Archive for 27 أبريل, 2007

مبروك

أبريل 27, 2007

بكل روح رياضية و مع اني اتحادي متعصب اقول لأخواننا الأهلاوية مبروك.

و مبروك لحسين عبدالغني ..على الكف اللي اخذه على وجهه من الكابتن

حسن خليفه.. عشان يبطل قلة ادب و تطاول على اخوانه اللاعبين..

Advertisements

لا تخليني لحالي..

أبريل 25, 2007

لا تخليني لحالي

..

وش تسوى دنيتي بدونك

..

مثل صحراء بلا اي مطر.. مثل غابة بلا اي شجر

..

انا الشوق لأهل الشوق..انا الوله في دنيا الوله

..

لا تخليني لحالي

..

مل جفني من السهر.. متى تجي غيمة مطر

..

ناظر لهفتي و شوقي.. الظمأ جفف عروقي

..

لا تخليني لحالي..

اسباب النجاح

أبريل 21, 2007

كثيرين من الشباب او البنات حضروا دورات عن كيفية البدء في مشروع

تجاري صغير او دورات عن اسباب النجاح و دورات ثانية كثيرة تتكلم

عن المفاتيح او الآسرار اللي تؤدي للنجاح.

و اغلب الأساتذة اللي يشتغلوا بذمة و ضمير ماقصروا و اعطوا

الكثير من المعلومات المفيده للطلاب او الطالبات ،

انا ماراح اقول اني افضل من هالأساتذة او المحاضرين

 لكن في شي جدا مهم ما ذكروه في هذه الدورات او المحاضرات او

من الممكن انهم ذكروه و لكن بشكل جدا بسيط او

بالشكل الغير صحيح.

هالشي هو البيئة المحيطة بالشخص اللي وده انه ينجح

سواء في حياته العملية او العلمية.

فيه مثل قديم يقول:

عشان تكون ذيب لازم تكون وسط الذئاب

فهمتوه ولا لأ؟؟؟

يعني عشان تنجح لازم انك تكون وسط ناس و مجتمع

ناجح.. مثلا اذا اي شاب او بنت قرروا انهم يبدأوا

بمشروع او يحققوا اي فكرة على الواقع ايش راح يصير؟؟

اذا هالشاب او البنت كانوا وسط فئة ناجحه من المجتمع

و عقولها متفتحه ، راح يتم دعمهم و امدادهم بالثقة

اللي هم محتاجينها للنجاح و راح يتم دعمهم

بالأفكار اللي راح تخليهم يوصلوا لهدفهم.

اما اذا كانوا وسط شلة فاشله ، اكيد راح

يتم تحطيم احلامهم و احباطهم بأن المشروع هذا

صعب تحقيقه وانه من المستحيلات

و يحتاج الى مجهود جبار و .. و.. و..

انا ما اقول ان اي شخص عنده فكرة يروح يتخلى عن

اصحابه و شلته، لكن يجب الابتعاد عنهم لفترة بسيطه

و يكون وسط ناس ناجحين و تدعم افكاره الى ان

يوصل للهدف .

واجب NeeArt

أبريل 16, 2007

ما قصرت الأخت نيارت ومررت هالواجب على مجموعه من المدونين

و المدونات و الحمدلله اسمي بينهم ( ولا يزعل اللي اسمه مو موجود

و يخلي اخلاقه رياضية). طبعا نيارت ودها تشوف ايش الواحد يعمل

اذا عصب وكيف ينفس عن عصبيته و كيف يتخلص من حاله العصبية

اللي تجيه.

بالنسبة لي عادة ما احب اخلي شي في قلبي.. يعني اللي في قلبي على

لساني. و ليش اشيل هم؟؟؟

اذا عصبت مثلا من شي صدر من شخص ما …… عادة اروح و اتفاهم

مع هذا الشخص بشكل ودي في البداية و بعدين يبدأ الصراخ وممكن في

حالات نادرة جدا جدا جدا ان الموضوع يوصل للتفاهم بالأيادي لا قدر الله.

لكن بشكل عام مكبر راسي و احب اني اكون عاقل و حكيم ( بدا الغرور)

و اتبع المثل اللي يقول لا تنزل مستواك لأي واطي في هالدنيا.

 واذا كان الموضوع اللي خلاني اعصب من داخل البيت ، اروح اطلع

و اغير جو او ادخل غرفتي و أناااااااااااااااااااااااااااااااااااااااااااااااااااام.

احب امرر هالواجب الى الأخوة عبدالعزيز البكر ، مصعب ،Ano0os

يوسف منصور ، سامي منصور ، KHALED، علوش .

و الأخوات مضيعه بيتهم، ظلال الياسمين ، ميامي ، Expired

تالا ، نور ، سلوى ، فتاة الحزن ، سفانا ،Mn_Sokkaraty

و سالفة قلب.

و ياليت الكل يحل الواجب عشان تنجحوا كلكم..

فخر الأجيال ( القصيدة الخامسة )

أبريل 15, 2007

سمو الشيخ حمدان بن محمد بن راشد آل مكتوم …هذا الشبل من ذاك الأسد ..

يمشى على خطى والده الشيخ محمد بن راشد آل مكتوم ..تجرع منه حب الوطن..

حب دبي.. حب الخير ..الشعر يمشي في عروقه مجرى الدم..وعلى نهج والده في دعم الشباب ..

و حفظ التراث..حمدان بن محمد.. فزاع..هذي قصيدة من اروع القصايد اللي كتبها فزاع في مدح

والده ، واعتقد انه مافي شاعر مدح والده في مثل هذا المستوى

الذي بينت مقدار الحب لأبيه و الاعتزاز بالأب كقدوة ليس لها مثيل.

على وصف الرجال اللي تسمى بالأفعال رجال

                                       لفت بيض العلوم وبيض الله وجه راعيها

لفت ما كنها الا سبق الخيل ان بدت تختال

                                         نواصيها النعوت وفي مناكبها ..قوافيها

قصايد والقصايد ما نساومها بجاه و مال

                                           نعب بحورها وان هاج مزملها نرسيها

اذا امتد الفكر و امتد ليلي والقصايد و طال

                                       توشحت الشوارد و لبست الأشعار غاليها

كذب من قال ساعفني عليها الجن يوم تقال

                                         انا البس جنها اصدر مواردها و ارويها

انا ولا فخر نجل الشامخ المتمرس الريبال

                                      على وصفه تجاريني القصايد قبل اجاريها

على محمد بن راشد ال مكتوم طاب الفال

                                        وطابت لي قبل لا الزم قوافيها…معانيها

متى قالوا صواريها المعاني ما هناك اشكال

                                          حرام اني لمد شراعها لأكبر صواريها

على اكبر منبر ارميها ثنى وفخر وعز و اجلال

                                    مادام ان الثنى لأهله على اكبر منبر ارميها

لأجل قرم غرس حلمه لشعبه و اثمرت آمال

                                             حقايق نبصر اولها ونتباشر بتاليها

حقايق واضحه من دون ابو راشد صعب تنطال

                                          تباركها القلوب و تبهر الناظر مغانيها

معانيها تراود كل عطر ما خطر عالبال

                                      و اراضيها يراود كل عاشق فوق ناديها

اراضيها الخزامى و النفل والبختري و الهال

                                  وما يخطر على البال العطر يزخر بأراضيها

ولي فيها محب اسرف على قلبي و حط و شال

                                   طلب روحي وروحي منه فيها اللي يكفيها

من اول ما عرفته والضلوع تجر له موال

                                         ولا ادري نيته بضلوعه وش تواليها

انا محتار مابينه وبين دبي بالمثقال

                                        يا اما دبي له تحلى او انه هو يحليها

او ان دبي تحلا لان ابو راشد لها خيال

                                   نعم والله و تسبق خيلها من سبق واليها

دبي العز من طيب النسايم عودها ميال

                                تمسي صاحب القدر و نحن باسمه نمسيها

صدى داره بشرق وغرب وجنوب التقى و شمال

                                 قبض الاربع جهات يلين داره ذاع طاريها

طغى عزمه على وعر الدروب وله غدت مسيال

                               تسيل الأرض لاقدامه و تفتخر من مواطيها

غريبه كيف جادت به سنينه والسنين بخال

                              و الاغرب كيف تظما له وهو بالجود يسقيها

لو ان المجد سهل ان كان طال منه ونال

                                دروب المجد و دروب العلا صعبه مراقيها

طويل العمر ما جيت اعتزي في وصفك الامثال

                                            ولكن المثايل تعتزي بك و البيها

يا ابوي ابشر ترى شبلك توارث عن مداه اشبال

                              وثب فوق الدروب و سابقت رجله خطاويها

ورث عزمك و حزمك والخصال تجر طيب خصال

                                    مواثيقه على طرق المكارم بك يجديها

اذا شد الفخر لاجلك رحالة قمت اشد رحال

                            على نهجك عشان افرد رحاله وارجع اطويها

واذا قالوا من ادرى بالحصى والوزون ثقال

                              عرفت ان الوزون ثقال وانت ادر بحصابيها

على الدنيا جدال الا انت ماعليك جدال

                                 مع ان يديك يجادل كل وادي سيل واديها

لو ان السحب تنشأ من كفوف امست عليك ظلال

                            و خرت ساجده لأهل الثرى من جود منشيها

مكارمك المكارم والعطايا من بحرك جزال

                             لو ان السفن تجري في يمينك ضاع شاطيها

يمينك لاحت وابرقت و ابطت وهي تنهال

                                   ولا والله تدري عن يسارك كم معاطيها

وكم رجل بصدره حاجه و جاك وقبل لا يسال

                              عطيته ..كانك ادرى بالصدور وسر خافيها

وكم حلم سبقته كان في عين الزمان يحال

                                  تقول المقبلات افضل عليك اسرا باريها

يقولون اختصرت اجيال واقوا انته فخر الأجيال

                             اذا الأجيال ما تفتخر بك..من هو يفتخر فيها

رجال الدين

أبريل 9, 2007

قال تعالى: ( كنتم خير أمة أخرجت للناس تأمرون بالمعروف وتنهونعن المنكر وتؤمنون بالله )

صدق الله العظيم.

قال رسولنا الكريم صلى الله عليه و سلم: ( من رأى منكم منكرا فليغيره بيده ،فإن لم يستطع فبلسانه ،

فإن لم يستطع فبقلبه ، وذلك أضعف الإيمان).

الانتقاد:هو عدم قبول رأي فعل اي شخص والرد عليه ..وهو اكتشاف العيوبو ملاحظتها.

تعمدت امس اني احط اعلان عن موضوع اليوم و شفت بعض التعليقات اللي حسستني ان

الكثيرين ما صدقوا خبر ان موضوع زي هذا انفتح.

في البداية احب اوضح ان فيه بعض الشباب الملتزمين و المتعلمين يجبرك على احترامه و

 احترام اي كلمة يقولها و يجبرك انك توقف و تسمعه بكل صدر رحب ، وفي المقابل فيه شباب هداهم

 الله تلقاه يفتري على العباد باسم الدين ، سواء كان من القضاة او من بعض المحسوبين على

 رجال الهيئة المحترمين.

من الصعب جدا اننا نحكم على قطاع كامل أو منشأه كاملة بأنها سيئة بسبب تصرف ارعن وسيء من

احدافرادها .. لانك لما تدخل اي مكان راح تواجه فيه الطيب والسيء.لو في يوم من الأيام

 اي شخص مننا دخل مطعم أو كوفي شوب أو مستشفى أو حتى مكتب لتأجير السيارات أو أي

 مكان و لقى الخدمة سيئة. ايش اللي راح يصير؟؟

اكيد تلقائيا راح يتكلم عن العيوب و المشاكل اللي صادفته في المكان اللي كان فيه في اي

 مجلس سواء كان بين اهله او اصحابه او زملائه في العمل… والجميع راح يستمع له

و يشاركوه في الرأي في اغلب الأحيان، ولكن اذا انتقد هذا الشخص اي شخص متدين سواء

قاضي او شيخ او احد رجال الهيئة ، على طوووووولراح نوقف ضده و نغلطه ..ليش؟؟؟

هل يوجد بيننا شخص معصوم من الخطأ؟؟

هل يوجد بيننا شخص افعال و اقواله و ارآئه كلها صحيحة؟؟؟

هل الشيوخ و القضاة بشر معرضين للخطأ ولا جايين من كوكب زحل مثلا؟؟

اكيد كل شخص معرض انه يخطيء بحكم اننا بشر و محنا معصومين من الخطأ ، وفيه تجارب

 كثيرة مر بها كثيرين مننا و يمكن انها تكون معاتاة للبعض.. و ليست مجرد

 مشكلة بسيطه.

قبل فترة كنا مجتمعين في عزيمة شباب عند احد الأخوان ، وكان فيه شخص يشتكي

من مماطلة القاضي في اصدار الحكم ، والقاضي في كل جلسة يسمع نفس الكلام

من الطرفين  و يعطيهم موعد ثاني لجلسة ثانية.

يعني بالله عليكم ايش السبب؟؟؟ يعني هل القاضي متوقع ان المظلوم

راح يتصالح مع الظالم ؟؟ ولا يعنيخلاص اسلوب تطفيش عن الرجال يتنازل عن فلوسه؟؟

من اكثر الأشياء اللي استغربها انه لما يجي اي رجل للمحكمة لوحده ويروح للشيخ

 عشان يبغى يطلق زوجته ، على طول الشيخ يخلص له الموضوع وما يخرج من عند

الشيخ  الا وورقة الطلاق بيده عشان يروح يرميها في وجه زوجته المسكينة

اللي مالها لا حول ولا قوة ، وفي المقابل اذا راحت هذي الزوجة مع ابوها او اخوها

للمحكمة وكانت ملامح الضرب واضحه في وجهها و طلبت من القاضي انه يستدعي

 زوجها عشان يطلقها ، راح تلقى القاضي عصب عليها و يصرخ ان ابغض الحلال

عند الله الطلاق و يصرفها.

ليش يعني حلال على الرجال انه يطلق ولو بدون سبب وحرام على الزوجه انها تطلب

 الطلاق مع انها هي الطرف المتضرر ، واذا وافق الشيخ انها تتططلق يجبرها على

 دفع مبلغ و قدره للزوج ، قال ايه عشان تخلعه ، اي خلع و اي خرابيط ،

البنت متغيرة ملامح وجهها من الضرب والعفس

وتدفع لزوجها فلوس عشان يطلقها.

قبل حوالي سنه في مدينه الرياض كنت جالس داخل السيارة وجاني احد

 رجال الهيئة و بصراحه كان في قمة الذوق و الاخلاق و الأدب وهو يتكلم معي

 وسألني عن سبب انتظاري في السيارة في مواقف المركز و جاوبته اني في انتظار

 طلعه اهلي من السوق وبس. وراح ولكني كنت اشوفه من بعيد وهو يراقبني وانا

ما قلت شيلانه يمكن طبيعه عمله تستدعي كذا. قبل اسبوعين في مدينة الخبر في

 احد الشوارع اللي كلها محلات للجوال كنت اشتري شاحن من احد المحلات وجاء

جمس الهيئة ووقف ونزلوا المطاوعه اللي فيه و دخلوا المحل

 اللي جمب المحل اللي كنت فيه وقاموا بطرد بنتين من المحل و قام المطوع يصرخ

 في الشارع  و يقول كيف تجوا شارع فيه رجال؟؟

هههههههههههههه. من جد ايش التهمه الغبية هذي ، وطبيعي البنتين ركبوا

سيارتهم  مع السواق وراحوا وطبعا عشان المطاوعه ما لقوا شي يسووه ،

خلو البائع اللي في المحل يقفل و يجي معاهم ، وعلى الرصيف المقابل كان فيه

 المطوع الثاني يصرخ على رجال  كبير في السن و يمكن اكبر من ابوه و يقول له بكل قله

 ادب انت ما تستحي ؟؟ تدخن في الشارع كأنك  في بيت ابوك؟؟

 ايش قله الحيا..

و بصراحه كمان فيه شباب يرفعوا الضغط من اول ما تشوفهم..الشعر سبايكي ، و

 البنطلون نازل  بشكل اكثر من مقرف..والسلاسل على كل شكل و لون ، وما

 يبغوا احد يكلمهم ..معليش شباب انتوا كده غلطانين وتستاهلوا اللي يجيكم ..

 احنا مسلمين والحمدلله بلدنا بلاد اسلاميةو بصراحه اللي لا بسينه هذا اسمه قلية حيا و قلة تربية..

اذا جينا على الافتاء ، فاللي جالس يصير هذي الأيام مهزلة .. الكل صاير من اصحاب الفضيلة

 و صرنا نسمع فتاوي حتى الأطفال يضحكوا لما  يسمعوها.. زواج مسفار ،، فرند ،، مسيار

،،كله موجود .. واللي محتاجه الزبون راح نوفره..ايش الكلام هذا ..يعني خلاص

 فوضى..خليتوا كل امور الدنيا وركزتوا على الزواج بانواعه؟؟

كأن مافيه هيئة كبار العلماء او هيئة الافتاء و الكل جالس يتعدى على صاحب

الفضيلة آل الشيخ ، مفتي المملكة الله يحفظه و يطول بعمره…

وفي النهاية اصابع اليد الوحدة ماهي سوى وراح تلاقوا ناس محترمين

 وناس في غاية قلة الادب والوقاحه و الانحطاط.. وان اصبت فمن الله

 وان اخطأت فمن نفسي .. و اتمنى من الله  العلي القدير انه يحفظ شيوخنا و

 يحفظكم و يوفقكم لما يحبه و يرضاه. 

غدا …..

أبريل 8, 2007

ليش دايم الشخص اللي يقول عن تصرفات بعض رجال الدين و القضاة غلط  نعتبره غلطاااااااااااااااااان ؟؟؟

اعتقادات الطفولة

أبريل 6, 2007

كان موضوع  الأخت الغالية تالا الأخير في مدونتها اللي اعتبرها اكثر

من رائعه عن اعتقادات الطفولة والأشياء اللي مرت علينا في طفولتنا..

كـان الـموضـوع جدا مضحـك و جـلسـت اضحـك على افكار تالا بشكل

هستيري،ولما وصلت لأخر الموضوع لقيتها تمرر هالموضوع كواجب

لـعدد من الأخوة و الأخـوات و المفـاجأه الحـلوة لقيت اسمي اخرهم .

 يعني يا تالا لا يهمك راح اكتب بعض المعتقدات اللي كنت اعتقدها وانا

صغير عشان تضحكي علي زي ما ضحكت انا عليك…

1- كنت احسب ان اي رجال في هالدنيا يشتغل يا مهندس ( بحكم عمل

    والدي كمهندس معماري) او دكتور او رجل شرطة و مافي اي شي

    ثاني يشتغلوه الرجال.

2- كنت أؤمن بشخصيات الرسوم المتحركة مثل سبايدرمان و جريندايزر.

3- كنت مستغرب ليش امي و خالتي بينهم شبه مع اني اعرف انهم اخوات.

4- ما اعـترف بـشيء اسمه اللعب مع اولاد الجـيران او ازور زملائي اللـي

   بالمدرسة ..كنت انا و اخوي احمد و بس.

5- كنت اعتقد ان الناس لما يناموا الدنيا كلها توقف.

6- كنت احسب ان اي شخص يتكلم عربي معناه انه سعودي.

7- كنت اظن ان الهمبرجر للكبار والبطاطس للصغار.

8- بعد ما خلصت من الحضانه و الروضة والتمهيدي ، كنت مستغرب في

    لمن رحت الصف الأول ابتدائي ليش المدرسة ما فيها الا اولاد و كنت

    اسأل وين راحوا البنات؟؟.

    معليش اعذريني يا تالا ما قدرت اتذكر اكثر من كذا .. تعرفي كبر السن

    و حكمه.. و احب امرر هالواجب لصديق العمر بندر رفة ، ano0os ،  

    expired ، ظلال الياسمين و مضيعه بيتهم ، mn sokkaraty ،

    فتاة الحزن، بنت الروح ، ماشي صح ، يوسف رفة علي الريعان ،

    ابو جوري ، Entropy ، ميامي ، سفانا ، Toffey ، نور.

   اتمنى من كل اللي ذكرت اسمائهم انهم ما يتهربوا و يكتبوا اعتقاداتهم

    ايام الطفولة اللي اتمنى انها كانت سعيدة..

الــكـــرم

أبريل 3, 2007

ماتقتل البخيل إلا يدين الكريم ، كانوا يقولوها زمان عشان يحس

البخيل بمدى البخل اللي فيه وعشان يحس و ببخله و يستحي على

وجهه و يحاول يتخلص من العادة السيئة هذي ، بس الظاهر ان

البخلاء في الزمن اللي احنا فيه ما يستحوا.

لو تسأل اي بنت مثلا في عمر الزواج عن مواصفات فتى الأحلام

راح تذكر لك مليون صفة تبغاها في فتى الأحلام ، يعني يكون وسيم

و طيب القلب ( مو عبدالمجيد عبدالله ) و رومانسي و ذوق .

هذا كله مقابل صفة وحده بس ما يبغوها في فتى الأحلام الا وهي

البخل..يعني ممكن ان البنت تضحي بأي صفة من اللي ذكرناها بس

انه ما يكون بخيل.

وطبعا اغلب الناس اكيد مرت عليهم حالات في حياتهم و شافوا

فيها ناس بخلاء بجميع الأنواع و الصفات.

لمن كنت موظف في البنك كان عندي عميل راس ماله يا ناس اكثر

من خمسمائة مليون ريال سعودي ، وعياله اكبرهم رجل امن في

احدى الشركات الخاصة واعتقد ان راتبه لا يتجاوز ثلاثة الاف ريال

وولده الثاني يشتغل موظف استقبال في احدى المستوصفات.

بالله عليكم تتوقعوا ان هالأولاد ايش انطباعهم عن والدهم؟؟

الحمدلله ان ابوي الله يطول في عمره ما قصر معي ولا قصر مع

اي احد من اخواني .. علمنا احسن تعليم و وفر لنا كل شي نحتاجه

وانشالله ربي يقدرنا على رد ولو جزء بسيط من جمايله علينا.

في قديم الزمن اشتهر العرب بالكرم و من أشهر الأمثلة القديمة

شفنا كيف ان نبينا و سيدنا محمد عليه افضل الصلاة والسلام

أخا بين المهاجرين و الأنصار بعد الهجرة الى المدينة المنورة،

و عرفنا كيف اهل المدينة كانوا في غاية الكرم مع اخوانهم

المهاجرين و حيث قام الانصار بتقسيم اموالهم مع اخوانهم

المهاجرين.

وكلنا نشوف هذي الأيام شخص يكون غني غناء فاحش و نلاقي

اخوه من لحمه و دمه في البيت اللي جمبه لا يملك قوت يومه

و تمنعه عفه النفس عن مد يده لأقرب الناس له.

مني تحية الى كل شخص يسأل عن احوال اخوانه و جيرانه و

اقربائه و أسأل الله العلي القدير ان يزيده غنى فوق غناه.

و السلام ختام.