ذبحني السهر

في ايام الدوام قبل رمضان كنت انام الساعه ٢ الفجر والحمدلله اقوم اصلي

الفجر وارجع ثاني ولمن جا رمضان كنت اصلي الفجر و  انام.. المشكله لمن جا

العيد..من جد جا العيد و صرت انام الساعه ٧ الصباح  .. وجا الدوام و نومي

مو راضي يتعدل.

اتقلب يمين شمال .. اغير المخده ..   نفس الشي. اول  يوم دوام رحت مواصل

و رجعت مو شايف شي قدامي وكنت عامل حسابي  اني راح انام الساعه ١٠

عشان كل شي يتعدل،المهم الساعه ٩ونص جاني نشاط غير طبيعي وما ادري

من فين. و ابشركم نمت الساعه  ٤ الفجر… والى اليوم  وانا في نفس المعاناه

لدرجه اني تعمدت  اني اروح للنادي بالليل عشان اجي تعبان وانام..والمصيبه

اني اجي تعبان ولا اقدر انام.

وكله كوم و الافكار الرهيبه اللي تجي وانا احاول انام..شي في العمل و اشياء

ناوي اني اسويها من زمان و ناسيها..اليوم  لو ما ظبط  ناوي اخد منوم بس

الخوف اني ما اقدر اصحى  بكره بدري من اثار المنوم …او فيه حل  نهائي و

لكنه مدمر…هو اني اتعشى رز و هذا اللي انا موقف من اكله اكثر من شهرين

و اختمها بلبن. ايش رايكم؟اتوقع ان برهوم موافق

Advertisements

22 تعليق to “ذبحني السهر”

  1. عابر سبيل Says:

    والله الخوف انك ما تنام بعدها
    ويجيك النوم الصبح وعاد الرز في البطن ما انهضم !

    تصدق أنا دائما ينصحوني أشرب حليب وعسل عشان أنام
    المشكلة إذا سويتها طول الليل أظل احلم إني أشرب حليب وعسل
    وما أنام نوم مريح !!

    جرب انت وشوف 🙂

  2. ثامر الطويرقي Says:

    وصفة لن تندم بها ..

    (شواطيء الخليج + لبن نادك “كامل الدسم”) ..

    وادعيلي 🙂

    الله يرحم أيام الجامعة بعد تخبيص الاختبارات تلقى المطعم مليان من طلاب الجامعة اللي يسكرون هناك .. 🙂

  3. مضيعه بيتهم Says:

    تغير المخده يعني بيجيك نوم ، مين قايل لك هالمعلومة الغريبة ؟؟

    اسمعني لما مافيك نوم اجلس وقول متواصل بتركيز ( استغفر الله استغفر الله ) بدون ماتفكر بشئ وراح تنام ،، بنت خالتي كانت ترفع رجلها بالجدار على شان يجيها النوم بعدين ” بس تجربة مش مضمونة ” ،،،،
    ترا مرة قريت ان خطر تجبر نفسك على النوم وانت مافيك نوم ، اذا مافيك نوم يقولك قوم وتحرك بالغرفة ..
    بخصوص النشاط اللى جاك الساعه 9 ونص ،، انا مرة كتبت بوست زي كذا وانت اللى رديت على وكتبت لي اذا ماكنت غلطانه ( انة الجسم بعد الساعه 10 ما ادري 12 يرجع لنشاطة ويصير نشيط )
    ،
    انا من خلال تجربة اترك الكمبيوتر قبل النوم بـ 4 ساعات بالقليل ,, وصدقني راح تنام بدري ..

    ترا اللبن يقولون ينوم بس انا ماجيب لي النوم 😦 .. (( يقولون خس مع لبن يجيب النوم على طول ))

    طول النهار بطل تشربة اي كوب شاي ولا قهوة ولا شوكولاته ترا كلهم سبب لطيران النوم ( حتى البيبسى يطير النوم من المنبهات يعتبر )

    اما بخصوص >>> ادري طولتها بس النت فصل ولين مايرجع يحتاج ساعة بالراحة لهذا السبب مافي مانع اكمل كتابة التعليق :d

    الله يعينك انا افكر كيف بعدل نومي 😦 والله مشكلة هالنوم لما يطير 😦 ..

  4. ano0os Says:

    اطرد التفكير دا .. وحاول تنام ،، لو مره حاول مع حبة بندول نايت او حبتين

  5. nOuf.a.s Says:

    يقولون ” ما جربت ” ان الخس والحليب يجيبون النوم والله أعلم !

  6. ana_sokkarah Says:

    هاهاهاهااااااااااي امبيه نفسي بالضبط والله ضحكت من قلب تدري ليش لأن باجر اول يوم دوام من بعد اجازة شهريييييييييييييين لاااا والاجازة برمضان يعني ما أعتقد راح تتعدل النومه حاولت شكثر ماقدرت.. ويا كرهي عالافكار لاجت وقت النوومه اوفييييييييييييييه مرض

    والله يستر بااااجر شكلي باخذ المخدة معاي والزقها بويهي وانام عالمكتب…. لووووووووووووووووووول

    انا ما كنت احب السهر ودايما يسموني الدياية لأني انام بدري… لكن بهالاجازة اللي خذيتها صار العكس بقدرة قادر سبحان الله

    تدري في حل كنت اسويه قبل.. تعرف حبة الحساسية اسمها (زيرتك) هذي تنوووم كنت آخذها لما كان يجيني ارق وكنت 3 الى 4 ايام ما أنام من الارق فلما آخذها تنومني نووووومه ولا أروع بس عيبها ان لما اقوم انثول عدل… هاهاهاهاهااي

    يله وانا اختك الله المستعان

    تحياتي يالغالي

  7. DUBAI Says:

    محمد

    بو حمود

    بو جاسم

    تحب؟!

  8. watar Says:

    عابر سبيل..
    مشكلتي انتي ما اشرب حليب… بس اذا عسل لوحده اوكي

    ثامر الطويرقي..
    وصفتك هي الافضل حتى الان والكل يمدحها وعلى الامتحانات كان الوضع اللي يصير في مطعم شواطيء الخليج انتقام من كل شي
    يخص التعليم و التعليم العالي وكل حاجه في الدنيا

    مضيعه بيتهم..
    الحمدلله دايم استغفر و احب استغفر خصوصا عند النوم بس النوم ماعاد يجي

  9. watar Says:

    ano0os..
    تسلم على اقتراحك و اتوقع اني راح اجربها

    nOuf.a.s..
    ما اشرب حليب بالمرررررره

    ana_sokkarah ..
    الله يعينك و اتوقع تمري بنفس التجربه

    Dubai..
    الله عليك يا دبي.. لو احب كان تزوجت من زمااان. انا فين و الحب فين

  10. نـــ/ــــص تفاحـــهـ Says:

    ههههههههههههههههههههههههههههههههههههه
    اللهـ يعينكـ هالنوم مدري ويش آخرتهآ معآهـ

    شووف آمتنع عن المنبهآتـ ..
    وآتوقع آن اللي معكـ ممكن يكون آرق لآنو حتى آنا في آوقات معينهـ مايجيني فيها نوووم

    الله يعينكـ وان شاء الله تنآم تمآمـ اليومـ 🙂

  11. بنت الروح Says:

    اخوي عندي لك طريقة سمعتها من دكتور يحي الغوثاني
    انك لما تحط راسك على المخده تقول لنفسك وانت مقتنع كل الاقتناع انه الكلام اللي رح تقوله رح يصير ويتحقق باذن الله وتكون متيقن من هالشي
    قول :
    “بنام الحين بكل سهولة وبقوم على صلاة الفجر وانا شبعان نوم”
    وخذ لك نفس عميق (شهيق .. زفير) لمدة 3 مرات
    ونام على جنبك الايمن
    وبس

    طريقة مجربة ونفعت في ناس كثير
    اتمنى تنفع وياك

  12. ابراهيم القحطاني Says:

    ههههههههههههههههههه

    وش ذا الحلول؟

    حليب وخس!!

    وارفع رجلك على الجدار!!

    تبي تنام؟

    سوو اللي قالك عنه ثامر … و طبق الكلام زي ما هو … لازم يكون من شواطئ الخليج … بس انصحك انك تكون ماكله وانت في غرفتك …

    يعني تطلب لك نص حبه سفري … وتروح للغرفه … وتلبس الوزره … وتضرب بالخمس … وبعدها استرخي … لا تقوم تغسل يدك … خلك عشر دقايق

    الا ان تبدا تحس ان الدم ما يوصل الى راسك وتحس بدوخه …

    وقتها قوم وامشي شوي شوي وغسل يدك وارجع للسرير وبرضو شوي شوي …

    وسلم لي الأحلام الخايسه اللي بتحلم فيها 🙂

  13. watar Says:

    نص تفاحه..
    اي منبهات واي خرابيط.. ماصار النوم يجي يا بنت الناس

    بنت الروح..
    فشلت هالطريقه معي

    ابراهيم القحطاني..
    والله انتا الخبير واللي فاهم فيهم كلهم..هذي الطريقه الوحيده اللي تنفع وفي اي وقت حتى لو كنت شبعاااااااااااان نوم.. تسلم يا بعدي

  14. هذيان Says:

    عد الخروفات : P
    والله مدري ممممم
    اشرب شاي وقهوة ..! 🙂
    أبوي يشربهم من هنا ويحط راسه من هنا
    عكس الناس يا ساتر :S

  15. watar Says:

    هذيان..
    هههههه .. شكلك تحبي الذبايح و خبيره فيها من كثر العد..وربي يطول بعمر والدك

  16. مضيعه بيتهم Says:

    طيب لما يجيك النوم وتنام وفجاءة يرن الجوال وترد ويطلبون منك شغلة لازم تقوم تسويها ويطير النوم
    كيف يرجع مرة ثانية ..!!

    لما تجرب الطرق المكتوبة بالتعليقات سو تحديث للبوست واكتب طريقة

    وترا لازم كل مرة تغير الطريقة لان الجسم مايصير يتعود ع طريقة وحده يصير عنده مناعه ..

  17. watar Says:

    مضيعه بيتهم..
    اذا نمت اطفي الجوال ولا ارد على احد. افضل طريقه طبعا هي طريقه برهوم في مطعم شواطيء الخليج
    وراح اكتب عن هالتجربه

  18. الإعصار الأحمر Says:

    طيب والي في جدة

    من فين يجيب دا المطعم ؟؟

  19. watar Says:

    الاعصار الاحمر..
    روح البيك

  20. العائِشَة Says:

    تبي تنام !
    شيل مخدتك وغطاك
    وروح انسدح عند التلفزيون والعالم نايمه شوي شوي تصحى تلقى صباح وشغالتكم تقول يله قوم يبغا ينضف صاله 😀

    جيت متاخر 😛 ان شاء الله انحلت المشكله

  21. watar Says:

    العائشه..
    خلاص نمت و الحمدلله

  22. soso Says:

    انا ابي شي يقلل النوووووووم
    ونوم العافيه ياوتر هع

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: