الين متى

الفقره هدي كان اسمها الى متى بس قلت لازم ارجع و اسميها بلهجتنا

الحجازية الحلوه ويعني حيصير اسمها الين متى؟؟ يلا نبدآ و بسم الله

الين متى  وبعض الحريم لمن ازواجهم  يبغوا يمسكوا يدهم في الشارع

يقولوا عيب؟

الين متى وبعض الرجال يسوي انه جنتل مع الناس الغرباء ومع اقاربه

تعامله زي الجزمه؟؟

البطاقة اللي  تسحب فيها فلوس من الصراف اللي مالي كل  الشوارع

اسمها بطاقة الصرف او السحب الالي.. بس الين متى كثييييييييييييير

من الناس يسموها صرافة؟؟؟

الين متى والشباب  لمن مثلا يتفقوا  يروحوا  يتعشوا في مطعم ايطالي

تلاقي فيهم واحد يعارض بقوه و يبغى يتعشى معصوب؟؟؟؟  ( ترى

ما اقصدك يا مستر معصوب )

الين متى والبنات مستمرين في الفشخره و احنا بس نتفرج… نتفرج

ايه..فيه كمان رجال ينافسوا البنات و الحريم في الفشخرة.

الين متى و كثير من الحريم والبنات تلاقيهم في عز اناقتهم اذا رايحين

جواز او عزيمه ولكن  اذا كانوا في البيت و قدام رجالهم يكونوا بمنظر

ما يعلم فيه الا الله سبحانه و تعالى.

الين متى والكلاب جالس يزيد عددها في الممشى اللي ورى الشيراتون

في جده عشان كل بنت تتدلع كلبها و تناديه .. بوبي حبيبي تعال

.

.

يا ولد هات الشيشه

Advertisements

18 تعليق to “الين متى”

  1. asma Qadah Says:

    ههههههه اول مرة ادري انو في ناس تسمي بطاقة الصراف صرافة خخخ يلا معليش يامحمد اختلاف ثقافات ولهجات 😛
    مكاية الكلاب مقرفة! مدري كيف مايقرفوا منها يعععععع

  2. تركي يونس Says:

    الين متى وبعض الحريم لمن ازواجهم يبغوا يمسكوا يدهم في الشارع
    يقولوا عيب؟

    انا أظن العكس لأن الكثر من النساء يتمنين أن يمسكها زوجها في الخارج والرجل يعب ذلك

  3. شخص ما! Says:

    يكفينا انتقاداً .. نريد حلولاً

    لنبدأ بتعديل سلوكياتنا بحبّ 🙂

    شكراً لك

  4. ماجد Says:

    اعتقد الى ان يجد غيرها ثم ستبحث عن كلتا يديه..
    شكرا لموضوعك ..

    ماجد
    مدونة لعيون لين
    http://www.majedlife.com

  5. أرطبون,, Says:

    تبغى مستر معصوب يزعل عليك ؟ 😀

  6. watar Says:

    آسما..
    مشي حالك ويا كثر الاشياء اللي عندنا وتلاقي لها مليون اسم

    تركي يونس..
    والله ماعرفنا لا للرجال ولا للحريم.. مشي حالك

  7. watar Says:

    شخص ما..
    نقدر نطرح الحلول بس صدقني ان المشكله ان الناس للاسف اصبحت ما تتقبل
    اي نصيحه او حل لضيق النفوس و الاخلاق.. ربنا يعين

    ارطبون..
    كله الا مستر معصوب.. ترى عزيز وغالي علينا

  8. مريم النقيب Says:

    جميلة جداً 🙂

    صحيحـ أنـ الموضوعت لمـ يطرحـ حلولـ واقعية ظاهرة
    لكنه بطريقه غير مباشرة ووصلتـ بجدارة..

  9. watar Says:

    مريم..
    تسلمي والله و اهم شي عندي وصول المعلومه و المقصود للقراء

  10. senoritalm Says:

    (الين متى وبعض الحريم لمن ازواجهم يبغوا يمسكوا يدهم في الشارع
    يقولوا عيب؟)

    هذي العكس صدقني 🙂

    (الين متى وبعض الرجال يسوي انه جنتل مع الناس الغرباء ومع اقاربه
    تعامله زي الجزمه؟؟)

    الين مالاقرباء مايتكلمو معاه الا لما يصير جنتل

    (البطاقة اللي تسحب فيها فلوس من الصراف…. يسموها صرافة)

    هذي مالها حل صدقني

    (الين متى والشباب لمن مثلا يتفقوا يروحوا يتعشوا في مطعم ايطالي
    تلاقي فيهم واحد يعارض بقوه و يبغى يتعشى معصوب)

    الين مايخلونه لحاله يروح

    (الين متى والبنات مستمرين في الفشخره و احنا بس نتفرج… نتفرج
    ايه..فيه كمان رجال ينافسوا البنات و الحريم في الفشخرة.)

    الى مايصير عندنا شعب ثقافته ونظرته للشخص مو من هندامة بل من شخصه واخلاقة

    (الين متى و كثير من الحريم والبنات تلاقيهم في عز اناقتهم اذا رايحين
    جواز او عزيمه ولكن اذا كانوا في البيت و قدام رجالهم يكونوا بمنظر
    ما يعلم فيه الا الله سبحانه و تعالى.)

    الين مايقولها تزبطي ولا بتزوج عليكي|…… او الين تلاقي في زوجها شي يخليها تكشخ له لووول

    (الين متى والكلاب جالس يزيد عددها في الممشى اللي ورى الشيراتون
    في جده عشان كل بنت تتدلع كلبها و تناديه .. بوبي حبيبي تعال)

    ياشيخ عيش رجب وشوف عجب

    :):):):)
    .

  11. watar Says:

    senoritalm..
    ينصر دينك و ياهلا بك

  12. ودّ Says:

    الحركة الاولى لماذا؟
    هل يجب أن يمسك يدها أمام كل الناس؟ عشان يثبت أنه يحبها ؟
    انا ماحب هالحركة ابد ..

    اما الصرافة أول مرة أسمع التعريف لهالكلمة ..

    وعشان أنتم للحين تتفرجون البنات تستمر بالفشخرة .. بطلوا التفرج يبطلون فشخرة ..

  13. watar Says:

    ود..
    مو شرط انه يمسك يدها معناها انه يحبها..بس اعتقد ان الزوجه راح تحس بحنيه الزوج او قربه لها لو مسك يدها

  14. indoo Says:

    هههههههههه

    وتر اسلوبك ف النقد ماشاء الله رهييييييييب .. و تجيبها صح .. 😀

    منجد لين متى ..؟؟

    منتظره الاجزاء الباقيه .. قسم بالله اقرى و انا ميته ضحك // يقولون شر البليه ما يضحك

  15. watar Says:

    indoo..
    تسلمي كلك ذوق

  16. الى متى !! Says:

    والله العظيم

    موضوع سخيف جدا .. !!

    نعم سخيف .. !!

    تركت كل المواضيع ورحت للصرافة والمعصوب والمطعم الايطالي ؟!

    طيب اتكلم على طيحني .. الكدش .. الترقيم .. المصخره .. السربته .. الشرب .. الرقص .. !!

    جاي تتكلم على البنات ماسكين كلابهم ولا على الحريم يقولو عيب عشان زوجها لما يمسك يدها !!

    هذا تفكيركم يا عرب وربي مستحيل تتقدمو ..

    تفكيركم في الحظيظ ومستحيل تتطورو ..

    فكر فكر فكر .. شوف موضوع يشفعلك يوم القيامة .. يوقف معاك .. اتكلم عن الصلاة عن المصخره اللي حاصله .. مو تتكلم عن الممشى والمعصوب ..

    وربي شي يقهر .. لا ومتعب نفسك كمان ..

    يمين بالله عمركم مارح تتطورو ..

    آسف على الكلمة اللي رح اقولها

    لكن ” ماعندك شي ” وصدقني ولا كأنك سويت حاجة ..

    وعلى فكرة وربي لا اعرفك ولا تعرفني بس شدني هذا الموضوع وياريتني ماقريته .. عفوا رح اقفل صفحتك لاني توقعت اشوف شي يفيدني ..

    ســــــــــــــــPEACEـــــــــــــــلام

  17. Hamadh Says:

    والله انك صادق يابو الحق ^^

    شوف هذا البوست

    http://wp.me/pClJr-1X

    في امان الله ..

  18. watar Says:

    Hamadah..
    حياك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: