واجب NeeArt

ما قصرت الأخت نيارت ومررت هالواجب على مجموعه من المدونين

و المدونات و الحمدلله اسمي بينهم ( ولا يزعل اللي اسمه مو موجود

و يخلي اخلاقه رياضية). طبعا نيارت ودها تشوف ايش الواحد يعمل

اذا عصب وكيف ينفس عن عصبيته و كيف يتخلص من حاله العصبية

اللي تجيه.

بالنسبة لي عادة ما احب اخلي شي في قلبي.. يعني اللي في قلبي على

لساني. و ليش اشيل هم؟؟؟

اذا عصبت مثلا من شي صدر من شخص ما …… عادة اروح و اتفاهم

مع هذا الشخص بشكل ودي في البداية و بعدين يبدأ الصراخ وممكن في

حالات نادرة جدا جدا جدا ان الموضوع يوصل للتفاهم بالأيادي لا قدر الله.

لكن بشكل عام مكبر راسي و احب اني اكون عاقل و حكيم ( بدا الغرور)

و اتبع المثل اللي يقول لا تنزل مستواك لأي واطي في هالدنيا.

 واذا كان الموضوع اللي خلاني اعصب من داخل البيت ، اروح اطلع

و اغير جو او ادخل غرفتي و أناااااااااااااااااااااااااااااااااااااااااااااااااااام.

احب امرر هالواجب الى الأخوة عبدالعزيز البكر ، مصعب ،Ano0os

يوسف منصور ، سامي منصور ، KHALED، علوش .

و الأخوات مضيعه بيتهم، ظلال الياسمين ، ميامي ، Expired

تالا ، نور ، سلوى ، فتاة الحزن ، سفانا ،Mn_Sokkaraty

و سالفة قلب.

و ياليت الكل يحل الواجب عشان تنجحوا كلكم..

Advertisements

60 تعليق to “واجب NeeArt”

  1. ظلال الياسمين Says:

    ثاني مره اعلق اول وحده:d
    انا لسه ماحلييت الواجب الاولاني..شكلي بخليه 2 في 1 ههههههه..
    بس ابغى درجه كامله ومعها نجمه..ومتكوب عليها(الى الامام يابطله)ههههههههههه..
    مشكور على التمريره..
    أحسن شئ تسويه انك تنام..تريح قلبك وعقلك..
    نفسي اقدر انام وانا معصبه مستحييييييل يجيني نوم..

  2. فتاة الحزن Says:

    محمد بن سالم

    تفاهم بالأيدي الله يستر شكلك عصبي هاهاهاهاها 😆

    شكراً على تمرير الواجب..

  3. علي الريعان Says:

    ماشاء الله عليك يا بن سالم طبعك “حار” أنا من يوم قريت تدوينتك اللي بعنوان “يجيلك يوم” وأنا أقول الله يستر

    قضية التفريغ مهمة .. قبل مدة قرأت عن مطعم ياباني يسمح لك بتكسير الصحون يعني للتفريغ !!

    الشيخ الطنطاوي .. “إذا تذكرونة .. اللي يطلع في رمضان من زمان يحدث قبل طاش ما طاش وعنده صحن فواكه” تحدث في قصة في كتاب له نسيت أسمه عن هذه القضية وخصوصاً بين الزوجين .. لأن أكثر المشاكل اللي ينتج عنها الطلاق .. تكون بسبب تراكمات .. “مدري وش جاب طاري السالفة”

    ودمت بخير ..

    نسيت أحل الواجب القديم أو تناسيت .. الحين ما حليت واجباتي بالجامعة أحل واجباتك يابن سالم .. الله يعين .. ،، 🙂

  4. نجدي محايد Says:

    “عادة اروح و اتفاهم مع هذا الشخص بشكل ودي في البداية و بعدين يبدأ الصراخ وممكن في حالات نادرة جدا جدا جدا ان الموضوع يوصل للتفاهم بالأيادي لا قدر الله” تعجبني والله أسلوبك منطقي .. حبة حبة كل ما زاد الوضع تزيد انت كمان 🙂

  5. K H A L E D Says:

    السلام عليكم

    طيب إذا سطرت تحطلي الدرجة فالمشاركه … هههههههه
    تشكرات عالواجب ( فرحان )
    K H A L E D

  6. مضيعه بيتهم Says:

    يؤؤؤؤؤؤؤؤؤؤؤؤؤؤؤؤؤؤؤؤة

    هذا واجب غطى على واجب تالا ؟؟؟

    ياويلي الفضايح بدت تطلع وحده ورى الثانيه

    الله يستر من الواجب الجاي

    اوكي بحاول احله باقرب وقت

    بس وش نكتب ياساتر استر ياستار

    🙂

  7. watar Says:

    ظلال الياسمين..

    وانشالله اذا علقتي للمرة الثالثة وكنتي الأولى راح ارسل لك احلى هدية..

    يا ظلال انا مصيبتي اني عدو النوم ،، امرض لو نمت اكثر من خمسة ساعات في اليوم..

    حلي كل واجب لوحده ما ينفع شغل 2 في 1

    طيب ؟؟

  8. watar Says:

    فتاة الحزن..

    لا والله ما احب اعصب الا في حالات نادرة.. ما سمعتي بالمثل اللي يقول

    احذر الحليم اذا غضب؟؟

    يا ويلك لو تأخرتي في حل الواجب ..

  9. watar Says:

    علي الريعان..

    يا اخوي مين اللي ما يعرف او يذكر الشيخ الطنطاوي الله يرحمه..

    الله يرحمه برحمه الأبرار ..

    عذرك معاك حبيبي عشان ضغط الجامعه والله يكون في عونك … وحلوة

    حكاية الطلاق لما دخلت بالعرض..

    الله يوفقك

  10. watar Says:

    نجدي محايد..

    ياكلك حبة حبة.. ياكلك اكل البرشومي..

    لازم يا اخوي ما تعصب كل العصبية مرة وحده.. على قدر اهل العزم تأتي العزائم..

    شرفتني بمرورك

  11. watar Says:

    KHALED..

    بس اهم شي يكون الدفتر مجلد بلون غريب شوي..

    انتا حل الواجب ولا يهمك بعد كدا..

    شكرا لمرورك

  12. watar Says:

    مضيعة بيتهم..

    كل شي راح نعرفه عن المدونين و المدونات.. وكأننا في بيت واحد و عائلة واحده..

    ولسه في واجب جالس اجهز له راح يفضح الجميع..

    شرفتيني بحضورك

  13. سلوى Says:

    8)

    مضيعه بيتهم : يبدو ان محمد ناوينا كلنا .. لسه الواجب الاول ما سلمته وذا الثاني ويقولك : يحضر لواجب بعد , الين نصير open book ، الله يستر 😈

    ابشّـر ..
    انت اكتب الجديد وبسلّم كل الواجبات في ملف واحد 😉

  14. mbet0hm Says:

    محممممممممممممممممممممممممد

    اركض بسرعه

    حليت الواجب 🙂

    كل حلى صح واجباتي كاملة ونموذجية لان ذاكرة زين مازين

    وماشاء الله على بنت مؤدبة واخلاق عالية حليت الواجب بذمة وضمير

    وحياكم الله كلكم وتفرجوا على الواجب حقي

    واللى يبي ينقل الواجب من عندي ،، حياكم الله ماعندي اي مشكلة

    >>>> مسوية مصيبه وجايبة العيد 😉

  15. mbet0hm Says:

    سلوى

    هااااايز الزيك ياعسل عاملة ايه >> بتقلب الموضوع شات خخخ

    تتوقعين راح نصير اوبن book زي ماتقولين

    لا لا اتوقع بنكون مش اوبن بوك راح نكون غلافbookهههههههههههه لان اوضح

    هاهاههاها

    بس انا راح اكون فهرس book وبكتب رقم الصفحات

    ههاهاهاههاهاااااااااااي

    ننتظر الواجب حقة اللى يحضرة

    ولا يهمك سلوى انا بحل الواجب وبخليك تنقلين الحل من عندي >> تفكر جالسين بمدرسة 😉

    تصبحين ع خير سلوى

  16. يوسف منصور Says:

    :):) بصراحة انا تفاجأت يامحمد انك عصبي بهذا الشكل أو انه ممكن توصل لمد الإيدين!

    بس جد هذه الواجبات أخرتها تكشف كل أسرارنا – الله يستر

    بس ان شاء الله ححل الواجب ما دام الطلب من محمد والمسألة فيها مد ايدين!

  17. هارون Says:

    أخ محمد حاول تخفف من هذه العصبية ، لأنها قد تؤدي إلى حالات أصعب ، و كما قال الرسول عليه الصلاة و السلام : ليس الشديد بالصرعة إنما الشديد الذي يملك نفسه عند الغضب .

    دمت بخير .

  18. watar Says:

    mbet0hm ..

    الحين راح اقرأ حلك للواجب..

  19. watar Says:

    mbet0hm ..

    المفروض والصراحه ما تستحقي العلامة الكاملة ، بالعكس تستحقي اكثر منها خصوصا

    انك انسانه عصبية مثلي.. ( ولا يهمك اذا في مضاربة راح اناديك تفزعي معي) ولا راح

    تتخلي عني؟؟

    الشي الوحيد الشين في واجبك خطك.. طلع عيوني وانا اقرا و يا ويلك وسواد ليلك لو غششتي سلوى..

    راح افصلكم الاثنين من المدرسة

  20. watar Says:

    يوسف منصور..

    ميزة الواجبات يا اخوي الكريم انها راح تعرفنا على بعض اكثر و اكثر..وراح تخلينا

    نعرف طباع الناس..

    ماعاش اللي يمد يده عليك

  21. watar Says:

    هارون..

    صدق رسول الله صلى الله عليه وسلم..

    شرفتني بمرورك وفي انتظار حلك للواجب..

  22. NeeArt Says:

    مد يد 😀
    الله يستر منك هههههه

  23. البندري بنت خالد Says:

    اكثر شي عجبني فيك انك ماتحب تضيع حقك و مستعد تعمل اي شي

    عشان تحافظ عليه ولو انه صار ينخاف منك و يعني من الممكن بكره انه

    يلقبوك بلقب يوضح الهدوء و العنف اللي فيك

  24. سامي منصور Says:

    يا حرااااااااااااااام عليك يا أخوي محمد
    و الله انك مشكلجي و حابب تطلع الفضايح …. انا ابعد عني بالعصبية …
    لكن و لا يهمك أمري لله … أكتب لك الحل .. قريباً ان شاء الله

    الله يسامحك أخوي محمد ….. هتطلع فضايحي …

    تحياتي يا أستاذي

  25. مضيعه بيتهم Says:

    طبعا تعطيني العلامة الكاملة لان الخط كان لة دور ثاني

    بس لو انت ذكي كان فتحت المدونة من الفاير فوكس وتشوف الخط اوكي

    ولو كنت اذكى شوي كان نسخه الكلام ولصقتة في اي مكان وتقراء الرد واضح 🙂

    شفت ان لازم اخذ العلامة الكاملة

    😉

  26. sweet tala Says:

    شكرا على التمرير الحلو 🙂
    جاااري حل الواجب

  27. watar Says:

    NeeArt ..

    هههههههه..

    وانتي كمان راح نشوف فضايحك

  28. watar Says:

    البندري بنت خالد..

    الواحد لازم يتمسك بحقه وما يتنازل.. لانه اذا اتنازل في هالدنيا للناس ماراح

    يرحموه وما راح يقدر يعيش في الغابة اللي عايشين فيها

  29. watar Says:

    سامي منصور..

    فضايحنا كلنا راح تطلع..

    شكرا لمرورك.

  30. watar Says:

    مضيعه بيتهم..

    مادام انا غبي للدرجه هاذي ايش رايك تصححي لنفسك؟؟

  31. watar Says:

    sweet tala ..

    يلا شدي حيلك عشان تنجحي..

  32. ميدووو Says:

    ياساتر
    والله صدقوا الأخوان راح تطلع الفضايح

  33. سامي منصور Says:

    أخوي محمد حليت الواجب
    و الله يستر بس …

  34. watar Says:

    ميدووو..

    اخيرا رجعت تعلق على المواضيع.. يلا شد حيلك نبغى نشوف مدونه خاصه

    فيك عشان نعرف فضايحك..

  35. watar Says:

    سامي منصور..

    راح اشوف حلك و يوم الجمعه التصحيح

  36. عبدالعزيز البكر Says:

    يقال إن نوم الظالم عبادة

    بالنسبة لي إذا عصبت انام علشان ما أظلم بتصرفي واصحي وانسي كل شي .. شكرا على التمريرة

  37. ano0os Says:

    احسن ماتعمل ..

    والله واجباتك كترت عليا 😦 .. اعتقنا

  38. اريج Says:

    انوووس شكلك كسلان و طالب فاشل

  39. watar Says:

    عبدالعزيز البكر..

    سلامتك اخوي.. ومين قال انك ظالم؟؟

  40. watar Says:

    ano0os..

    راسب من الحين.. يا كسلان

  41. watar Says:

    اريج..

    كله الا ano0os .. انتبهي تزعليه

  42. ano0os Says:

    هههههههههههههههه … يااخي راصي مشوش والله …

    اريج ترا كلامك فيه نوع من الصحة …

  43. David Santos Says:

    Here I am again for seeing your work, thanked

  44. mbet0hm Says:

    عندي سؤال ❓

    شلون ننزل البنرات في الورد برس ؟؟

    اللى يعرف يجاوب على السؤال في مدونتي بليز لاني ابي انزل بنرات وماعرفة 😦

    اعتذر ع الازعاج

    :mrgreen:

  45. watar Says:

    ano0os..

    اذا راسك مشوش ضبط الارسال يا حبيبي..ايش اللي مزعجك؟؟

  46. watar Says:

    David Santos ..

    شكر لك ولمرورك

  47. watar Says:

    mbet0hm..

    روحي اول شي على ادارة المدونة وبعدين اختاري ( عرض )

    وبعدين Custom Image Header وبعدين اختاري اي صورة من جهازك .. وبس

  48. mhalsalh Says:

    مرحبا محمد 🙂

    طبعاً أنا ما عليّ واجب .. ولله الحمد سلمنا من الواجبات من أيام الجامعة 🙂

    أتمنى أنضم لأسرتكم الحلوة والبسيطة والمتآلفة ..

    مودتي واحترامي 🙂

  49. سارة مطر Says:

    محمد إلى الآن لازلت أفهم كيف يستطيع أي شخص “زعلان” أن ينااااام..

    الأمر بالنسبة لي كارثة..لربما لا أستطيع أن أنام إلا بعد أيام!!

    وفي نفس الإتجاه مسألة الأكل.. أنا لا آكل إلا إذا كنت في مزاج جداً

    رائع ورايق ع الآخر 🙂

    الحزن .. والسعادة

    تتساوى بالنسبة لي مقدار الشعور والعمق في داخله!!

    كلاهما يحتاجان مني وقت .. وهدوء لتقبل الفكرة.. لأني أعند بنت في

    العالم على ما أظن وأحتاج الف سنة من الفيل حتى أستطيع أن اتقبل

    أي فكرة تخالف رأسي!!

    تحياتي يامحمد ..

  50. ظلال الياسمين Says:

    استاذ..
    حليت الواجب الاول اخيراً..
    ما ابغى انقص درجة عشان التأخير..

  51. alfajer alba3eeed Says:

    السلام عليكم

    اول مرة بحل وياكم الواجب وان شاء الله ماتكون اخر مرة

    اول شي اذا تضايجت من حد .. اكييد بضاايج وبفوووووور.. بس مابكمله وانا متضايجة

    واذا كان هالشخص يهمني برد اتفاهم معاه عقب ما اهدى..بس اذا شخص مايهمني . بسوييله طااف

    بس لحد يتجرب مني وانا متنرفزة.. لان الله يسلمكم لول

  52. watar Says:

    mhalsalh ..

    اخوي محمد اول شي اسمحلي اشكرك لزيارتك مدونتي المتواضعه و تشريفك لي

    بالتعليق على الموضوع..

    والله يا اخوي احنا تلاميذك و ننتظر انك تامرنا بحل الواجبات و يشرفني انضمامك الى

    زوار مدونتي المتواضعه..

  53. watar Says:

    سارة مطر..

    تحياتي لك يا سارة يا اعند و اطيب بنت في الدنيا.. الناس طبايعها مختلفة ولو انا وانتي ما

    نقدرر ننام الا اذا كنا في مزاج جيد بس كثيرين غيرنا ما يحلى لهم النوم الا اذا كانوا زعلانين

    و متضايقين..لله في خلقه شؤون..

    شكرا لمرورك

  54. watar Says:

    ظلال الياسمين..

    اذا خصمت عليك ماراح اخصم عشان تأخرك في حل الواجب و لكن عشان ماصرتي

    تشرفيني بزيارتك في مدونتي المتواضعه يا القاطعه..

    هههههههههه

    راح اشوف فضايحك الحين..

  55. watar Says:

    alfajer alba3eeed ..

    اول شي شرفتيني بزيارتك الكريمة للمدونة.. وماشالله عليك مبينه انك انسانه عاقلة

    و حكيمة في تصرفك وق العصبية..

    شكرا لمرورك الكريم

  56. كبرياء أنثى Says:

    الله يعين من أولها تسطيــر..
    أمــا أنـــا لا أحد يعصب بي أحسن…:)…!!
    أطلعــ الأول والتالي..
    وأغسله شراعه..
    بعدين أروحــ أصيحــ وأنـــامــ…
    بس يالرواااقه..!!

  57. watar Says:

    كبرياء انثى..

    شفتي كيف من اولها شر.. هههههههه

    لا تخافي و اتكلمي و قولي رايك على راحتك..كلنا في الهوى سوا

  58. مدَوّنة سلوى » Blog Archive » العصبية Says:

    […] بن سالم لمعرفة سلوك بعض المدونين والمدونات عند الغضب : كيف يعبر الشخص اذا عصّب أو غضب وكيف ينفس عن غضبه و يتخلص… […]

  59. watar Says:

    سلوى..

    راح اشوف ايش رده فعلك لما تعصبي

  60. العصبية | مدّوَنة سلوى Says:

    […] بن سالم لمعرفة سلوك بعض المدونين والمدونات عند الغضب : كيف يعبر الشخص اذا عصّب أو غضب وكيف ينفس عن غضبه و يتخلص… […]

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: