مبروك

بكل روح رياضية و مع اني اتحادي متعصب اقول لأخواننا الأهلاوية مبروك.

و مبروك لحسين عبدالغني ..على الكف اللي اخذه على وجهه من الكابتن

حسن خليفه.. عشان يبطل قلة ادب و تطاول على اخوانه اللاعبين..

Advertisements

52 تعليق to “مبروك”

  1. البندري بنت خالد Says:

    مبروك ل الأهلي وماشالله عليك يا بن سالم توها المباراه انتهت وعلى طول كتبت التعليق

  2. Naya Says:

    عن جد مبرررروك……بس خسااره

  3. مها Says:

    اخلاقك رياضية بس واضح التعصب اللي فيك ، مبروك علينا فوز الأهلي

    وانا عند وعدي بكرة راح اوزع الشوكلاته اللي اشتريتها اليوم في الجامعه

    بكرة عشان اغيظ صديقاتي الاتحاديات اللي كانوا واثقين من الفوز ولكن

    الكورة مدورة وراحت عليهم

  4. ano0os Says:

    مستوى سيئ للفريقين والكوره السعودية في انحدار .. العالم يطور في المهارات والتكتيك واحنا لسع في لعب الخدم ..
    انا اتحادي واقللك عبدالغني يستاهل بس عيب يضربو قدام الامير مررررررره مالها داعي على الاقل احترمو ..
    بعدين سته دقائق (وقت اضافي) وفاولين في اماكن شبه بلنتي ماقدرو يستغلوها ؟؟؟ مره مالهم داعي الاتحادية ..

    النور كل العادة مبدع والله ..

  5. المشتاق Says:

    صحيح اني اهلاوي وفرحان بالفوز خصوصا انه على الاتحاد ، بس يا انوس مع اني اهلاوي
    اقول ان حسين عبدالغني لاعب مستفز و اخلاقه جدا غير رياضية يعني بين قوسين
    هو انسان قليل ادب داخل الملعب اكيد انه استفز حسن خليفة كعادته في استفزاز
    لاعبين الفريق المنافس

  6. watar Says:

    البندري بنت خالد..

    صلي على النبي طال عمرك.. يعني كنت اشوف المباراة و اللابتوب قدامي وعلى طول

    باركت للفريق الأهلي والحمدلله الروح رياضية..

  7. watar Says:

    Naya ..

    خلي اخلاقك رياضية وانشالله بكرة هم يباركوا لنا بالفوز..

    شكرا لمرورك

  8. watar Says:

    مها..

    مبروك عليكم وانشالله راح اوزع حلويات زي علب الملكة لمن نفوز عليكم المرة الجاية

  9. watar Says:

    ano0os..

    والله على العيب تراها عيب يضربه قدام الأمير سلطان..

    بصراحه احنا الاتحاديين فرطنا في الفوز

    شكرا لمرورك

  10. watar Says:

    المشتاق..

    مبروك الفوز… شكرا لمرورك

  11. احمد العطاس Says:

    مبروووك لنا الاهلاووية و فوز مستحق زي ما قال الكابتن محمد نور …

    و الحمد لله جبنا كأسين من قدامكم

    و ثاني مرهـ لا يتحدانا رئيسكم … ميه مباراة ههههه قوية مرهـ

    و عبدالغني لاعب مستفز صح لكن خليفة صار اخس من أبو عمر لمن رد عليه , بالعربي كلهم بزورهـ و للأسف هما شوهوا مباراة آمس .

  12. ظلال الياسمين Says:

    مع اني لست من مشجعي الكره لكن مبرووك للهلاويه..
    كان ودي يفوز الاتحاد عشان اقهر خالي شوية

  13. يوسف منصور Says:

    مع أني لا أفقه شيء في الكرة ولا أتابعها – لكني زعلت على شاب شفته قبل المباراة -العصر تقريبا- في أبحر قاعد يحط أعلام للإتحاد وما خلا مكان إلا كتب عليه شعارات للإتحاد

    ياترى ايش صار فيه؟ 🙂

  14. بنت الروح Says:

    مع اني هلالية من الصميم ,, لكن اشجع اي فريق (غير) الاتحاد 🙂

    تستاهل قلعه الكؤوس الكاس ,, وعقبال مانبارك لـ الهلال لما ياخذ كاس خادم الحرمين الشريفين

  15. نجدي محايد Says:

    عبدالغني مشهور بإثارته لأعصاب اللاعبين وكبار اللاعبين أيضاً واستفزازهم فيعني ما أدري لكن كان المفروض من حسن خليفة إنه يتحمل ولا يستفز بسرعة لأنه راح يحاسب حساب عسير على تصرف واضح وضوح الشمس مثل اللي سواه ..

  16. K H A L E D Says:

    مالي في الكوره …

    بس تجيك الأخبار غصبن عن خشمك …

    ( مدري متى آخر مره شفت مباراه كامله )

    ( ردي بينكم ماله داعي … عشان كذا ( بانسحب ) )

    سلام

  17. watar Says:

    احمد العطاس..

    مبروك عليكم بس لا تنسى الجايات اكثر..

    وعمكم ابو ثامر قول و فعل.. بس المشكلة في لاعبينا اللي فرطوا بالفوز..

  18. watar Says:

    ظلال الياسمين..

    افااااا.. يعني خالك اللي قهرك هالمرة..

    انشالله المرات الجاية راح نقهره و نخلي ضغطه يرتفع..

    شكرا لمرورك

  19. watar Says:

    يوسف منصور..

    انا عن نفسي ما اشوف المباريات.. لكن مباريات الاتحاد تلقاني جالس ومهتم

    للمباراه.. بالنسبة للشاب اللي شفته ترى الموضوع عادي.. واحنا كذا الاتحادين

    نحب فريقنا باخلاص..

    شرفتني بتواجدك..

  20. watar Says:

    بنت الروح..

    استغفر الله العظيم..في احد بالله عنده ذوق و يشجع الهلال..

    اموت ولا اني في يوم اشجع الهلال.. لاني اتحادي و مخلص من كل قلبي للاتحاد..

    وما عندي اي مشكلة اذا اي فريق اخذ الكأس بس ما يكون الهلال مع احترامي

    وحبي وتقديري لجميع الأخوة الهلاليين..

    شكرا لمرورك ولا تزعلي من كلامي,,

  21. watar Says:

    نجدي محايد..

    خليهم يحاسبوه.. اكيد رعاية الشباب راح تحاسبه حساب عسير مو عشان

    انه ضرب حسين عبدالغني..لأ.. عشانه اتحادي و غلط..

    ولكن اذا كان لاعب هلالي بالعكس راح يوقفوا في صفه و يقولوا ياخي بني

    ادم و عصب زيه زي اي انسان..

    شكرا لمرورك..

  22. watar Says:

    K H A L E D..

    لا تنسحب اخوي و تعليقك شرف لي..

  23. reem Says:

    أحببت عدم تعصبك ..

    مع جهلي التاااااام بالكورة

  24. Nasser Says:

    سلام عليكم .. انا وقتها كان عندي امنيه انه المباراة تنتهي بدون فوز احد ونخلص وبلاش مشاكل … لكن زي كل مره الاهلي والاتحاد يفشلونا ويفشلون الكورة السعودية .. المباراة يعني ما كانت تحمس مره كـ مباراة كرة قدم بدرجة انها كانت تحمس من ناحية انها مباراة تيكوندو … في نهاية كل مباراة بين هالفريقين عادتاً يكون ابطال الفلم محمد نور وعبدالغني ..ولكن هالمره عبدالغني و الاداري حسن خليفة اضنه مدرب الحراس بالفريق .. يعني اداري لك حجم بالفريق تقوم تسوي كذا وفي نهائي وقدام ولي العهد .. لا ويوم سألك مقدم قناة الإ ار تي تقوم تقول ما صار هالشيء !!! كان من الناس اللي لهم ثقل واحترام بالرياضة السعودية ولكن الان المفروض ينسقونه ولا يعيرونه لفريق صومالي لين يعرف ان الله حق …

  25. محمد الصالح Says:

    مرحبا أخي العزيز محمد
    رغم إني ما أشجع أي منهم .. لكن المباراة كانت قمة في المتعة والإثارة ..
    الأهلي والاتحاد يبقو صورة مشرفة للسعودية ..

    للعلم أنا مشجع شبابي 🙂

  26. watar Says:

    reem ..

    مستغرب جهلك الكامل بالكورة مع العلم ان كثير من البنات بدأو يهتموا فيها

    و يلعبوا كورة كمان..

    شرفتيني بمرورك

  27. watar Says:

    Nasser ..

    ياخي عشان تعرف انها مباراه بين الاتحاد والأهلي لازم يصير فيها اكشن..

    شكرا لمرورك الكريم و اتمنى تواجدك بشكل دائم

  28. watar Says:

    المهندس محمد الصالح..

    والنعم فيك و في جميع مشجعين الكرة السعودية

    وانا ودي اسميك مهندس التدوين السعودي..

    شرفتني بمرورك

  29. صاحب البوابة Says:

    مقال جميل

    ومدونة رائعة

    تحياتي

  30. بنت الروح Says:

    اقتباس :
    =========
    استغفر الله العظيم..في احد بالله عنده ذوق و يشجع الهلال..
    اموت ولا اني في يوم اشجع الهلال.. لاني اتحادي و مخلص من كل قلبي للاتحاد..
    وما عندي اي مشكلة اذا اي فريق اخذ الكأس بس ما يكون الهلال مع احترامي
    وحبي وتقديري لجميع الأخوة الهلاليين..
    شكرا لمرورك ولا تزعلي من كلامي,,
    ==========

    سبحان الله نفس الكلام اقوله عن الاتهاد 😀
    بس ماقلت شي بما اني في مدونة اتحادي وخوفاً من انه يطير ردي 🙂

    شعور متبادل بين مشجعي الفريقين 🙂
    وعادي الروح رياضية

  31. watar Says:

    صاحب البوابة..

    شكرا اخوي على اطرائك الجميل و شرفتني بمرورك..

  32. watar Says:

    بنت الروح..

    ماشالله بنت الروح اشوفك متعصبه لفريق ( الياي ) الهلال..

    ههههههههههههههههه

    مستحيل اني امسح ردك اولا لأنه من انسانه زي العسل..

    و ثانيا لان روحي ولله الحمد رياضية زيي زي اي اتحادي..

    مو زي مشجعي الفريق الأزرق اللي يبيع لاعب من عنده واذا لعب هالاعب

    ضده في يوم من الأيام سماه خاين..

    سؤال لك و لكل هلالي..

    ليش لما بعتوا الدوخي لعمكم فريق الاتحاد وجا اليوم اللي لعب في ضدكم

    سميتوه خاين؟؟ ترى والله الاحتراف اكل عيش؟؟ بس الظاهر ان الهلاليين لسه

    ما يدروا ايش معنى الاحتراف.. ولا ايش رأيك يا بنتي يا بنت الروح؟؟

  33. علي الريعان Says:

    مبروك للأهلي .. وحظاً أوفر للإتحاد .. مع أنني كنت أتوقع مباراة .. “حمراء” لكن الشباب ماشاء الله مسكوا أعصابهم،، حظاً أوفر للإتحاد في بطولات قادمة .. ولأبو ثامر ومبروك لقلعة الكؤوس ..

    مسكين اللاعب “الخلوق” حسين عبد الغني .. مايستاهل الكف 🙂 ،،

    مداخلة معترضة .. فيه رد فوق .. للأخ صاحب البوابة .. مدري .. أحس أنه في المكان الغلط ّ!!!

    بعض اللاعبين يختفون ومايطلعون إلا بمشاكل .. وين أيام حسن خليفة حارس الإتحاد .. سمعت أنهم بيشطبونة وسيمنع من دخول مرافق الرئاسة العامة لرعاية الشباب ..

    على طاري الأخلاق .. واللعب النظيف .. لا ننسى هنا أن نذكر بأن الكثير من اللاعبين يتمتعون بأخلاق رياضية عالية وسجل نظيف وأدب جم .. على رأسهم الكابتن الخلوق “محمد نور” واللاعب الكبير “حسين عبد الغني” ولا ننسى لاعب الهلال السابق المعتزل “يوسف الثنيان” والله يخلف على كورتنا ..

    وياكلك

    تسلم يابن سالم ..

  34. ميدووو Says:

    ترى يا اخوان المشكلة في صحافتنا انها تعمل جو جدا سيئة بين الجماهير

    و تخلق نرفزة في الاعصاب و تلقى كل جمهور يبي يقتل الجمهور المنافس.

    اتمنى من الصحافة و اهلها انها تكوت واعية وتفهم الجماهير ان الرياضه واجهه

    مهمه للمجتمع السعودي

  35. اخلاق Says:

    تتكلم عن الأخلاق الرياضيه ومن ثم تتكهم على الأندية الأخرى بطريقة السخريه !! هل هذه هي الأخلاق في نظرك !! ام هذه هي الروح الرياضية والتي تملكت عقلك قبل قلبك !!

    اخي العزيز من حقك ان تشجع ومن حقك ان تتعصب ولكن ليس من حقك ان تسخر منا كا جماهير فا انا مشجع هلالي ولكن يستحيل ان اقول لك فلان ( عمك ) وعلان ( عمك ) لم نصل الى هذه المرحله بارك الله فيك لم تصل عقولنا الى هذه التخلف فا ارفع من شأنك وكن اتحادياً تشجع بأخلاق لا بغرور يهلك كاهلك كما اهلك ناديك من قبلك
    الأتحاد نادي كبير لكن وصوله الى مرحلة الغرور اصابته بالجنون والدليل عدم تحقيق اي بطوله من سنتين والأشاره تقول ان مصير نادي النصر على اعتابه عكس الأهلي والهلال
    الأهلي حقق بطولتين بجداره والهلال حقق ست بطولات في موسمين فأين الذوق في نظرك

    انا عندي ذوق واشجع نادي الهلال فهل يعجبك هذا الأمر !!!

    ( لا بأس من حذف الرد )

  36. علي الريعان Says:

    مين جاب سيرة النصر !!!

  37. sweet tala Says:

    الله يبارك فيك
    >>> أهلاوية منذ الطفولة
    🙂

    وحسين معروف رهيب بس لعب لكن إنسان واخلاق ماااافي

  38. watar Says:

    علي الريعان..

    حبه حبه..

    والله الشباب ما قصروا ومسكوا اعصابهم و على اللي حصل لا تلومهم يا اخي..

    يعني بالله تبغى تمر مباراه كاملة وعلى كأس ولي العهد وما يصير مد بالأيادي..

    كثر خيرهم انهم ما فضحونا بوسط المباراه..يعني في نهاية المباراه الكل مشغول

    بالفوز ةالجماهير نصها راحت و نصها جالس يتونس مع البقية وعادي يحصل مثل

    هالشي..

    شرفتني بمرورك..

  39. watar Says:

    اخلاق..

    اول شي احب اطمنك اني ماراح احذف التعليق لاني ولله الحمد اتقبل كل انواع النقد

    حتى الجارح منها..

    الظاهر لي يا سيدي الفاضل انك اول مرة تزور مدونتي المتواضعه اللي افتخر بكل زائر

    لها و اتشرف بكل رد يتم كتابته..

    و أحب اوضح لك ان الزوار هنا عبارة عن أصدقاء و أخوة وأهل.. ويتم في بعض الأحيان

    ان تكون هناك ردود تحمل طابع الدعابه بين الزوار.. و أكيد ان جميع الأندية السعودية و

    جماهيرها على الراس والعين..

    وترى اللي حصل من مخالفات في المباراه النهائية بين الاتحاد و الأهلي شي عادي و

    ترى الأخوان اللي في البيت الواحد تصير بينهم خلافات فما بالك باللاعبين المتنافسين.

    و فيه حاجه جدا مهمه..ليش اغلب الناس عندنا يقولوا على اي شخص غني و امكانياته

    عالية مغرور؟؟؟؟

    واذا على الغرور انت اكيد تعرف اي رئيس نادي اللي

    قال: ( راح نمحي ما تبقى من معالم النصر ) . ولا ما تعرفه؟؟؟

    و اذا على المشاكل اللي يواجهها نادي النصر اغلب الناس يعرفوا من وين مصدرها.

    وفيه جماهير للأسف لما انتقل مدافعهم الى فريق الاتحاد و لعب في يوم ضدهم سموه الخاين.. ليش؟؟ ما ادري

    و اعتقد ان مباركتي لنادي الأهلي بحصولهم على الكأس من الاخلاق الرياضية .. ولا في رأي ثاني عندك؟؟

    و في الختام اشكرك على تعليقك و اتمنى تواجدك بشكل دائم..

  40. watar Says:

    علي الريعان..

    محد جاب سيره النادي العالمي..

  41. watar Says:

    sweet tala ..

    تستاهلوا الفوز….. للأسف هذا حال اغلب اللاعبين في ملاعبنا

    شرفتيني بمرورك

  42. watar Says:

    ميدووو..

    صدقت اخوي.. الصحافة للأسف بدل ما تهدي الوضع بينهم

    قامت تصب بنزين على النار..

    شكرا لمرورك

  43. Ahmad Qushmaq Says:

    الله يبارك فيك اخوي محمد واهني فيك الروح الرياضية الي قلما الاقيها في المشجعين الاتحاديين الي حواليا
    انا الصراحة من سنتين او اكثر مبتعد عن متابعة الرودي السعودي لانو الصراحة يجيب المرض بس من يوم ماسافرت امريكا والاخبار توصلني اول باول لانو عندنا شوية شباب في المعهد من الي قلبك يحبهم، من النوع الي يصف المحاضرة عشان يتفرج المباراة.
    على العموم عشان الاتحادية اغتروا كتير والاهلاوية وللحق اشتغلوا على الفريق دا من زمان فيستاهلوا
    هاردلك لكم واما موضوع حسين وخليفة فأترفع عن السفائف

  44. عبدالعزيز البكر Says:

    مبروك للفريق الأهلي والاتحاد السلام على ولي العهد

    جواب دبلوماسي …

  45. watar Says:

    احمد قوشماق..

    والله تستاهلوا الفوز والأهلي لعب بجدارة و يستحق الفوز..

    شرفتني بمرورك اخوي احمد والله يوفقك في دراستك انشالله..

  46. watar Says:

    عبدالعزيز البكر..

    جدا دبلوماسي يا امير المذيعين

    شكرا لمرورك

  47. أبو سعد Says:

    هاردلك يا أبو سالم…

    أنا أهلاوي حتى النخاع… بس من زمان ( أيام الشباب 🙂 )…

    ولا لي في الكورة حالياً إلا مباراة الأهلي والإتحاد أتابع أخبارها لأني ما أشوف التلفزيون بتاتاً… والبركة في أخواني الأهلاوية الإثنين اللي بيقولو لي عن أخبار الأهلي إذا كان فيه جديد 🙂

    تحياتي؛؛؛

  48. mx Says:

    اممممم شيء حلو فريق الياي على قولتك ياوتر .. ومتأهل للمباراة النهائية على كاس خادم الحرمين الشريفين !! سؤال يطرح نفسه بما ان المتصدر على جميع فرق الدوري السعودي الممتاز هو فريق الياي كم يحلو لك تسميته .. اذاً اين فرق الرجال ؟ والرجولة ؟

    هاهاهاهاها .. كيدهم يازعيم كيدهم انت سيد آسيا وسيدهم

    خل روحك رياضية ياكابتن 🙂

  49. watar Says:

    ابو سعد..

    مبروك عليكم يا ابو سعد ونتمنى نشوف الفرق السعودية من افض الى الأفضل..

    شرفتني بمرورك يا عريس

  50. watar Says:

    mx ..

    امممممممممممم ادلع يا كايدهم..

    شرفتني بتواجدك

  51. ولد جدة Says:

    يوم الجمعة موعدنا
    وانشاءالله الكاس للاتحاد ,

    لكن السؤال المهم…
    ليش مااختارو محمد نور في تشكيلة المنتخب؟؟؟؟؟؟
    ممكن من الجميع التعليق على الموضوع هادا, يعني في لاعبين ما لعبو مع فرقهم أخدوهم على المنتخب زي البحري حق الهلال ,والله ماراح ينفعهم الندم زي بطولة الخليج اللي ضاعت
    بالله ايش رايكم هل هي عنصرية على اهل جدة ولا هي عناد على محمد نور,ترا اللاعب حيفيد منتخبنا بس ماندري ايش الاسباب؟؟؟؟؟؟؟؟

  52. watar Says:

    ولد جده..

    ربنا يسمع منك..وعلى عدم اختيار محمد نور للمنتخب تقدر تسأل رعاية الشباب المصونه

    و الشللية اللي تتبعها..اكيد عنصرية

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: