ابي افتح حساب

 قبل حوالي سبعة اشهر لمن كنت اشتغل في البنك..اتصل

علي واحد من الشباب العزيزين علي و اسمه فهد.. و سألني

اذا يقدر يجيني لانه يبي يفتح حساب.. و قلت له انا الحين

موجود و تقدر تتفضل في اي وقت..

المهم بعد حوالي ساعه وصل صاحبنا فهد و جبت له اوراق

فتح الحساب وكملناها وسألته: بكم تبي تفتح الحساب؟؟

قال لي : 200 الف..

انا بصراحه اندهشت خصوصا ان خوينا فهد على قد حاله

وماله قبل كم شهر متزوج..و قلت في نفسي انه يمكن حصل

له المبلغ عمولة من بيعه ارض او مركز تجاري.

اخذت اوراق فتح الحساب و الفلوس اللي جايبها كاش و

رحت قسم فتح حسابات لموظفين الشركات اللي بنتعامل

معاها لان الفرع مقفل في هذا الوقت..

و رجعت ل فهد و اعطيته رقم الحساب وقبل لا يمشي سألته

وش الجديد عندك؟؟ بصراحه صدمني وقال لي جالس ادور

على بنت الحلال.. صدمني وقلت له توك متزوج قريب..

قال لي اقول لك شي وما تقول لأحد؟؟ قلت له قول.. قال ترى

زوجتي خلعتني في المحكمة و الفلوس اللي فتحت الحساب

فيها هي قيمة الخلع..

القاضي حكم ب 70 الف وهي من زود البطرة قالت اعطيه

200 الف بس يطلقني الحين..

بصراحه انصدمت وما توقعت يكون لي في يوم من الأيام

صديق مخلوع.. والله يستر اخاف اذا تزوجت بكرة انخلع

بكل سهولة..

و اللللللللللللللللللللللللللللللللللللللللللللللللله يخارجنا.

Advertisements

16 تعليق to “ابي افتح حساب”

  1. esraa.$ Says:

    هو غالباً الخلع في يكون في صالح الرجال

    عشان كده بعض الرجال الله يهديهم لو يبغوا يطلقوا يجلسوا يبهدلوا الحرمه إلين ما يخلوها هي تطلب الخلع عشان هو يستفيد( إستثمار ) الله يهديهم بس

    و البعض الآخر زوجاتهم يطلبوا الخلع و يسامحوهم و لا ياخذوا منهم شي

    هذه قصه مرت علي قريب

    واحد زوجته طلبتوا يطلقها و لما راح المحكمه و شرح للقاضي الموضوع قاله المفروض تعتبره خلع مو طلاق

    قال : أنا مسامحها و لا أبغا منها شي

    و فعلاً تم الموضوع طلاق و ليس خلع

    و لله في خلقه شؤون

  2. بحرينية Says:

    لهدرجة مستغنية عن زوجها !!
    طبعا احنا ما نعرف ظروف الزوجة و ظروف الزوج من جذي ما نقدر نطلق احكام
    او نكون في صف احد من الطرفين على حساب الطرف الاخر
    بس ما نقدر نقول غير الله يوفق كل واحد في حياته

  3. أقرب البعيـد ! Says:

    زيارة أولى وحتماً ليست الأخيرة

    طيب شف خويك ما يشوف لنا وحده تخلعنا بس بشويش 🙂 ؟
    ما شاء الله 200 الف ريال شكلها ما تبيه بعنف ..
    (:

  4. مضيعه بيتهم Says:

    لاحولة ولا قوة الا بالله

    شئ يضحك وبنفس الوقت تفاجاءت

    مادري وش اكتب ماعندي تعليق

    الله يوفق الكل ياارب

  5. watar Says:

    اسراء..

    في نظري الخلع مو في صالح اي احد من الطرفين.. واذا دفعت الزوجه لزوجها مبلغ عشان يطلقها فمن حقه

    وشوفي كم الزوج الغلبان دفع عشان يتزوج.. وشوفي الديون اللي تكون متراكمة عليه بعد الزواج..

    بحرينية..

    عادي وترى كثيرين ما تفرق معاهم انهم يستغنوا عن الطرف الآخر ..

    اقرب البعيد..

    انشالله راح اكلمه يشوف لنا الاثنين انا و انت.. شكرا لزيارتك و اتمنى تمواجدك الدائم معانا..

    مضيعه بيتهم..

    شي يضحك و يبكي.. وربنا يوفقك بابن الحلال..اللي ما تخلعيه..

  6. البندري بنت خالد Says:

    الله وش هالسوالف الزينة يا ابو حميد ، الله يجزى خير الشيوخ اللي حللوا الخلع. واحس انه فيه كثيرين

    متزوجات و دهن يخلعون ازواجهم اليوم قبل باكر.

  7. MISHARI Says:

    والله ضحكتنى
    هم يضحك وهم يبجى
    بس هذى الظاهر شافت منه الويل
    على العموم اللى بال200 الف بيرضاها على نفسه احسها ما ادرى شلون مو حلوة بحقه

  8. المفكر Says:

    أها
    يعني المسألة كده
    آن لأبي حنيفة أن يمد رجله !!

  9. watar Says:

    البندري بنت خالد..

    والله انتوا يا الجنس الناعم اذا لقيتوا شيخ حلل شي عجبكم طلعتوه السما.. واذا حلل شي ما عجبكم

    مثل زواج المسيار كفرتووه..

    MISHARI..

    والله الرجبال غلبان وانا اعرفه زين.. بس انت داري ان كيد النساء عظيم ومحد يقدر عليهم.. شكرا لمرورك .

    المفكر

    عجبني تفكيرك..

  10. khawlah Says:

    هاها, الوضع يضحك.. بس ليش زعلانين على البني ادم؟
    الأدمية ما تبغاه و بكل احترام خلعته ايش الي يزعل في الموضوع؟
    مهو أحسن من كتير حالات لسيدات يتم فيها بهدلتهن و تطليقهن بعد ما ياخدوا راتبها و يستولوا عليه.

  11. watar Says:

    خولة..

    الشباب و البنات شكلهم يبوا يتقاسموا معاه ال 200 الف.. صدقتي احسن من البهدلة اللي كل واحد

    فيهم مو محتاجها..

  12. مها Says:

    كده احسن زي ما قالت خولة بدون تعب و بهدلة

  13. b3d1 Says:

    شر البلية مايضحك !!!!
    نفسي اعرف السبب !!!!!!!!!

  14. watar Says:

    مها الغالية..

    انا اشوف من الأفضل الانفصال بدون مشاكل عشان يبقى الود بينهم خصوصا اذا كان

    بينهم اطفال..ولا ايش رأيك؟؟

    b3d1

    البيوت اسرار ..

  15. b3d1 Says:

    هههههههههههههه
    أكيد أسرار …
    والمعذرة على اللقافة ..

  16. watar Says:

    b3d1 ..

    اكيد اسراااااااااااار.. والسر اكيد في بئر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: