فرح ختامه حزن

في اي مناسبة في جميع انحاء العالم تكون طريقة تعبيرالناس عن الفرح

 بأسلوب جدا معقول و واعي ، حتى تصرفات الشباب في الدول الأوروبية

 تكون غالبا معقولة ، حتى اذا الشباب ذودوها مرررة تلاقيهم يروحوا البار

 و يعطوها شرب الين يعموها ، وطبعا يستثنى من الشباب الأوروبي الشباب

الأنجليز و الظاهر لأن كثر ما يصيفوا العرب عندهم اصبح الشاب البريطاني

زي الشاب العربي يتصف بنوع من انواع العنف و العدوانية.

أغلب شبابنا و للأسف الشديد بعد أي مناسبة نجاح أو فوز للمنتخب و حتى

في الأعراس تلقاهم على طول يعبروا عن فرحتهم بالتفحيط و السرعه

 الجنونية و في الغالب تكون النهاية جدا أليمة.

cimg1011.jpg

0006.jpg

تخيلوا مثلا حالة الأب و الأم يوم تخرج ولدهم و بعد الفرحة اللي عاشوها

طوال اليوم ..يجيهم اتصال و يقولوا

لهم

ولدكم توفى..

الى متى عقول شبابنا بهذه السطحية و الغباء في التعبيرعن الفرح.

اتمنى ان الشباب يفتحوا عقولهم شوي و تكون طريقة

تعبيرهم عن الفرح بشكل أرقى.

Advertisements

35 تعليق to “فرح ختامه حزن”

  1. female Says:

    التفحيط هذا أسوء شيء ممكن يسويه الشاب
    أكره المفحطين وأمقتهم بقوه >> أعصابك :mrgreen:
    وعلى فكرة 73% من الأعاقات السفلية والشلل النصفي سببه
    حوادث السيارات ، والأستعراض والكلام الفارغ هذا
    انا ما ادري ليه مافي عقوبات صارمة بخصوص
    التفحيط ، وفي حاجة بعد >> تحمست مرررره :mrgreen:
    اللحين الأباء هذولا يعطون البزران سيارات بدري لييييه؟!!
    الاباء والتدليل الزايد هم السبب
    الرئيسي في ظهور هالأشكال الفاشلة من الشباب
    العديم المسؤولية، شوف ضحايا الحوادث ، شوف الشباب اللي أعمارهم 18 ماتوا بدري
    ليييييه ؟!!! بسبب التفحيط ….
    اووووه تعبت :mrgreen:

  2. adham Says:

    مشاهد مؤلمة فعلاً 😦

    الله يحمينا ويكفينا الشرور

    يعطيك العافية محمد

  3. خوووخه Says:

    كعاده
    شعبنا كلوا
    يتعاملوا مع كل شي
    بادنى سلبيه
    الله يهدي الجميع

  4. سامي منصور Says:

    الله لا يبلانا و يعافي الجميع

    معلش في لي تعقيب على الأخت female
    تكرهي المفحطين هذا شيء طبيعي
    وبالنسبة للعقوبات — فيه عقوبات تصل إلى مصادرة السيارة و السجن و الغرامات و و و و
    بس هذا من زود المرجله عند الشباب إنه مش شايف أحد قدامه و لا شايف عقوبة قدامه …. يعني اللي جالس يحرق سيارة بالمبلغ الفلاني (طبعاً الوالد الله يحفظه مطلعها له كهدية) بتكون فارقه معاه مخالفة مادية؟؟؟
    تذكرت سلافة كنا نحكي فيها انا و أصحابي أول ما شفنا سيارة الهمر …. واحد سأل كيف بيلحق عليها بنزين …. فرد واحد ثاني يعني بالله 320000 ريال ومش قادر يعبي بنزين كل يوم و فل … سؤال منطقي و غبي بنفس الوقت .. !!

    و بالنسبة للأباء اللي يعطوا سيارات لأبنائهم بهذا العمر …. بيكون الأبو المسكين فرحان على ابنه و يدللـه و كل طلبات ابنه أوامر بما إنه البكر و اللي حامل اسمه … فأكيد ما هيستغلي سياره على ابنه البكر … بغض النظر عن أخلاق ابنه هل هي تمام أو منحرفه …. الله يعيذنا

    واعتذر عن طولة الرد

    تحياتي و تقديري

  5. أنمار Anmar Says:

    بصراحة يا أخويا وتر
    الوضع كل ما تفكر فيه من ناحية يطلعلك بنتيجة مختلفة
    يعني أنا كنت أحسب الذنب على الشباب نفسهم
    و بعدين سرت أقول الأهل غلطانين
    اليوم
    رأيي إنو الوضع كلو غلط
    في قرّيت على حاجة وحدة
    الحكومة في يدها حاجتين
    و الأهل عليهم حاجة
    و الشباب عليهم حاجة
    و أنا و إنتا علينا حاجة كمان

    الحكومة لازم ترفع العقوبات بشكل غير معقول
    هادا واحد
    الحاجة التانية
    لازم تصرف على مضامير مرتبة للسباقات و التفحيط المرتب
    واحد ولاّ إتنين في جدة ما يكفو
    غالبية الشعب السعودي يحب التفحيط و السباق في كل المدن السعودية
    زي باقي دول العالم
    كلو بترتيب و إنتباه
    و الحماس مو ضايع
    الأهل عليهم يفهمو ولدهم إنو السواقة في الشوارع لازم تكون للإحتياج مو للفلة و التفحيط
    و ضروري يطلع منهم دعم للناجح ولدهم من أكتر من ناحية
    مو بس سيارة
    ياخي أشتري لولدك جوال
    ماكنتوش
    آي فون
    ساعة
    نضارة
    سفّرو
    أعزمو عزيمة كبيرة
    أزم أصحابو على البيت
    و الشباب نفسهم لازم يدّو مجال للأهل ينصحوهم
    أما أنا و إنتا يا وتر و غيرنا
    ما علينا غير نذكر!
    إن شاء الله أكون نفعتكم

    و في الصور السيارة الأولى لومينا
    و التانية لمبرقيني

    كيفني معاك بس؟

  6. خالد [Studio KHALID] Says:

    أعتقد أسلوب المنع ، سواء لأسباب تقليدية أو دينية بسبب الفهم الخاطيء للدين، هو أحد الأسباب لكثير من التصرفات الطائشة والغريبة لكلا الجنسين. مما يوفر متنفس سهل جدا، ملفت للنظر، ومثير لأفراد المجتمع الآخرين.

    لك التحية أخي محمد

  7. watar Says:

    female ..

    اكيد ان التفحيط من أسوأ الأشياء التي يمارسها شبابنا وخطورتها بصراحه اعتبرها

    مثل المخدرات و يمكن أسوأ كمان.

    و اعتقد ان الى الآن المرور ماقام بحملة توعوية كافية لتوضيح مخاطر التفحيط للشباب..

  8. watar Says:

    adham ..

    الله يحمينا و يحمي حبايبنا من كل مكروه

  9. بحرينية Says:

    مبروك على الشكل الجديد للمدونة حلو التغيير
    و اوافقك الراي في انه
    لابد من الاعتدال و عدم التهور في كل شي حتى في الفرح حتى لا تنقلب الافراح الى اتراح
    اكيد في ناس حاطة في بالها هالشي لكن في ناس للحين على مستمرة على نفس الاسلوب الا و هو التهور و اللي اكيد نهايته ما بتكون شي طيب
    شكرا لك يا محمد بن سالم على البوست و الله يكافينه شر هالحوادث

  10. watar Says:

    خوخه..

    ومن متى احنا نتعامل بإيجابية؟؟

  11. watar Says:

    سامي منصور..

    كلامك صحيح و ياسيدي طول في ردودك زي ما تبغى و ياليت تعتبر ان المدونة

    مدونتك

  12. watar Says:

    انمار..

    صح لسانك ..السيارة الأولى كابريس لواحد نم الشباب اتمنى انه يقوم بالسلامة لأنه لما

    دحين على الفراش من اثر الحادث و اما الصورة الثانية صح

  13. watar Says:

    خالد..

    اكيد في ان كل ممنوع مرغوب و المفروض يصير زي ما قال اخو ي انمار ان الدولة

    تبني اماكن و مجمعات خاصه بالتفحيط و السباقات

  14. watar Says:

    بحرينية..

    انا اللي اشكرك على توجدك في المدونة و اتمنى من الله ان يحفظ الجميع

  15. مضيعه بيتهم Says:

    المشكلة ان اللى يفحطون بزران توهم يتعلمون السواقة ..؟؟
    وياليت لو بس يموت اهو ويفتكون من شرة المجتمع
    المشكلة لما يشيل واحد يمشي بالطريق ماله ذنب 😦 هذا الشئ اللى يقهر .. ومافي احد يفهم وياخذ الموقف عضة وعبرة
    العقول مشكلة ..

    والكل يبي يسوي حركات وانة رجال ويخلي الكل يتجمع علية ويتفرجون !!

    الله يحفظ الجميع ياااارب

  16. طارق Says:

    كلامك هو عين الحق، موضوع يستحق الطرح

    ومهم للغايه، ارجو ان تكون هناك آذان صاغيه لهذا الكلام

    المهم…

    تحياتي

  17. LaRa LuNa Says:

    الله يكفينا شر الحوادث
    بالفعل نعاني من جهل فضيع في التعبير عن الفرحه
    والتفحيط اعتبره هواية بس تكون مقننه يعني ممكن نستفيد من الشباب الهواة في التفحيط في عمل مسابقات مثل الفورملا ومدري شو
    والله يصلح شبابنا يارب

  18. ثامر الطويرقي Says:

    والله وقعت على الجرح …

    مقارنة الفرح بالحزن ……… لا مقارنة

    شكراً لك

  19. أنمار Anmar Says:

    الله بس على التدقيق إللّي ما منّو فكّة
    ياخي الكابرس و اللومينا كأنهم واحد
    لازم تحرجني يعني قدّام العالم؟؟؟؟؟
    لا و كمان يتّريق و يقلّي التانية صح!!
    يا محمد ترا عليك حركات كدا تجيب للواحد الصياح

    هاهاهاها
    أمزح معاك لا تخاف

    و بإذن الله صاحب السيارة يقوم بالسلامة و يا رب الدولة تبنيلو مضمار كبير طويل عريض حقو لحالو هوّا و بس
    تقلي يمشي 370 براحتو لحالو في الخط!
    الله أكبر

    أنا عن نفسي أبغا أطول في مدونتك قد ما أبغا برضو عشان بصراحة مستمتع بوقتي و مروّق

    الله يسعدك يا وتر إنتا على مدونتك
    سلامو عليكم

  20. watar Says:

    مضيعه يستهم..

    لا تدعين على اللي يفحط بالموت..ادعي له بالهداية

    وزي ماقلتي مشكلة المراهقين انهم يحسبوا التفحيط حركة

    من حركات المرجلة

  21. watar Says:

    طارق..

    نتمنى من الادارة العامة للمرور انها تطرح حملة ضد التفحيط عشان تبين

    مخاطر التفحيط ولكن مشكلة المرور عاده في حملاتها ضد التفحيط انها تعمل

    دعاية للتفحيط و لا تبين مخاطر التفحيط

  22. watar Says:

    LaRa LuNa ..

    الله يصلح الجميع و مرحبا فيك ياغايبة من زمان عنك وعن

    مدوناتك اللي اكثر من رائعه

  23. watar Says:

    ثامر الطويرقي..

    العفو و شرفتني بتواجدك في مدونتي المتواضعه

  24. watar Says:

    انمار..

    و ان شاء الله يقوم جميع مرضى المسلمين بالسلامة..

    يا انمار طووووول على قد ما تقدر

  25. قطر الندى Says:

    السلام عليكم
    الفاضل- وتر
    تدوينة جميلة
    تدل على شباب ناضج وعقل واعي

    هي عدم المسؤولية أخي الكريم وعدم استشعارها
    هو ما يدفع مثل هؤلاء لتلك التصرفات

    دائماً النهاية مأساوية
    وفي كل لحالات يتسببون بالآلام لنفسهم ولكل من حولهم ولكل من أحيهم

    نحن بحاجه إلى توعية وكذلك رقابة

  26. watar Says:

    قطر الندى ..

    انا معك في كل اللي قلتيه..لكن اعتقد ان على الأهل انهم يزرعوا شي اسمها

    الرقابة الذاتية..وهي انو كل واحد بيراقب نفسه و يكون عارف ان الله فوق الجميع

    بيراقبهم..

  27. أنمار Anmar Says:

    هاهاهاها
    ما عليك

  28. أنمار Anmar Says:

    صح كلامك يا محمد
    الله شايف كل شي

  29. watar Says:

    انمار..

    اكيد ربنا فوق كل شي

  30. ,, طفلة ,, Says:

    آخاف موت من السيارات

    ماادري الناس هذي وين قلوبها

    شكلها راحت مع العقل 🙂

    مانقدر الا نقول

    الله يهديهم
    ويثبتنا بنعمته

    (F)

  31. watar Says:

    طفلة..

    اميييييييييييييييييين

  32. ولد جدة Says:

    في مثل يقول – خالف تعرف
    او الممنوع مرغوب

    مع انو في عندنا في جدة مضمار رسمي لسباق السيارات مجهز بكل وسائل السلامة
    رغم كذا في ناس تتسابق وتفحط في الشارع وبتهور وببلاهة يعني في ناس بايعة عمرها
    ماأدري الخلل في عقولهم
    ولا هي بس حب للمخالفةفي كل شي

    طيب ايش رايك في الكامري او ونيت هايلوكس اللي دايما ماشيين في الخطوط السريعة على الخط الاصفر

  33. watar Says:

    ولد جدة..

    طيب بالله ايش الحل في عقول الهمج هدولا؟؟

  34. توقيع Says:

    الله يعطيك العافية يا محمد على هذه اللفتة الطيبة لنا كلنا

    أتفق مع أنمار بخصوص ضرورة احتواء الفعاليات البديلة للتفحيط في الشوارع

    والسـلام

  35. watar Says:

    توقيع..

    و انا معكم لكن وين اللي يبادر فيها؟؟

    شرفتني بحضورك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: