عناوين بايخه

لمن كل واحد فينا بيفتح ايميله اكيد راح يلاقي ايملات عناوينها

تجيب الهم و اسمحوا لي ان اقول انها تدل على سذاجه او

غباء الي رسلها لك. و المصيبه ان اغلبيتها عناوين مالها اي صله

بشي اسمه المنطق وراح اكتب امثله على هالعنوانين

الحق قبل لاحذف.. فنانه خليجيه مصوره بالفيديو في وضع مخل

مقطع لمطوع وهو يغتصب فتاه صغير

ارسل هالايميل لعشره اشخاص وسوف ترزق بمال وفير

امانه في رقبتك ترسل هالايميل ل خمسين شخص

شخص استهزآ بهذا الايميل فتحول الى قرد

صور بنت هيفاء وهبي

صور زفاف الامير او الفنان الفلاني

يا عالم استحوا .. بالله هذه عناوين الواحد يصدقها او

يؤمن فيها.. وكمان ايش دخلكم بصور الناس و اولادهم

و اقاربهم و اللي معاهم.. و بطلوا لقافه.. هذي عناوين

المفروض اللي يفتحها و يقراها يستحي على وجهه و اما

الرايق اللي عاده يرسلها للناس اعتقد انه هو المفروض

اللي يتحول و يصير قرد.

يا عالم ورب العباد استحوا .. ترى والله ضحكتوا الناس

علينا .. يعني لازم نوريهم ان عندنا شباب تافهين و تفكيرهم

زي كدا؟؟

المهم ركزوا في اللي جاي وشوفوا مستقبلكم اللي اتوقع انه

يكون اسود طول ما انتوا ماشين ورى عناوين زي هادي

و السلام ختام

Advertisements

26 تعليق to “عناوين بايخه”

  1. مازن الرمال Says:

    للأسف هذه الصنعة مستمرة يومياً، على باله مرسل الموضوع (مدير الموقع) إنه بيجر رجل مادرى أنه نقص من مقداره ومقدار موقعه…

  2. مضيعه بيتهم Says:

    للاسف لا حياة لمن تنادي

    سولك ايميل للفور ورد
    وايميل للناس اللى توها تتعلم الانترنت >> ضروري جدا هذا الايميل
    وايميل للناس اللى ترسل شغلات مهما
    وايميل للمواقع اللى تسجل فيها وترسل اخبارها كل خمس دقايق 😦

    من جد ما ادري الناس لية ماتقرا الموضوع قبل ماترسلة بصراحة شئ يفقع الكبد
    انا اعاني من هالمشكلة

    الله يخلي delete

  3. جنون رجل Says:

    دونت تدوينه قبل فترة تحت مسمى ” كذبة العصر الألكترونية ” ..

    والرسائل اللي ذبحتنا وهي تقول الأيميل الفلاني اذا ضافك لاتضيفه لانه يخترق جهازك ويسرق باسوردات وفيروس وووو .. الخ

    أستغفر الله العظيم بس .. الله يعين

  4. مراد Says:

    ولله الحمد ما اعاني هالمشكلة وبالي مرتاح مع الجي مايل

    اي ايميل مزعج مجرد تأشر عليه وتضغط Spam ولا عاد راح تشوفه مرة ثانية ابداً

    يبقى الهوتميل وبنك الراجحي وشركة الاتصالات و نوكيا وشماغ البسام على مستوى واحد من التخلف

  5. الإعصار الأحمر Says:

    والله احلا حاجة اني سويت عدة ايميلات واحد ايميل للمنتديات الي ترسل دي الرسائل واي موقع ( منتهي ) يطلب الإيميل
    دا الإيميل افتحو بالآوت لوك كل الأشياء تجي في الجنك ميل 🙂
    وكل ما اشوف رسالة هبلة طلعت من الإيميل اخليها جنك
    وافكر اني ما افتحو ابداً 😀

    اما دولا والله لو تتكلم لين الصبح مارح يسمعو ناس يحسبو الناس راح تدخل مواقعهم عشان دا الإيميل السخيف
    ولا دحين طلعت رسايل الهوت ميل الي تقلك انو راح يقفل ( دي الرسايل من قبل سنتين طالعة وكل فترة تتنسق من جديد 😀 )
    المشكلة انو في ناس ترسلي وانا ايميلي مو هوت ميل !!!!

  6. watar Says:

    مازن الرمال..
    كلامك صحيح وفي النهايه كلنا صرنا بنشكي من اصحاب المنتديات.. شرقتني بمرورك

    مضيعه بيتهم..
    المشكله انهم يرسلون على كل الايميلات..ربنا المستعان

  7. watar Says:

    جنون رجل..
    والله كلام فاضي وماله اي داعي.. نورت المدونه

    مراد..
    اجل خليك على اللي انتا فيه

  8. هذيان Says:

    اعععع ذكرتني
    أأشر عليها كلها مرة وحدة و Delete
    أهم شي اللي يسوون لي فورورد :S

  9. Gdedouy Says:

    الأفضل تستعمل الجي ميل
    لأنه يخلصك من هذا السخام

  10. Frozen Tears Says:

    كأنك حاس على الي يجيني بإيميلي كل يوم 😦
    و الله بلشة!

    و المشكلة انهم ما يكلفون حتى انفسهم عشان يتأكدون من صحة الخبر.. 😦
    صرت اسوي فلترة لكل الايميلات المزعجة .. و آخر الشهر افتحها عشان اوسع صدري و اضحك عليهم بس..

  11. صارخ بصمت Says:

    أبو حميد …

    كلو كوم واللي مسويين فورورد لكل رسالة تجيهم على ايميلك

    بصراحة شي مزعج

  12. watar Says:

    هذيان..
    حل جيد بس يرفع الضغط

    Gdedouy ..
    معليش انا ما اطيق الجي ميل و احس دمه ثقيل

  13. watar Says:

    Frozen Tears ..
    قله حيا و كلام فاضي و تقدر تقول عنهم اي شي في خاطرك

    صارخ بصمت..
    فضاوه وقت و فضاوه عقل

  14. DUBAI Says:

    ارقعهم بلوك و أنا أختك !!

    قهر الا .. !!

  15. watar Says:

    Dubai..
    تصدقي لو عملت لهم بلوك معناها راح اصك على كل العالم اللي عندي.. اكيد قهر

  16. ودّ Says:

    السلام عليكم،
    ايميل أن الهوتميل بيقفل هذا من يوم جا النت للسعودية من أكثر من 10 سنوات وهو بيقفل
    ديليت وانتيهنا لكل هالسخافات
    لكن اللي يحر فعلاً موضوع الاجر اللي بتاخذه لو ارسلت
    والعقاب والوعيد الشديد والتهديد اذا ما ارسلت سبحان الله لمية شخص عشان الاجر

    القضية الثانية … رسائل الماسنجر اوف لاين .. تحولت لنفس القضية
    رسائلة ودعايات كل يوم وتلاقي موضة اليوم دعاء استغفر الله وبكرة تهديد من اللي بيضيفك وبيسرق كل صورك ..

    أكد لى موضوع الايميل الخاص بالمستخدمين الجدد للنت ..زي ما قالت مضيعة بيتهم
    صدق نبي حل لهذا الموضوع من الصفر
    خاصة لما تجيك رسالة من 6 أشخاص لنفس المحتوى بعناوين مختلفة كل مرة
    وكلها بيوم واحد لمدة شهر !!
    يعني حسابياً حد التشبع!!

  17. watar Says:

    ود..
    وعليكم السلام والله يعينك على اللي بيجيك في ايميلك

  18. بدر الشايع Says:

    للأسف الشديد عندما يعجز الشخص عن جذب القراء له بأسلوبه وكتاباته يلجأ لهذا الأسلوب الطفولي …

    تذكرني هذه المواضيع بالصحافة الصفراء …

    كنت قد كتبت تدوينة عن ( الإنترنت الصفراء ) يسعدني زيارتك لها :

    http://www.badr.cc/blog/?p=22

  19. نـبـض الـمـطـر Says:

    أسلوب سخيف للأسف

    دائما ما أحذف مثل هذه الرسائل ولا أفكـر حتى بأن أفتحها أو أقرأ محتواها

  20. watar Says:

    بدر..
    من جد اسلوب طفولي وشرفتني بزيرتك

    نبض المطر..
    يا هلا فيك واحسن شي انك تستمر في الحذف

  21. آلاء Says:

    اتفق معك في كلمة كتبتها …

    دمت بخير

  22. watar Says:

    الاء..
    شكرا لك يا الاء و يسعدني تواجدك

  23. سيران/فلسطين Says:

    تخخخخخلف.. أنا كمان هيك بنشفولي ريقي كل يوم وانا بفتح إيميلي بلاقي متل هيك إيميلات..
    قال مرة باعتين” سارع في نشر هذا الإيميل لأغنك إن لم تنشره سوف تُجزى العقاب الشديد”.. شو هالهبل هاد.. يعني بجد ما بيعرف الواحد شو بدو يحكي..
    مدونتك حلوة.. تعرفت عليها من خلأل مدونة نبض المطر
    بالتوفيق

  24. رجل بلا عنوان Says:

    مرحبا
    بصراحة انا مابلوم اي شخص منهم لان نحنا يلي فتحنالهم مجال من خلال حبنا وتعلق بعضنا بهالعناوين الساخنة الملفتة لنضر وبتمنى اي شخص شايف في كلامي خطأ يكتب تعليقة.

  25. watar Says:

    رجلا بلا عنوان..
    بالعكس كلامك جدا منطقي ويعطيك الف عافيه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: