنه الجديده.. اخذ ابو فيصل

ملف فيصل..وراح يسجله.. و قابل وكيل المدرسة..

و ابتسم الوكيل في وجه ابو فيصل و قال: اسف يا ابو

فيصل.. ولدك عمره 6 سنوات و نص وما نقدر نسجله

لانه اكبر من الطلاب اللي في الفصل ب 6 اشهر,

و احنا حريصين على ان يكون عمر الطلاب في نفس السن.

و رجع ابو فيصل يدور على واسطة لتسجيل ولده مثل

السنه اللي فاتت.. وكملوا انتوا الحكاية…

يارب فهم الأغبية اللي في ادارة التعليم .. وياليت يشوفوا

نظام مطور اكثر من كذا.. بس الظاهر  ان الحل عند

كل زوج وزوجه.. لازم يحسبوها صح..

Advertisements

10 تعليقات to “لسه صغير … كبير على هالصف”

  1. ◦♥彡طفلة 彡♥◦ Says:

    ذكرتني بأيام الشباب

    لاني دخلت المدرسة صغيرة وسجلوني اهلي بمدرسة خاصة عشان هالمشكلة

    بس مااتوقع ان الكبر فيه مشكلة لانه كثير ناس مايسجلون اولادهم الا بعمر 7

  2. ToFFeY Says:

    السلام عليكم اخي محمد بصراحه المدونه رائعه وموضوعكم عجيب التعليم بالخليج عموما عمره ماراح يتطور اخوي مهما يحاولووووووون فيه ولا راح يفهمون اي شي من اللي يسووونه

    بصراحه الله يعيين صاحبك مسكين

  3. b3d1 Says:

    المشكلة موجودة .. عند الاهالي المهتمين
    لكن البعض لايهتم .. ومايحسبوها صح 🙂
    ومن عجائب هذا الموضوع
    إن حتى المدارس الخاصة قد ترفض تسجيل الابن لنفس العذر
    والأعجب من هذا .. قصة حكتها لي أمي من زمان
    وأنه واحدة من بنات الجيران لما راحت امها تسجلها
    والبنت كان جسمها ضعيف .. أخروا تسجيلها !!!
    .
    .
    ولو ناقشنا الموضوع من ناحية آخرى
    كانت معنا بنت بالثانوي
    تتفاخر بيننا لأنها أصغر مننا .. وأنها درست من عمر 5 سنوات !!
    واعرف آخرى … حزينة جدا جدا
    لأنها تعتبر نفسها أكبر بنات دفعتها
    حتى إن الفرق تقريبا يوصل لسنة ..
    وتقول ليه ضيعوا من عمري هذا السنة !!
    من جد حاجة تقهر ………..

  4. watar Says:

    الطفلة العاشقة المدللة..

    انتي على طوول شباب يعني اهم شي انك حسيتي هالمشكلة بنفسك..

    ToFFeY

    الله يسلمك وشرفتي مدونتي المتواضعه وكلامك صحيح مليون في المية..وعمر التعليم عندنا ماراح يتطور.

    b3d1..

    يعني المشكلة راح تؤدي الى مشاكل اكثر ونفتح على نفسنا باب اخر من المشاكل..

  5. khawlah Says:

    ممكن نفهم حكاية المنع لأنه صغير ( و لو انها رزالة منهم كلها 6 شهور) لكن عشانه اكبر بست شهور, فهده اول مرة اسمعها.. مو طبيعي, يعني كل الطلاب الي عندهم اتولدوا في نفس الشهر؟

  6. MiaMi Says:

    🙂

    غريبة !!

    أنا أعرف أنه أصغر من السن المسموح ما يقدر يدخل ،،

    بس لو أكبر ،، ما في مشكلة

    عادي !!

    أكيد فيه لبس في الموضوع

    الدنيا مو سايبة كذا

    ومو معقول كل اللي في الصف نفسه أعمارهم متقاربة لهذي الدرجة !!

    تحيّاتي ،،

  7. watar Says:

    khawlah

    الوزارة كل يوم لها قانون واللي مو عاجبو يشرب من …

    MiaMi

    اسألي ادارة التعليم

  8. البندري بنت خالد Says:

    اخوي الغالي محمد..

    جبتها على الجرح.. ولا راح يغير شي الا اذا كان في المناصب العليا شباب ومو شياب عشان تكون القرارت

    متطورة بالشكل المطلوب..

  9. كبير المتشردين Says:

    بجد انت رائع استأذنك في ان اضيفك في قائمة المفضلة لدي

  10. watar Says:

    البندري بنت خالد..

    اتمنى من كل قلبي لو ان الشباب يلقون فرصة لإبداع ولو في اي مجال..

    كبير المتشرين..

    لي الشرف طال عمرك والف شكر على مرورك..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: