رمضان زمان

باقي على رمضان يومين او ثلاثة

ربنا يبلغنا الشهر الكريم

قولوا امين

و طبعا كلنا عارفين ايش الفرق بين رمضان

الأيام هاذي و رمضان ايام زمان.

كل واحد فينا عنده ذكريات مستحيل انها

تتمسح من ذاكرته وخصوصا ذكريات الشقاوة.

ياليت كل زائر للمدونة يذكر لنا موقف بسيط

عن طفولته في رمضان عشان نعيش الأجواء

الطيبة حق زمااااااااااااااااااااااااااااان

و عشان نذكر هاذيك الأيام بالخير

Advertisements

33 تعليق to “رمضان زمان”

  1. ,, طفلة ,, Says:

    آآمين يارب

    وربي يبلغك رمضان وكل أحبابك

    انا مو هالقد عجوزه عشان احس بالفرق بين رمضان الحين ورمضان زمان

    احس رمضان جو خاص بذاته

    بصيامه وقيامه

    مايتغير مهما تغيروا الناس

    😦 لكن الله يعين على الدوام برمضان في ذا الحر

  2. layal Says:

    هو موقف عادي لكن له ذكرى خاصه
    ايام رمضان اذكر جدتي الله يرحمها لما تخبز لنا (خبز الرقاق) وهو نوع خاص للثريد لا نتناوله الا في رمضان
    له طريقه خاص للخبز علي صفيحه وتستعمل اليد لتوزيعه عليها
    كنت اجلس بجانبها وتخبز لي خبزه خاصه اتناولها مع شاي الحليب 🙂

  3. layal Says:

    ومبارك عليك الشهر

  4. سامي منصور Says:

    الله يبلغنا رمضان و اياكم
    ويتقبل منا ومنكم صالح الاعمال يا رب

    بالنسبة لي أيام ما كنت صغير كنت اعترف بصوم العصفورة … (حسب تسميات الوالدة) وهو الصوم من بعد الفجر لحد الظهر و استغرب بشدة من صوم أهلي لحد المغرب و أسأل نفسي هم ما بيتعبو بدون أكل لحد المغرب
    و كانت إحدى نهفاتي اخذ البسكوت و العصيرات و اروح اقعد قدام أخواني و أكل قدامهم و أقهرهم بزيادة إني أكل و هم لأ …

    تحياتي و تقديري

  5. watar Says:

    طفلة..

    الله يعيننا على الحر هالسنه ..

    و كل عام وانتي و اهلك بألف خير

  6. watar Says:

    layal ..

    الله يرحم جدتك و يعطيك طولة العمر وكل عام وانتي بخير

  7. watar Says:

    سامي منصور..

    امييييييييييييييين.. اعتقد انك كنت كثير شقي وانت صغير

    كل عام وانت بخير

  8. AYANEQ Says:

    هههه
    من احلى الاشياء اللي ماانساها .. اننا كنا نرووح كل أطفال العائلة البقالة يوميا في العصر .. وكل واحد له ريالين كمكافأة على صيامنا ..
    ولما كنا نرجع كنت افطر ( أحيانا) مو دايما بالحلويات اللي اشتريها << مخ مابقي شي عالمغرب!!

    بس والله ايام حلوة كنا نجلس سوا طوول فترة رمضان ونروح التراويح ونلللعب ومررة ننبسط ..

    موضوع حلو تسلم

  9. بشوره Says:

    عارف سبحان الله على شهر رمضان تحس انو في سعاده وراحه والناس قلوبها على بعضها
    ما ادري كدا احس
    من المواقف الا افتكرها واضحك كنت في الابتدائي تقريبا سنه رابعه كان الوالد مخصص مكافاءة ومقدارها 10 ريال …خخخخخ مررره ايامها شي :D.. للالي يصوم الى المغرب انا واخواني الا اصغر مني
    وعاد ايش كنت اسوي اروح اكل مع صاحباتي في المدرسه ولما ارجع البيت طبعا مني جيعانه وكل يوم اقبض 10 ريال 🙂
    شي حلو الصرااااحه …ههههههه
    والله ايـــــــــــــام رمضان كلها حلوة وربي يعيدو علينا اعوام واعوام مديده يارب
    وكل سنه وانت طيب

  10. watar Says:

    AYANEQ..

    الله يسلمك ..بس ايش رأيك رمضان زمان احلى ولا دحين؟؟

  11. watar Says:

    بشوورة..

    ههههههههه ماشالله عليك شقية من صغرك ..الله يحفظظ

  12. tala Says:

    كل سنة وأنتا طيب ومبارك عليك الشهر
    مو متذكرة موقف معين
    🙂 اذا اتذكرت حأرجع

  13. mbet0hm Says:

    كل عام وانت بخير

    والله يعود علينا رمضان اعوام عديده ..

    ماتذكر شئ من ايام رمضان لما كنت صغيرة غير شغلة وحده مستحيل انساها
    لما كنا بالابتدائي نصوم رمضان بعد صلاة الظهر ،، يعني ناكل طووول النهار ولما ياذن الظهر نمسك
    هههههههههههههههههههههههههههه

    بس والله كان خووووش صايم

  14. watar Says:

    tala ..

    وكل سنه وانتي طيبة..و ياهلا فيكي

  15. watar Says:

    mbet0hm ..

    وانتي طيبة ..حلو صيامك

  16. SHAHAD Says:

    مبارك عليك الشهر مقدما
    وربي يبلغنا رمضان
    اما بالنسبة لرمضان ايام زمان
    اذكر يوم كنا صغار
    بعد أذان العصر ابوي ياخذنا يودينا رحلة
    عاد لا تطوفكم رحلات ابوي لووول
    يا إما البحر
    ومرات يودينا سوق الحمام ونرجع معانا كتاكيت ملونة لوول
    ومراات يودينا حديقة الحيوانات
    ونرجع قبل الأذان بربع ساعة
    فكان الوقت يمر بسرعة ونستانس فيه : )
    اما الحين بس كبرنا على هالرحلات لوول
    وابوي مافيه شدة يودي اخواني الصغار مثل قبل

    نايس بوست :))

  17. محمد الصالح Says:

    ابن سالم 🙂

    في بلدتنا .. يسمون الصوام الصغار .. صيامهم . بصيام الدجاجة والديك 🙂

    صوم الدجاجة والديك .. كان صوم ينقطع مع انقطاع الصبر عن الأكل والشرب .. ربما في منتصف النهار أو في أوله 🙂

    أحدهم .. شاهد أمه خلسة تأكل في المطبخ .. فقال لها .. كفشتك .. صايمة صوم الدجاجة والديك اليوم 🙂

  18. عابر سبيل Says:

    لا أحد يستطيع المقارنة أبدا بين رمضان زمان ورمضان الآن

    والله كريم !

    ومبروك عليكم

  19. watar Says:

    SHAHAD..

    ههههههههه رحلة حلوة و خفيفة..كل عام وانتم بخير

    وربي يطول بعمر ابوك

  20. watar Says:

    محمد الصالح..

    من جد الدجاجه و الديك.. وكله كوم وهذا اللي كشف امه

    يعطيك العافية

  21. watar Says:

    عابر سبيل..

    اكيد زمان احلى

  22. فتاة الحزن Says:

    كل عام وإنت بخير

    يا بن سالم

    🙂

  23. watar Says:

    فتاة الحزن..

    وانتي بألف خير

  24. مملوحة كويتية Says:

    مبارك عليك الشهر

  25. سلوى Says:

    محمد ..

    كل رمضان وانت لله اقرب ،

    الموقف الذي لن انساه ما حييت .. بحكم اني كنت طفلة مشاغبة لاقصى درجة .. ارسلتني امي لبيت جدتي اجيب ” فلفل وكمون” مطحون بسررررعة قبل الفطور .. في طريق الرجعه شفت ولد جيراننا ( كان شاب يمكن 24 سنة ، وانا ما ازيد عن 7 سنين ) الرجال يبي يلعبني وانا مستعجله .. فرميت في وجهه الفلفل المطحون وهربت .. بعدين عرفت انه جاء لعيونه 😦 وتأذت عيونه
    موقف مضحك مبكي انا للان ما اعرف له سبب .. غير انه رمضان ووقت الفطور!!

  26. watar Says:

    مملوحة كويتية..

    وكل عام وانتي بخير يا ستي

  27. watar Says:

    سلوى..

    حتى اولاد الجيران ما سلموا منك..هههههههه

    كل سنة وانتي بخير

  28. أنمار Anmar Says:

    مبارك عليكم الشهر يا حبايبي
    و أشكرك يا وتري على الموضوع اللزيز دا

    والله عن نفسي فما أفتكر حاليًا قصة معينة و لكن أفتكر تجمعاتنا على أول رمضان و وضوح إختلاف الأجواء الرمضانية عن بقية أيام السنة
    فرمضان طعمو ما يقارن بأي طعم
    لزيز من يومو

    الله يسعدكم جميعًا
    و السلام عليكم

  29. watar Says:

    انمار..

    شكرا يا انمار على مرورك و كل عام وانت بخير

  30. أبو سعد Says:

    مبارك عليك الشهر يا بن سالم وعلى الأمة الإسلامية جمعاء…

    كل رمضان ما أفتكر فيه إلا الفيمتو والسمبوسة بس 🙂

    تحياتي؛؛؛

  31. watar Says:

    ابو سعد..

    وكل عام وانت بخير يا ابو سعد

  32. sweet butterfly Says:

    عزيزي محمد ..

    كل عام وأنت برضا وسعادة

    من ذكرياتي زمان والي ماتشرف كثير 🙂

    إني كنت مكلفه بشراء الخبز كل يوم في نهار رمضان

    وماعرف كيف بس أشم الخبز وهو ساخن وأنا راجعه ع البيت أفقد الذاكرة تماما وخصوصا موضوع

    (اني صايمه ) .. وماترجعلي الذاكرة الا لما أوصل عند باب البيت بعد ما أكون قضيت على

    نصف الخبز طبعا .. و كل يوم كانت تكرر نفس الحكايه بس من غير ما أكون متعمده والله .
    .
    .

    سعيدة جدا بحضوري بين حروفك .

    دمت بنقاء .

  33. watar Says:

    sweet butterfly ..

    بالعافيو يا بنتي..اهم شي نيتك طيبة ولو انك فطرتي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: