الطيار للسفر و السياحه

في الاسبوع الماضي حجزت عن طريق مكتب الطيار اللي موجود في

مركز الراشد بالخبر ، وهذا اول واخر تعامل معهم ان شاء الله

المهم حجزت على رحله يوم الاحد من الدمام الى جده والحمدلله

اني لقيت حجز مؤكد رغم ضغوط الاجازه و قله الرحلات ولكن

على رحله ٨ الصبح

وحبيت اني احجز للعوده من نفس المكتب و مريت عليهم ولقيت

نفس الشخص الهندي اللي حجز لي المره الماضيه وقلت له اني

ابغى احجز رحله العوده من جده الى الدمام. تخيلوا ايش صار؟؟

قال لي لازم نلغي تذكرتك و تدفع قيمه استرجاع ٣٠ ريال و بعدها

اصدر لك تذكره جديده تتضمن الرحلتين الذهاب و العوده.

طبعا استغربت وهذي مو اول مره اغير في الحجوزات او التذاكر

و المسآله مو مسآله ال ٣٠ ريال

و سالت الهندي وليش التعب هذا ؟؟ قال هذا اللي لازم يصير

طبعا عصبت عليه ولكن بادب فقلت له راح اروح مكتب ثاني

وبكل ثقه يجاوبني انه راح يلغي الحجز .

اللي حصل اني قلت له الظاهر ان شركتكم يبغالها تطير وراح

اخرج قبل ما اسوي شي مو طيب.

بعدها رحت لمكتب ثاني و الشخص اللي فيه اكد لي ان الحجز

اتلغى.. طبعا وقتها كنت ناوي اروح اصفي حسابي مع الهندي

بس للاسف مافي وقت و رحت بسرعه على مكتب الخطوط السعوديه

و طبيعي اني ما القى حجز وسط الزحام .. والحمد لله اني لقيت المشرف

وما قصر لقى لي حجز على الدرجه الاولى .

تحيه لشركه الطيار اللي ان شاء الله تطير على ورى بقياده الهنود

و ان شاء الله لي عوده لزياره الهندي في مكتبهم

Advertisements

23 تعليق to “الطيار للسفر و السياحه”

  1. afnan Says:

    جد قلة ذوق! على كيفه يلغي !

    للأسف الهنود طال لسانهم أشوف !!

    الاسبوع الماضي خالي طلب حجز و راح أخوي يسويه له في واحد من الفنادق

    قام الهندي الموجود قال له تدفع ألف ما أدري الفين عربون قال ليه ان شاء الله انا مسوي حجزين من قبل و دافع عن كل واحد 500 ريال ؟

    قام سكر دفتر الحجوزرات و فوقها موب عاجبك كلمة بمعناها مع السلامه ؟!

    طبعاً أخوي وصلت معاه و تفاهم مع مدير الفندق و ضبط الحجز

    صح المسأله مو مسألة فلوس لكن ليه يتحيكمون علينا !

    على كل حال خليك ريلاكس و انت رايح المكتب لا تطلع أنت الغلطان !

    ربي يوفقك و ييسر لك أمورك

  2. حلمي معي Says:

    والله شي
    ما بقى الا الهنود يتحكموا فينا
    🙂
    وشركة الطيار هذه انا مجربتها من قبل
    مره حجزنا فندق في دبي من عندها
    ودفعنا عربون للشركه وكل حاجه تمام
    ولما رحنا دبي
    ورحنا للفندق عشان نشوف الي حجزناه وناخذ السويت
    طلع لا في حجز ولا دفع عربون ولا حاجه
    بس الحمدالله ان لقينا في نفس الفندق سويت

    بس لازم يوقف الهندي هذا عند حده
    ديرة ابوه ولا مكتبه المعزب هذا

  3. mbet0hm Says:

    سلمات باي حق يلغي الحجز ؟؟؟!!!!!
    طيب انت ماقلت الغي الحجر

    😦 بشر غبية ، اكيد هالهندي شوف مين مدربة ومعلمة وتعرف سبب الحركة ..

    انت روح جدة واضمن لك رحلة وارجع >> لما ترجع
    روح للهندي 🙂 ( او تدري لا تتفاهم معاه شوف مين مسؤول المكتب او اللى له دخل بالسالفة ) …

    بالسلامة يارب

  4. عمّار توّك Says:

    حلوة هذي شركة الطيار اللي تطير لورى

    صراحة حاس بمعاناتك يا وتر .. بس الهندي خاطرة يقول هذا ضرب شركتنا على الوتر وما نقدر نعزف 🙂

    فعلاً مكاتب الطيران تعاني بعضها من مشكلة ولكن مافي أحلى من الحجز على النت

  5. بندر Says:

    كله غلي يا محمد إلا المواطن سعره رخص ..

  6. ((*خـــــوخه*)) Says:

    🙂
    يويلوا الهندي
    اذا رجعتله

  7. watar Says:

    افنان..
    صرت احس انهم هم المواطنين و احنا الخدم عندهم..الله يفكنا منهم

    حلمي معي..
    ولسه ..ياما ناس راح ينضحك عليهم

    مضيعه بيتهم..
    معليش انا راح اتفاهم معاه هو لانه هو الغلطان

  8. watar Says:

    عمار توك..
    نورت المدونه ..

    بندر..
    اكيد راح نرخص طول ما الهنود عندنا.

    خوخه،،
    راح تشوفي كيف

  9. ابراهيم Says:

    تستاهل

    هذي ضريبة الخيانه ..

    الحين ماني قايلك اذا بتروح جده علمني؟

    وان شاء الله ترجع للهندي ويطلع يلعب تكوندو ويكمل عليك

    <—– حقد

    ههههههههههه

  10. afnan Says:

    للأسف إن هذا هو الحال

    آمـــيـــن

    الظاهر لو نكتب مسلسل مع قصصنا ما خلصنا

    اليوم لمو معصبه على واحد من الهنود

    طالبه توصيل للبيت و ينفخ و طلبها ما وصله!
    تقول ما يسوى ولا ريال اللي يتصرف كذا
    أقول في نفسي صادقه بس من يسمع !

    للتوضيح لمو طفله عمرها 10 سنوات

  11. watar Says:

    ابراهيم..
    تراني قلت لك بس انت اللي ناسي و الظاهر خوفك من الثعابين هو اللي نساك

    افنان..
    الله يحفظ لكم لمو

  12. حسام | قطرة Says:

    مخ تنكة
    الواضح أن الهندي هو الكل في الكل في الشركة
    وأن كفيله ماله في المكتب غير اسمه
    تيبيكال سعودي يفتح مشروع ويتركها تمشي بالبركة

  13. loco Says:

    hehe hathy safaryat kelha chethy !!!

    ree7la sa3eeda enshalla !

  14. جريح الصمت Says:

    الحمدلله اني قريت هالموضوع قبل اعتمد تعاملي مع الطيار
    لاني انا على وشك زواج ولو هالكلام الي قريته انا صار لي
    كان جبت العيـد من جد ..
    انا منب رايح شباب او فله معي المدام والله يا انواع البهذله ..

    بالله الي عندة اقتراح لأي مكتب سياحة ممتازة
    اتمنى مايبخل لي بالمعلومات ..

    يعطيكم العافيه ..

    جريح الصمت

  15. watar Says:

    حسام..
    ايش الواحد يسوي؟؟

    loco..
    شكرا لتواجدك

    جريح الصمت..
    هههههه تخيل عاد منظرك وانت متبهدل في شهر العسل؟؟

  16. م. عبدالرحمن عبدالله الخنيفر Says:

    لعل ماحصل معك يعزز نظرية قصور خدمات العملاء عندنا في البلد
    للأسف الفلوس أولا ورضى العميل في سلة المهملات

    تحية طيبة

  17. watar Says:

    م.عبدالرحمن الخنيفر

    للاسف من النادر جدا انك تلقى شركه او مؤسسه تهتم بعملائها،،اهم شي عندهم الفلوس
    شرفتني بحضورك

  18. محمد المغلوث Says:

    Danata و بس !

    أو أنت احجز بنفسك من النت أريح و أضمن و أرخص !

  19. watar Says:

    محمد المغلوث..
    ان اشاء الله المره الجايه

  20. الهواء الغايب Says:

    اول شى أن الخدمات أزفت من الزفت تصدقون اني التصل عليهم من الساعه 11 الظهر الى 5 لعصر ولا احد يرد ماغير ذ الجهاز ينطلني عند كل واحد اكثر من10دقايق ولا حياه لمن تنادي وكلمت 905 وقلت عطني غير هالمرضى وعطاني امرض منهم واخر شي قلت الحمد لله هذا وهم يبون افلوس يسوون كذا ويالجريح مالك الا سيارتك انشهد انها عز والله لو اقعد2ـــ3 ايام وارتاح اصلا الواحد لزم معه سيارته افضل من انك تستاجر

  21. watar Says:

    الهوى الغايب..
    يا راجل خدمات الطيار اصبحت من اسوآ خدمات شركات الطيران و السياحه
    شكرا لمرورك

  22. ميمي Says:

    شركة الطيار لايعلى عليها…..
    بس ابي طريقه احجز عن طريق النت وماضبط معايابليز عطوني الحل على ايميلي…

  23. watar Says:

    ميمي..
    طبعا لا يعلى عليها في السوء من وجهه نظر اغلب الناس.. و ممكن انهم خدموك بطريقه كويسه

    شكرا لمرورك. ،عن طريقه الحجز عن طريق النت ما عندي معلومات عنها

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: