اشياء في خاطري اقولها..

موقف سخيف جدا..انتوا عارفين ان الشباب هالأيام صارت

النغمات في جوالاتهم كلها مقاطع غنائية مزعجه

ابتداء من صوت لطيفة النشاز اللي يعكر الجو

الى اغنية بحبك يا حمار اللي تفاجأت وسمعتها قبل كم يوم

في احدى اذاعات ال FM و طبعا عارفين ان اغلب الشباب و حتى

الكبار و للأسف ينسوا يطفوا جوالاتهم او يحطوها على الصامت.

و طبعا المتصلين ما يكثروا الا في اوقات الصلاةوشوف الهيصة

و تخريب الخشوع على المصلين.

الموقف اللي صدمني امس و احنا في صلاة العشاء ان المصلي

اللي جمبي جواله غنى طربا و بطبيعه الحال اخرج الجوال من جيبه

ويقفله..

بس تصدقوا ان الأخ اللطيف وهو يصلي و الامام يقرأ

كمل صلاته وهو يكتب و يرسل مسج.

ربـــــنـــــــــــا يــــتـــقـــــبــــــــــل

—-

احب ابدأ يومي دائما على آيات من القرآن الكريم

بصوت الشيخ توفيق الصايغ..

صوت عذب و يدخل القلب بدون استئذان

الله يوفق الشيخ و يجزيه خير

——

جرأه البنات زادت عن حدها..عائلة مكونة من الأب و الأم

و بناتهم الثلاثة في مجمع تجاري.

الأب و الأم في مقهى ومعهم وحده من بناتهم و الاثنين

نزلوا للبوابة الرئيسية عشان يدخلوا اصحابهم الشباب و

يتمشوا براحتهم في السوق.

والأب و الأم المساكين في المقهى مع الرقيب.

شـــــــــي مـــخـــزي

—–

احب الهدوووووووووووووووووووووووء

بما تعنيه الكلمة وما احب اي مصدر للإزعاج الا في

اوقات معينه و محدده.

احـــــــــــــب الروقــــــــــــــــــــــــــان

—–

اذا اي شخص حب انه يشرح لي موضوع او يبي يوصل

فكرة لي ..ما احب انه يطول في الشرح و ياليت

انه يتوقف عن الكلام بمجرد وصول الفكرة لي

وما احب انه ينعاد نفس الكلام ..

 ممكن نسميه

ضـــيـــق خــــــلـــــق

—–

يعجبي البحر وخصوصا في وقت الغروب

و طبعا مو اي بحر..

بحر جدة و بس

لاني احس انه يفهمني و

افهمه وبيننا عشرة عمر و

تاريخ..

حلوة كلمه تاريخ

حسستني اني

شــــــايــــــب

——

اكره شي عندي في الدنيا و اكثر شي يخليني اتضايق

و اكره الدنيا وقتها لدرجه اني ما اطيق نفسي

اذا شفت ابوي متضايق او احد مزعله..

الله يطول بعمره

قولوا

آمــــــــــــيـــــــن

Advertisements

56 تعليق to “اشياء في خاطري اقولها..”

  1. K H A L E D Says:

    والله إنك تحفه .. إيش يصلي ويكتب مسج !!
    لا تستغرب يوم يجون وهم يصلون وما عجبهم صوت الإمام يروح ويطلع الــipod ويشغل صوت الإمام اللي يبغاه !!!
    ويقولك حنا في عصر التقنيه !!!

    ***

    ( بحر جدة و بس

    لاني احس انه يفهمني و

    افهمه وبيننا عشرة عمر )

    أحلا يا رومانسي … (وبينكم عشرة عمر )

    **
    تسلم على الموضوع

  2. سامي منصور Says:

    كمل صلاته وهو يكتب و يرسل مسج.

    ربـــــنـــــــــــا يــــتـــقـــــبــــــــــل
    ههههههههههههههههههههههههههههه و الله إنك تحشيش يا أخوي محمد
    *******************************************************

    و الله بيني وبينك يا محمد إنه هاي الأغاني (اللي قمة المسخرة و الدنائة) صارت على مود الشباب …. و الله يا محمد إني كل ما أسمعها إنه بيصيبني صداع فظيع …. مش عارف انتهت الكلمات وما بقي إلا الحمار ينحب …..

    *******************************************************
    بالنسبة للبنات …. في شغلة أنا متيقن منها ….. البنت لو عندها مليون أخو وأب وأم وبدها تلعب بذيلها راح تعمل اللي بدها إياه …… و لو كانت الوحيدة و ما في عليها رقابة و حابة إنها تكون ملتزمة بأخلاقها راح تكون كذلك …. اللهم يستر على جميع بنات المسلمين و العرب

    *******************************************************
    على فكرة في وجهات نظر مشتركة بيني و بينك من ناحية الهدوء …..أوقات ما بحب يكون همسة جنبي ….. بتضايق من أي صوت في وقت اللي بحب الهدوء فيه ….
    و بالنسبة للبحر (جدة غير) …. شوف دايماً بروح البحر سواء بأبها أو الأردن أو (تركيا لما كنت أروحها) بس صدقاً غير بحر جدة ما بحب …. خصوصاً في الأماكن اللي ما فيها إزعاجات الدبابات و الناس الزحمة ….
    صدق اللي قال (جدة غير)…
    على فكرة …. أنا مقرر من زمان بس أشتغل إن شاء الله إني أستقر بجدة لو شو ما صار …. جدة وبس …. مع حنيني لأبها البهية (مسقط رأسي) .
    ******************************************************
    الله يخليلك الوالد و يطول بعمره و يعطيه العافية و الصحة يا رب 🙂

    تقبل تحياتي يا صديقي
    ولا عاد تطول بكتابة تدويناتك … صرت أحس إنك خلاص راح توقف عند هاي التدوينة … ما بعرف ليش …!!!

    الله يوفقك يا رب

  3. mbet0hm Says:

    تعرف وش الصدمة اللى اكبر من النغمات كلها

    انى انا توني الحين كاتبة بوست عن نفس الموضوع ومريت على مدونتك
    ولقيت نفس الموضوع

    اتوقع انها مشكلة في المجتمع واصحاب العقول التافة

    لا اكثر ولا اقل …

  4. expired Says:

    يا سلام يصلي ويكتب مسج
    شي غريب

    وبخصوص بحر جدة فعلا جميل كانت لي زبارة العام الماضي لجدة واستانست وايد
    ما توقعت انها تكون حلوة لهالدرجة
    فعلا
    جدة غير

    والله لا يجيب الزعل لاي احد
    وخصوصا الوالد

  5. watar Says:

    K H A L E D ..

    والله هذا اللي حصل يا اخوي خالد ..الرجال الظاهر نسى انه في المسجد و جلس يكتب

    المسج وهو يصلي..الله يهديه.

    بحر جده وبس لان جده غير

    شكرا لمرورك

  6. watar Says:

    سامي منصور..

    على قولتك ما لقوا الا الحمار يحبوه..البني ادمين ما صاروا يحبوا بضمير..

    بالنسبة للبنات كل وحده و تربيتها واذا كانت متربية تربيه صالحه اكيد راح

    تكون بنت محترمة والعكس صحيح .. رغم ان هناك عائلات ربوا بناتهم احسن

    تربية ولكنهم ….. ..

    الله يحييك في جده.

    و ربي انشالله يطول بعمر كل حبايبك.

    لاتخاف ماراح ….. عند هذا المدونة ولكن اقترب وقت ……

    شكرا لمرورك

  7. watar Says:

    mbet0hm ..

    توارد خواطرررررررررررر..

    شكرا لزيارتك

  8. watar Says:

    expired ..

    هذا اخرة التقدم للناس الغجر..

    الحمدلله ان جده عجبتك..

    شرفتيني بمرورك

  9. صاحب البوابة Says:

    لم اعرف بماذا اعقب على خواطرك

    يكفي هذا الذي اكمل صلاته وهو يكتب الرسالة

    اعتقد انها اذن ليست المرة الاولى له

    ——————-

    بخصوص النغمات وما شابه ذلك

    فحدث ولا حرج

    ——————

    عن موضوع الفتيات

    اتفق مع رأي الاخ سامي منصور

    الاصل في الامر التربية

    لا وجود رقيب فقط

    طبعا وجود الرقيب ضرورى

    لكن لمراقبة تنفيذ ما تم غرسه من آداب واخلاق في الصغر

    اما عن الاب والام

    فحقاً

    غضبت جدا من موقفهم المخزي

    ——————

    تحياتي اخي العزيز

  10. LaRa LuNa Says:

    – عجيب والله يعني الحين مااستحى على وجه يوم يكتب مسج وهو يصلي وعلى باله ماحد بيلاحظ عباطته؟! عنجد مااعنده دم

    -وسالفة البنات امووت واعرف مين ذا اللي يراقب الأهل من دخولهم المركز الى قعدتهم في المطعم>>>راح تتكفخ خخخخخخخخخ
    الله يصلج الحال ويهدي النفوس

    -وآآآآآآآآه من قلب على البحر عنجد منقهره للحين ماعندنا بحر ليش؟

    -الله لا يجب الزعل بينك وبين ابوك الله يخليه لك على طول ان شالله ويعطيه طولة العمر وان شالله دووووووووووم فرحان ومبسوووط

  11. فتاة الحزن Says:

    محمد بن سالم

    ما شاءالله عليك رقيب وناقد جيد لمجتمعك 🙂

    بالنسبة لجوالات نحن نقول الموبايلات ممكن تنحط في المساجد اجهزة لتعطيل الإرسال وهذا موجود عندنا في بوظبي في مسجد نسائي الموبايل ما فيه إرسال ..

    اما البنات إذا ما خافوا من الله مبيخافون من أهلهم هذول بنات فدا الحياء والله المستعان والبنت إذا فقدت حياءها لم تعد جميلة ..

    والله يحفظ لك والدك

    🙂

  12. المشتاق Says:

    بن سالم اعتقد انك متقن جدا للنقد الساخر و بطريقة ماتزعل فيها احد

    عندنا في الرياض الهيئة بالمرصاد لمثل موقف البنات اللي تكلمت عنه

    و الاغاني صارت شي مؤسف ان الذوق العربي وصل لهالمرحلة من الانحطاط

    الله يحفظ لك والد

  13. mbet0hm Says:

    استوووووووب
    يكتب مسج وهو جالس يصلي …؟؟
    سين سؤال كم عمرهـ ؟؟
    انا سمعت مرة ان في واحد يصلي بالمسجد ولما يرن جوالة يفتح الجوال (يعني يرد على المتصل ) ويقول الله اكبر ، ويسكر الجوال على شان يعرف المتصل انه يصلي ,,
    ولما سئلوة قال عادي انا ماتكلمة …!!!!
    والبنات اللى دخلوا ربعهم واهلهم موجودين بنفس المكان لحظة استوووب ،، كل هذي جرئة وعظلات
    او يمكن خطيبهم او اخوانهم ؟؟؟
    يؤؤؤؤؤؤؤؤؤؤؤؤؤه خلاص وش هذا شعري شاب وانا بعز شبابي يالهوووتي
    وين عايشين
    اللللللللللللللللللللللله يرحمنا برحمتة يارب العالمين
    اااااااااخ بس لو يهدوني على زي هالاشكال اكفخهم بالخيزران تكفيخ
    :@ >> وجة معصب

  14. نــــور Says:

    اذكر مره في رمضان يوم كنت اصلي التراويح في مصلى النساء ، والامام توه بادي بالفاتحة ، الا فجأة وحده خلت مكانها وتزاحم الحريم المصليات وراحت صوب المكيف شغلته ورجعت تزاحم مرة ثانية عشان توصل لمكانها ويوم وصلت كملت صلاتها .
    مشكلة الناس يوم ماتفهم شو المقصد من الصلاة.

  15. watar Says:

    صاحب البوابة..

    انا مع في كلامك وفي كلام اخوي سامي.. بس لا تنسى شي اسمه الرقابه

    الذاتية..وان الشخص لازم يحالو يتحكم فيه نفسه ولا يتبع هواه و لايتبع النفس

    الأمارة بالسوء.

  16. watar Says:

    LaRa LuNa ..

    هاللي كتب مسج اكيد ماعنده دم ولا اخلاقه..وبصراحه غاب عن بالي شي

    واحد.. ممكن انه يكون مختل عقليا بشي بسيط او من ذوي الاحتياجات الخاصه

    و اتمنى ان ربي ياسمحي على اللي قلته و اذا كان غير كدا الله يهديه..

    الله يصلح حال الجميع

    مين قال لك اني انا وابوي بيننا خصام؟؟ انا قصدي اذا احد كان مزعله او مضايقه

    في شي من الناس العامه..

  17. watar Says:

    فتاه الحزن..
    لا ناقد ولا حاجه ..فقط مشاهد و انقل لكم اللي اشوفه قدامي..
    بالنسبة للجهاز اللي ذكرتيه وهو عبارة عن جهاز مانع للإرسال ينحط في المساجد.
    و لعلمك هالجهاز ممتاز وتم تركيبه في بعض المساجد في السعودية و بعد كذا تم
    سحيه من المساجد لضرره الكبير على المصابيت بالقلب خصوصا الاشخاص اللي يكونوا
    مركبين جهاز منظم دقات القلب..

  18. watar Says:

    المشتاق..

    يا اخوي شكرا لاطرائك ولكني لست بناقد.. وعلى الهيئة الله يهيدهم كرهوا

    العالم في الخروج من بيوتهم.

    والاغاني حدث ولا حرج. ماعاد اصلا فيه ذوق

  19. watar Says:

    نور..

    والله كل شي صار جايز يا نور في هالزمن.. امور غريبه صارت تصير تخلي الواحد

    يحس انه هو الوحيد اللي غلط و العالم كلها صح

  20. watar Says:

    mbet0hm ..

    توه بدري على شيب الشعر

  21. البندري بنت خالد Says:

    ماشاء الله عليك عندك مقدرة من الخروج من موضوع و الدخول الى اخر بشكل

    ممتاز و بطريقة ما تخلي القاريء يمل من القراءة..

    و على عدم تفضيلك سماع اي موضوع بعد وصول الفكرة لك ما اعتبره ضيق خلق

    و لكن اعتقد ضغوط الحياة هي اللي خلتك كذا

  22. باربكيو Says:

    هههههههههه يمسج وهو يصلي ..
    اشرايك في اللي كانت تصلي والتلفون يرن يرن ..
    البنت تفاعلت بس في نفس الوقت تبي تكمل صلاتها
    جات رفعت يدينها للتكبير قائلة : ألوووووووو
    ——-
    أما الاغاني .. ما اقول الا الله يخلف على عقول بعض الناس
    ——
    ((اذا اي شخص حب انه يشرح لي موضوع ياليت

    انه يتوقف عن الكلام بمجرد وصول الفكرة لي))
    مثلك بالضبط ومرات اتمنى اقول لهم بس خلاص فهمت الفكرة
    أحس اللي يعيد الشي ألف مرة يستهزأ بعقلي أو كأنه يقول ما تفهمين
    ——-
    لحطة .. سالفة البنات .. منو هذا اللي قاعد يتجسس على تحركات خلق الله
    اول مرة اشوف واحد ملقووووووف مثله
    بعدين ليش ما يحسن الظن ويقول يمكن اهل
    بس لا اكيد ..
    بما انه من المخابرات ماشالله عليه أكيد ما فاته يسمع كلامهم
    وعرف انهم مو اهل

  23. smile Says:

    لا والله صج كتب مسج وكمل الصلاة عاااادي
    عفيه صلاة
    !!!!!!!!

  24. layal Says:

    كمل صلاته وهو يكتب و يرسل مسج
    قويه
    الظاهر في احد اعطاه فتوي بجواز ذلك
    صارت الفتاوي سهله بهذا الزمن

  25. pastel Says:

    كل الي بحكيه انقال .. لكن “لاتخاف ماراح ….. عند هذا المدونة ولكن اقترب وقت ……”

    !!

    اتمنى مايكون الي في بالي صحيح ، وان كانت هناك ضغوط او ملل , خذ وقت راحه .. لكن التوقف 😦 اتمنى لا ..

    الله يسهل امورك ..

  26. ظلال الياسمين Says:

    كعادتي جاية متأخره..
    بصراحة الاغاني سايره هم أغلب الشباب والبنات..حياتهم كلها أغاني..ابغى أعرف بس ايش الفايدة اللي بيلقونها من الاغاني..
    “كمل صلاته وهو يكتب و يرسل مسج.
    ربـــــنـــــــــــا يــــتـــقـــــبــــــــــل”
    ياربي..!!
    وين الخشوع..! فين الدراسة اللي دارسينها..! والعلم…ولايمكن يكتب مايتكلم..ممكن تكون الكتابة مي من الكلام..
    -اما على البنات اللي تقول..ما اقول الا الله يستر..
    -البحر مافي زي بحر ينبع(بحر الهيئه مو البلد):p
    -الله يطول بعمر ابوك وجميع والدين المسلمين على طاعته..
    ======
    أعجبني تسلسل المواضيع وأسلوب كتاباتك رائع لاتحرمنا منه..
    تحياتي..
    ظلال الياسمين..

  27. ,, طفلة ,, Says:

    * الصلاة
    ماراح اعارض واجادل على النغمات والأغاني
    بس اقول عن اللي كمل صلاته وهو يكتب المسج
    ربنا يهديه ,, ويغفر له خطأه
    *القرآن
    انا احب انام على صوت القرآن تحس وانت تنام مرتاح وبدون احلام وكوابيس
    عندي مقطع لطفل يقرأ قرآن بحياتي ماقد سمعت مثل قرآءته
    لو تسمعه تقول شنو الاغاني شنو الموسيقى عنده
    بحاول ارفعه بأقرب وقت وارسله لك
    *جرأة البنات
    كما تدين تدان
    بيجي يوم ويسون فيهم بناتهم نفس الشي
    *الروقان
    انا لي طقوووس للروقان وخصوصا الصباااح
    *ضيق خلق
    عندي حل لضيق الخلق انا اذا صار احد يهذي بأشياء ماابي اسمعها
    سوءاً فاهمتهااو لا
    ابتسم وكل مازاد زيد البسمه
    حتى يتوصل بنفسه للنتيجة ان اللي يقوله ماله داااعي
    وحركة ثانيه للبطيئين الفهم
    اهز راسي واقول انا فييه معلووووم 🙂
    *الغروب وبحر جده
    كثار اشخاص يحبون البحر وخصوصا بالغروب
    انا احب الجبال اكثر احسها تجذبني اكثر او يمكن لأني مااتحمل الحر والرطوبه على الشاطئ
    لكن للأسف مدينتي مافيها لا جبل ولابحر 😦
    تعرف احلى شي بجده شنو
    كلمة جده من شفاتك
    احب كلمة جده اذا نطقاها جداااودي -( بترقيق الجيم وتشديد الدال)
    * باباتي وباباتك
    الله يحفظه لك ويطول بعمره ويلعب اولادك واولاد اولادك
    انا مااتحمل الزعل بعيون باباتي
    ولما يكون زعلان مني
    آآآآآآآآآآآآآآآآآآآآآه
    اتمنى اموت ولا اشوف نظرة العتاب بعيونه

    محمد بن سالم

    لا هنت ولاهان مغليك (f)

  28. فراوله Says:

    مساالخير والأحساس والطيبه..قلتها من قبل وراح اظل أقولها تستهوينى مره كثير تلك الكلمات التى تستخدمها بصياغة مواضيعك الجميله
    عجبنى كثير مزاجك الرايق لأن يطابق رواقة مزاجى، وكمان حبك للهدوء ويازين بحر جده..حقيقه جده غير
    وأخيرا قول آمين الله يخليلك الوالد ويطول بعمره ويشوفك جدامه علم من اعلام الأقلام السعوديه المشرفه.
    دمت يالوتر
    🙂

  29. watar Says:

    البندري بنت خالد ..

    اهم شي انكم ما تملوا وانتوا تقرأوا المواضيع اللي اكتبها وهذا اهم شي عندي.

    والله ممكن يكون ضيق خلق و ممكن على قولتك ان ضغوط الحياة ما خلت الواحد يستحمل

    كثر الكلام مع الناس..

  30. watar Says:

    باربكيو..

    حلوة عشان تفهم اللي في الخط انها بتصلي.. ربنا يتقبل

    مسأله اعادة الكلام اكثر من مرة ممكن انها تكون سبب للتنفيس عن

    الضغط اللي يعيش فيه اللي يكلمك.. ايش نسوي لازم نستحمل.

    الله يستر على عباده

  31. watar Says:

    smile ..

    ماغير نقول الله يهديه

  32. watar Says:

    layal..

    تصدقي راح من بالي هالشي.. ممكن الشيوخ افتوا له بجواز

    ارسال مسج لكن بدون ازعاج المصلين..

  33. watar Says:

    pastel ..

    يكفي ان عالم التدوين فيه انسانه رائعه مثلك .. ربنا كريم

  34. watar Says:

    ظلال الياسمين..

    صايرة كسلانه مررررررررررررة وما تمري بدري زي اول..

    مشكلتهم اغاني على طول.. والله كثر سماعها ماله معنى..

    و اللي يقهرني والله انك تلقي شباب ما مسكوا القران من رمضان اللي فات..

    و ياليت اني اشوف اسمك دائما في اول اسماء الأشخاص المعلقين على المواضيع

  35. watar Says:

    طفلة..

    آميييييييييين.. شكرا لمقطع القرآن مقدما يا طفلتي العاشقة..

    وانا كمان ما انام الا على صوت توفيق الصايغ لانه مرة يعجبني وارتاح

    له بطريقة غير طبيعيه

    وعلى حبك للجبال اكثر من البحر هي مسأله نفسية لا اكثر وكل انسان

    ينام على الجنب اللي يريحه.

    انشالله ربي يسعدك و يسعدك كل اللي تغليهم و تحبيهم و يحبونك

    الله لا يحرمني منك

  36. watar Says:

    فراولة..

    يسعدك مساك يا بنتي.. جده غير ولا شي غير جده في بالي

    و قلبي و روحي..

    ربنا يديم الروقان

  37. (روح) Says:

    أخي الكريم..
    أسلوبك رائع في الطرح
    وتسلسك مريح
    لم يفقد اي موضوع حقه..

    ….

    * بالنسبة لموضوع الصلاة والمسجد..
    اللي ماعظم هالمكان بالذات..
    يخسر تعظيمه لشرائع الدين تدريجيا..
    لحد مايصل للمبالاة..-ربي يكفينا الشر والفتن-..

    *بالنسبة للقرآن..أتفق معاك ان الشيخ توفيق
    يمتلك صوت رائع..يارب نكون واياه من اللي يقال
    لهم رتل كما كنت ترتل في الدنيا….
    (وننزل من القرآن ماهو شفاء ورحمة للمؤمنين)

    *موضوع الجرأة لا نملك أن نقول الا لا حول ولا قوة
    الا بالله..الله يحفظنا ويحفظ بناتنا ونساءنا ونساء المؤمنين
    مؤسف ومحزن خيانة الثقة..واستعمالها في غير وجهها
    الصحيح 😦
    والبنت سمعه..لا حول ولا قوة الا بالله..
    ربي يهديهم وينير بصائرهم لما فيه هدى وصلاح بالدنيا
    والاخرة..

    *اتفق معك بموضوع الهدوء اللي تدريجيا يحصل بعده
    راحة بال واسترخاء للنفس والجسم ونقدر نركز
    باللي قدامنا وتتفتح الدنيا بعيوننا شوي .. شوي 🙂
    لو ماقدرنا نروق بعصر السرعه والازعاج كان انتهينا من
    زمان..لأن القلق والازعاج مستحيل الواحد ينام وهو منزعج :/

    *وانا بعد بالي يضيق من كثر الشرح خلاص فهمت احب اسكر
    الموضوع اتنرفز اذا انعاد أكثر من مرة وتضيق بي ثيابي لأن احسهم
    يحسوني ماافهم 😦

    *اصلا مايحلى البحر الا عندكم..وبكل وقت الا الظهر طبعا لأنه موت
    ومايحلى الشوبينغ الا بجده..وجده غييييييييير 🙂

    *وطبعا ضيق الوالدين شي متعب..نشيل همهم أكثر
    ونتمنى الموت لاضاقت بهم الدنيا ولو شوي 😦
    يا يمه يايبه..خلو التعب لصدري..والفرح يعانق قلوبكم 🙂
    الزعل مو لكم و الله 😦
    (يابوي ياعزي وياتاج راسي.:.يكفي من افضالك علي نسبتي لك)

    عذرا عالاطاله..
    بس موضوعك يشرح النفس ويخلي الشخص يسترسل بالكتابة
    شكرا لطولة بالك 🙂

  38. بندر Says:

    هذا أبو المسج في الصلاة .. شكله ( قالبها فلللللة ! )
    جميلة خواطرك هذه ..

  39. سلوى Says:

    – اصبح الاهتمام بالصلاة واضحاً ، يا إما ما يصلي ابداً ، او يصلي ويهمل فيها !! لا حول ولا قوة الا بالله ..
    – البنات بالسوق ، هذه من نماذج انحطاط المجتمع والله يمهل ولا يهمل ، احب التسوق في النهار ( بالصبح او العصر ) —– تسوق اوروبي 😀
    فعلاً .. بالنهار مافي زحمة والتسوق يكون بروقان أخذ راحتى في اختيار الموديلات والالوان والاسعار ، والاهم اني ما اشوف مثل ذي الاشكال اللي ذكرتها لانها فعلاً تصيبني بالغثيان ( وانتم بكرامه ) .
    – الاغاني الهابطة مثل ما ذكرت .. مريحة راسي منها .. لا أسمع أغاني نهائياً 🙂 .
    – الغروب على بحر جدة .. لا مثيل له ابداً .. واحب البحر بالنهار وخصوصاً الغروب .. ويحلى لو كان في رمضان وقت الفطور 🙂 وارتبط في ذهني غروب الشمس على بحر جدة باشياء جميلة جداً مثل تخرجي من الجامعة و شفائي بعد مرضي 🙂
    – الوالد نور هذا الكون ، لا حرمك ولا حرمني أو من يقرأ رضا الوالدين ..
    ———
    — على الهامش —
    عزيزي محمد :
    ماذا اصابك ؟ اين حماسك للتدوين ؟
    لما لم اعد ارى ردودك في مدونتي ؟
    لماذا يلمح البعض في التعليقات على تركك للتدوين ؟
    أتمنى فعلاً ان تكون اشاعة او مجرد توقعات لا تمت للواقع بصلة ..
    🙂

  40. watar Says:

    روح..

    شكرا لاطرائك الذي لا استحقه وربي يسلمك و يحفظك..

    انا معك و للأسف اصبح الكثير من الناس لا يقدسوا هذا المكان الطاهر االلي

    نجتمع فيه خمس مرات يوميا للصلاة و نكون فيه بين يدي الله عز وجل.

    و اكيد كلنا نتمنى ان نكون في الاخرة مع النبين و الصديقين و الصادقين ومعنا كل

    نحب.. و على البنات ربي يهديهم و يهدي الجميع..

    و مين فينا ما يحب راحه البال يا روح .. الواحد يكون كل يومه ازعاج و عمل وصراخ

    و نرفزة وفي النهايه يرجع البيت وهو في امس الحاجه للراحه.

    اكيد جده غير وهي هوى الفرسان وفيها اتجمعوا الغزلان ولو نسنس هوى غربي

    تزيد في الحى جده.

    وربي يحفظ لك والدك ووالدتك و والدينا ..

    خذي راحتك و اكتبي اللي نفسك فيه و اعتبري المدونة مدونتك طال عمرك.

  41. watar Says:

    بندر..

    والله صدقت شكله متأثر بدعايه موبايلي … اقلبها فلة..

    ههههههههههه

    نورت يا سيدي

  42. watar Says:

    سلوى..

    اخيرا شرفتي من بعد الغياب..

    بالنسبة لي ما احب اروح الاسواق مرررررررررررررررررة الا في حالات الضرورة القصوة

    و افضل المحلات التجارية اللي يكون لها فروع في الشوراع الرئيسية لاني مو مستعد

    اشوف اشكال تجيب لي المرض.. ولان اغلب روحاتي للمراكز صارت تنتهي بمعارك

    دامية..

    ومو معناه ان فيه اغاني هابطة اني ما اسمع اغاني ابدا.. اكيد زي اي مجال فيه الجيد

    و فيه الهابط..

    جده غير جده غير جده غير

    قوليها 3 مرات وراح تحسي انك مبسوطه..هههههههههه

    و سلامتك الف سلامه وما تشوفي شر..

    بالنسبة ل على الهامش..

    ما عندي شي ينقال.. ( بعدين اقول لك )

  43. ميدووو Says:

    هاذا اللي يصلي و يرسل مسج الظاهر انه مهبول

  44. Fatma Qatar Says:

    اللهم امين = )

    خذتني يا بوجاسم في لفّه ولا احلى..

    الله يسعدلك ايامك.. وما في احلى من بحر جدّه والله ^_^ احلى الذكريات

  45. watar Says:

    ميدوو..

    الله يهديه

  46. watar Says:

    Fatma Qatar ..

    اهم شي انبسطي في اللفه ولا لأ؟؟

    وربي يسعدك و يهنيك انشالله

  47. dubai85 Says:

    Msg قويه هاي ..!

  48. watar Says:

    dubai85..

    شفت كيف الاستهتار؟؟؟

  49. مجنون Says:

    رأيي أن النغمات في أوقات الصلاة أمر طبيعي و لكن المزعج هو ترك الجوال يعزف و يدق لفترات و فترات طويلة حتى يتكرم الأخ صاحب الجوال بإطفائه بعد خروج عقولنا من طور الخشوع إلى طور الرقص و هز الأوساط
    أما عن ماذا يجب وضعه كنغمة, فلا أمانع بتاتًا أن تكون النغمة أغنية أم أي شيء آخر إلا إن كانت كلامًا مخل بالآداب و الأخلاق كالسب و غيره
    هذا رأيي و الله أعلم

    حفظكم الله

  50. watar Says:

    مجنون..

    بس مهما كان يا اخي الكريم ما يصير الجوال يرن بالأغاني داخل بيوت الله

  51. Fatma Qatar Says:

    اوووف حدّ الوناسه يا الطيب D=
    ماتقصر ^_^

  52. watar Says:

    Fatma Qatar ..

    كلهم قلبوها فلة..

  53. مجنون Says:

    أخي وتر
    الإنسان ينسى و على بقية المصلين الفهم
    سماع الأغاني في كل مكان و وقت و معروف و مسموع و ليس هو بالشيء العجيب الذي يمكن أن يشتت حياتك أو صلاتك بالأخص
    كل ما في الأمر هو وجوب الإسراع بإطفاء النغمة و العمل على ذلك, اليوم معظم الشعب يعرف أنه من الغلط ترك الجوال على حالة رن الجرس ( الموسيقي ) في أوقات الصلاة, و الكثير يعلم قمة الإحراج الناتجة عنه, فلا أعتقد أن كل الذين تركوه مفتوحًا قصدو ذلك و لا حتى أغلبهم, بل أن كل مافي الأمر هو طارئ نسيان أو عدم تعود
    لا أقصد التساهل فالصوت مزعج و لكن التعامل مع المشكلة بتقدير عظم المشكلة هو مغزاي
    أأسف على الإطالة و الله أعلم من كل ما ذكر

    في أمان الله

  54. محمد الصالح Says:

    آمين 🙂

    مكاشفات مرة ثانية محمد 🙂

    أروع ما كتبت .. إني تستفتح يومك بالقرآن ..

    الحمد لله .. من عرفت أسوق وأنا يومي كله مع القرآن ومع ذكر المولى ..

    ربي يثبتني على نهج الاستقامة .. ويكفيني شر الفضيحة يوم القيامة …

  55. watar Says:

    مجنون..

    انا عارف ان الواحد ممكن انه ينسى..بس قصدي هنا

    على الأخ انه قام يرسل مسج وهو يصلي..

    و اكيد ما في مسلم عاقل يتعمد ترك جواله شغال وهو داخل المسجد

  56. watar Says:

    محمد الصالح..

    مافي افضل من القرآن الكريم الواحد يستفتح يومه فيه.

    امين و يهدينا وياك على الصراط المستقيم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: