سيول جدة

كان يوم الاربعاء ٢٥ /١١ من  اسوآ الايام اللي مرت على جدة و على وطننا الحبيب

الامطار كانت طبيعيه ولكن اللي ماكان طبيعي هو اللعـب اللي حصـل  في  شبكـات

التصريف والنصب اللي حاصل من زمان وجائت هذه الامطار و فضحت كل شيء.

ناس غرقت و ماتت .. الشوارع غرقت ..  السيارات فوق بعض و كل شخص شاف

مناظر يمكن محد شافها الا في الافلام السينمائية.

بكت  جدة و  بكت قلوبنا  واحنا نشوف  جدة بتغرق والناس  غرقوا معاها  .. و كل

مسئول نايم في العسل ولمن صحوا كل واحد صار يلقي اللوم على الثاني.

الشباب  و البنـات في  جدة ماقصروا وصار تجمعهم كل يوم في مركز المعارض و

يجمعوا  التبرعات العينية عشان  يوزعوها  على الناس ا لمنكوبة و  رغم التـعب  اللي

هـم فيه تيخلوا يجـوا ناس  بدال ما يسـاعدوهم و هـم في  امس الحاجة الى اي يد

تمـتد عشـان تساعد.. نلاقي هذه الفـئه اللي محسـوبة على الدين  بتـحاول  تخرب

علـى الشبـاب و البنـات في مساعـدتهم للناس..  هل هذا  من الدين؟؟ انك تلاقـي

ناس فـي امـس الحـاجة للمساعدة و تـروح تخرب علـيـهم و تشـوش علـيهم  فـي

عملهم؟؟ مصـيبه ثـانيه اننا  بنـشوف ناس بدال ما تـدعي  الله انه  يخفـف  علـى

المنـكوبـين و يصـبروا اهل المتـوفين بنلاقيـهم يقـولوا يسـتاهلوا اهل  جـدة  لانـهم

اهـل الذنـوب و الـضلال .. لاحـول  ولا قوه الا بالـله ..   بس اعـرف ايـش  اللـي

قاهـرهم في اهـل جـدة؟؟ اهـل جدة اهل  خير  و محبـة و عـمرهم ما كرهوا احد

وفي النهايه يجوا المتخلفين يقولوا هذا الكلام؟؟

اللهـم  ارحـمنا  برحـمتك  و اسقـنا سقـيا  رحـمة  لا سـقيا عـذاب و اصـرف عـنا

الوباء و ارحمنا برحمتك يا ارحم الراحمين.

Advertisements

رد واحد to “سيول جدة”

  1. فتاة الأمل Says:

    السلام عليكم

    من زمان عن مدونتك .. الله يرحمهم برحمته شفت الفيديوهات في اليوتيوب وهالني ما رأيت ..
    الله يصبركم وإن شاءالله ترجع جدة أحسن من أول جدة تذكرني بدبي ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: