Archive for 30 أبريل, 2008

لومار… فرع الخبر

أبريل 30, 2008

الحمدلله،، و اخيرا راح تفتح شركه لومار فرعها الاول في

المنطقه الشرقيه في مدينه الخبر

يعتبر فرع الخبر الفزع الثالث للشركه على مستوى المملكه

و هنا الشباب مشغولييييييييييين في التجهيز

شكر خاص للاستاذ عبدالوهاب السوادي

للسماح باخذ هذي الصور لنشرها

موقع المعرض : الخبر ، طريق الكورنيش ، قريه القصيبي

الموقع الرسمي على الانترنت : www.lomarthobe.com

Advertisements

اشياء في خاطري اقولها ٤

أبريل 28, 2008

للآسف نشوف شاب يوصل الدوام بعد بدايه الدوام بساعه و يخرج قبل وقت الغداء

بساعه و يرجع قبل نهايه الدوام بساعه و يداوم ساعه،،

وبعد ما ينفصل من العمل يقول الكلمه المعتاده :

والله حطوني في راسهم عشان اني سعودي

كل شي في الدنيا ارتفع سعره الا سي دي الاغاني من روتانا ، تحيه

طيبه للاخ سالم الهندي مدير عام روتانا و اقول له

ياليت كل اصحاب الشركات و المدراء يراعوا العملاء مثلك.

الى متى و المدرسين مستمرين في الحضور الى

صالات الاسهم في البنوك؟؟

اتمنى من الاباء و الامهات  يعلموا ابنائهم شي اسمه الرفق بالحيوان

انتشرت ظاهره البنات اللي ييدخنوا والنتيجه في المستقبل

راح تكون امهات و مدخنات بشراهه و الله يخلي مراكز مكافحه

التدخين اللي حملاتهم و توعيتهم للرجال فقط..اما للفتيات بالسر

بدات حرب الاعلانات بين حقوق الانسان و وزاره الصحه

و المريض بيتفرج و النتيجه ولا شي

الحمدلله على العوده

أبريل 28, 2008


هدووووء (قصيده )

أبريل 25, 2008

هدووء ..سكون..صمت شاحب

لارفيق..لا صديق ..لا صوت صاحب

مدري لوين راحوا الناس

يم الجفى او يم الاحساس

حتى الدموع في العيون ذبلت

حتى الظنون في الجروح كبرت

ياغربه الروح..قولي وين اروح

في عيني سراب و في همي وضوح

يا صمتي الساكن في جرحي العتيق

ضاع السفر ..لكن باقي الطريق

ما بقى غير الخوف.. يونسني

صوت الماضي بوجودي ..يذكرني

ما بقى لي انا .. الا انا

و اففف ..كلها هم و عنى

كلمات الشاعر : محمد عبدالرحمن

اللهم اشفي هديل

أبريل 23, 2008

دعواتكم للاخت المدونه هديل بالشفاء

الاحساس بالضيق

أبريل 23, 2008

في بعض الاوقات يجي للواحد احساس بضيق غريب او قلق يخليه متضايق

بدون اي سبب . و بعد شويه وقت من الممكن انه يسمع خبر سيء و تصير

له مشكله بدون اي مقدمات و يرجع الوضع طبيعي بعدها.

وبعد فتره طويله او قصيره يصير نفس الشيء ،،هل هذا تنبآ او حاسه

سادسه؟؟ ما ادري؟؟

في احد منكم مر باحساس زي كذا من قبل؟؟

الطيار للسفر و السياحه

أبريل 20, 2008

في الاسبوع الماضي حجزت عن طريق مكتب الطيار اللي موجود في

مركز الراشد بالخبر ، وهذا اول واخر تعامل معهم ان شاء الله

المهم حجزت على رحله يوم الاحد من الدمام الى جده والحمدلله

اني لقيت حجز مؤكد رغم ضغوط الاجازه و قله الرحلات ولكن

على رحله ٨ الصبح

وحبيت اني احجز للعوده من نفس المكتب و مريت عليهم ولقيت

نفس الشخص الهندي اللي حجز لي المره الماضيه وقلت له اني

ابغى احجز رحله العوده من جده الى الدمام. تخيلوا ايش صار؟؟

قال لي لازم نلغي تذكرتك و تدفع قيمه استرجاع ٣٠ ريال و بعدها

اصدر لك تذكره جديده تتضمن الرحلتين الذهاب و العوده.

طبعا استغربت وهذي مو اول مره اغير في الحجوزات او التذاكر

و المسآله مو مسآله ال ٣٠ ريال

و سالت الهندي وليش التعب هذا ؟؟ قال هذا اللي لازم يصير

طبعا عصبت عليه ولكن بادب فقلت له راح اروح مكتب ثاني

وبكل ثقه يجاوبني انه راح يلغي الحجز .

اللي حصل اني قلت له الظاهر ان شركتكم يبغالها تطير وراح

اخرج قبل ما اسوي شي مو طيب.

بعدها رحت لمكتب ثاني و الشخص اللي فيه اكد لي ان الحجز

اتلغى.. طبعا وقتها كنت ناوي اروح اصفي حسابي مع الهندي

بس للاسف مافي وقت و رحت بسرعه على مكتب الخطوط السعوديه

و طبيعي اني ما القى حجز وسط الزحام .. والحمد لله اني لقيت المشرف

وما قصر لقى لي حجز على الدرجه الاولى .

تحيه لشركه الطيار اللي ان شاء الله تطير على ورى بقياده الهنود

و ان شاء الله لي عوده لزياره الهندي في مكتبهم

عدنا و العود احمد

أبريل 13, 2008

هذا اول بوست اكتبه بعد رجعتي لعالم التدوين.. وملاحظ

ان اغلب المدونين صابهم الكسل

وماهم مستمرين زي اول،،،ما ادري ايش اللي صاير؟

على العموم احب اشكر كل من سآل عني في غيابي

و احب انوه انه راح تكون فيه بعض

التغيرات في المواضيع اللي راح اكتبها

واني راح اتوجه في بعض المواضيع و اتكلم عن

المهارات الاداريه و التسويقيه بشكل اكبر واللي ممكن

انها تفيدهم في حياتهم العمليه

Thats my home town were i come from

أبريل 8, 2008