Archive for the ‘احساس القصيد’ Category

اشتقنا ياحلو

ديسمبر 10, 2009

اهداء لجميع زوار المدونه و اهداء خاص للاخ الغالي المدون / صارخ بصمت

Advertisements

الاجر عند الله رب العالمين

مارس 13, 2009

من حط ثقله و ارتحل فوق الهزيل

ما يبلغ المقصود و الدرب الطويل

طبع الهزيلة تنحني تحت الثقيل

يوم البكر تظهر و معدنها يبين

ما بنفعك بالاجل وارضى بالغرام

و الاجر عند الله رب العالمين

اشكال فيها تنخدع مثل السراب

تنغر في الخارج وفي الداخل خراب

لا تخدعك ذيك المظاهر و الثياب

مهما تزين ولبس الغالي الثمين

ما بنفعك بالاجل وارضى بالغرام

و الاجر عند الله رب العالمين

كلمات:تراث

آغيب

يناير 30, 2009

آغيب وذل طائف لا يغيب  .. وآرجوه رجاء لا يخيب

وآسآله السلامه من زمان  ..  بليت به نوائبه تشيب

و آنزل حاجتي في كل حال .. الى من تطمآن به القلوب

فكم لله من تدبير امر  .. طوته عن المشاهدة الغيوب

وكم في الغيب من  تيسير عسر .. ومن تفريج نائبة تنوب

ومن كرم ومن لطف خفي  .. ومن فرج تزول به الكروب

ومن لي غير باب الله باب  .. ولا مولى سواه ولا حبيب

كريم منعم بر لطيف ..  جميل الستر للداعي مجيب

حليم لا يعاجل بالخطايا .. رحيم غيث رحمته يصوب

فيا ملك الملوك آقل عثاري  .. فآني عنك انآتني الذنوب

وآمرضني الهوى لهوى لحظي ..ولكن ليس غيرك لي طبيب

فآمن روعتي و آكبت حسودا  .. فان النائبات لها نيوب

وآنسني بآولادي و اهلي  .. فقد يستوحش الرجل الغريب

ولي شجن بآطفال صغار .. آكاد اذا ذكرتهم اذوب

ولكني نبذت زمام آمري  ..  لمن تدبيره فينا عجيب

هو الرحمان حولي و اعتصامي  ..به و اليه مبتهلا آتيب

الهي انت تعلم كيف حالي  ..  فهل يا سيدي فرج قريب

فيا ديان يوم الدين فرج  .. آمورا في الفؤاد لها دبيب

وصل حبلي بحبل رضاك وانظر الي وتب على عسى اتوب

وراعي حمايتي وتولى نصري .. وشد عراي ان عرت الخطوب

والهمني لذكرك طول عمري  ..  فان بذكرك الدنيا تطيب

وقل عبدالرحيم ومن يليه  ..  لهم فيه في رآفتنا نصيب

فظني فيك ياسندي جميل .. و مرعى ذودي امالي خصيب

وصلى عالنبي  و آله ما ترنم في الآراك العندليب

كلمات الشاعر : عبدالرحيم البرعي

قصيدة ….لعيونك

نوفمبر 10, 2008

لعيونك اللي علمت قلبي الطيش

و البسمة اللي نورت لي مكاني

ورموشك اللي كنها للعدو جيش

اني لآخلي الليل له شكل ثاني

دامك وصلتي و الحكي صار بشويش

وشلون انا ما اقول شعر و اغاني

طفل المشاعر بيننا عله يعيش

يلقى له ام تحرسه و اب حاني

وش لي دخل بالنوم و وسادة الريش

مادام حضنك ضمني و احتواني

طيفك يشاركني على لقمة العيش

ان مالقيته في المحاني لقاني

و العاذل اللي قال لي قلت له ايش؟

رح رح ترى مالك لوى يا آناني

تبغاني انساها وانا احبها ليش؟

من جدك انساها و آضيع زماني

.

.

كلمات الشاعر المبدع..فيصل اليامي

عبدالله دبلول

سبتمبر 17, 2008

الشاعر عبدالله دبلول.. من شعراء مكه المكرمه

وعن نفسي يعجبني كثير و اليوم اخترت لكم

هذي القصيده بعنوان نسمه حلوه.

نسمة حلوة جات في بالي

يا زقاق بيتنا القديم

نعنشت بستان خيالي

بريحة النبق و النيم

لما كنا صغار و دقة

و كانت حالتنا طينة

و نحن نلعب في الأزقة

و لا أحد يسأل علينا

هادا قرصتو بقه

و عمال تهرشلو أمينة

و هادا في جيبوا بقعة زرقة

واصلة لحد الفنيلة

و هادا ماسك أم طقة

يسئلها نروح المدينة

و دا ماشي و في توبه قلقه

و كائنوا كان جالس في كينة

و دا يلحس حمر في ورقة

و البحر خلا طحينة

و دا يلف في مرقة

و فمه شغال زي الماكينة

و دا شايل على راسه شقة

يخبزها لخالة حسينة

و هادا متشعبط في سقا

سألوا متى رايح تجينا

و دا عمال يحنجل على عمره ابن الذينه

قال بيلعبلي بربر تقول في رجلو غرغرينة

و عيال عمال تزعق

يا مطرة حطي علينا

و حمرة من الروشان تبربر

انكتم عساك القرينة

و دول في لعبة أودام

و دول في استوت المقادم

و دا شبر ماد البراطم

و مسوي شوطة و ازعرينه

و دول في طبيش الأعمى

و هادا يجري ورا الكلاب

و دا في البازار يستحما

حتى ما تشوف امه الهباب

و دا يبغى يقلبها ظلمة

يحرش مين يكش التراب

و دا مسوي صياح و رجة

و دا كب دقيق حجة

و هادا بيسبسب في كنجة

مع أنه زي الغراب

و هادا بيلعب برجون

و هادا جاب بالكورة قول

و هادا خوف من العيون

لبسوه أهل حجاب

و دا ماسكله جنط

يجرى ورا بحديدة

و عمال ينقز و ينط

و شبب و فردة و فريدة

و دول في طيري طار

و دول ينطوا فوق أشبار

و دا راكب فوق جريدة

قال مسويها حمار

و دا بيطقطق أقر

و هادا بياكول لنقطة

و هادا بيغمس في شرش

و الحكاية ملخبطة

و هادا من قوة بطر يبغى ياكل لغمطة

و شيبة زورو انشقر

سيب يا واد الشعبطة

كنت تشوف الحكاوي

و اللي يمشوي السقاوي

ياكل كل يوم علقة

عشان يطلع شقاوي

اشتقت يا زقاقنا لجارك

لكل مين دعساك و زارك

اشتقت للوزك الهندي

اتشعبطلو أشجارك

و هادي نسمة خفيفة

من حياة حلوة و لطيفة

صورة من الماضي الكريم

في زقاق بيتنا القديم

رساله لعاشق

يوليو 19, 2008

ربي يعينك دوم يا ابو يزيد

و المفارق يا اخوي ربي يعينه

ادري ان الشوق ناره تقيد

و المحب لابد يداري ظنينه

اذكر ربك دوم القوي الشديد

رب العباد اللي محد يعينه

محب لأغلى الأمل و الشوق الجديد

في زمانه و ايامه وسنينه

عسى ربي يمدك بالعمر المديد

ولا تصغي لكلاب الزمن و ملاعينه

غن و اقترب و امسك الايد

و اغرف من بحور الحب وتلاوينه.

رساله خاصه الى الغالي

محمد مردوف

صبري

يونيو 6, 2008

الا يا مطوله صبري اذوق المر من كاسه

الا يا كم قسى دهري علي و كم قسوا ناسه

تهنى من سلى قلبه.. مشى كل على دربه

و طيت الشوك انا وحدي .. ولا قبلي احد داسه

احد مثلي بكى دمه..بكى دمعه ولا فاده

احد مثلي قسم همه..معه في شربه و زاده

الا من قد صبر مثلي؟ وانا في حالتي مبلي

و قر الحظ من صغري.. معي للحين هو عاده

على الله يا بقى دمعي.. محد غيرك وفى ليه

جفوني كل اهلي و ربعي وانا مقفي على النيه

يا دنيا لو على قلبي.. احبك بس وش ذنبي

رضيا انا بردى حظي و حظي ما رضى بيه

كلمات : علي الغدير

قصيده.. رساله

مايو 23, 2008

اطلب اللي تريده من عدن و المكلا

و اطلب الدم اللي باقي معي في الشرايين..

قامتك غصن يسقونه  على نهر دجله

ساجي الطرف سنك تحت خمسه و عشرين

كل شي فيك زين وانت من الزين احلى

يخضع الزين لك يا سيد كل المزايين

خذ عيوني ولا حاجه على الزين تغلى

انت اغلى من الغالين يا سيد المحبين ،،ساجي الطرف سنك تحت خمسه و عشرين

كل ما جيت عنده ،قال اهلا و سهلا

غايه القلب لا قد شاف سيد المظانين

وان بلقاك خلى القلب ،،يفرح و يسلا

قل لابو بكر،، ابو بكر سالم..تاليتها الى الطين

خذ عيوني ولا حاجه على الزين تغلى

انت اغلى من الغالين يا سيد المحبين

كلمات : بن عبود ،،،  اهداء الى الفنان الكبير ابو بكر سالم

هدووووء (قصيده )

أبريل 25, 2008

هدووء ..سكون..صمت شاحب

لارفيق..لا صديق ..لا صوت صاحب

مدري لوين راحوا الناس

يم الجفى او يم الاحساس

حتى الدموع في العيون ذبلت

حتى الظنون في الجروح كبرت

ياغربه الروح..قولي وين اروح

في عيني سراب و في همي وضوح

يا صمتي الساكن في جرحي العتيق

ضاع السفر ..لكن باقي الطريق

ما بقى غير الخوف.. يونسني

صوت الماضي بوجودي ..يذكرني

ما بقى لي انا .. الا انا

و اففف ..كلها هم و عنى

كلمات الشاعر : محمد عبدالرحمن

مارس 1, 2008
ايش با يقولون لك عني الاعادي…كلام ماله اثر
ما قصدهم شي سوى عثره جوادي..حاشى علي ما اعثر
مازلت واقف على عهدي محادي.. حافظ ودادي
و خير الناس اللي هم يحفظون الوداد

قصيده

ديسمبر 15, 2007

شعار دنياي الصبر و شعارها الدنيا كفاح

لا قلت يوم و تستوي ..مرت سنين وما استون

والله اني مقتنع باللي يصيب من الرماح

اصغر رماحك صابني يوم اكبر رماحك طعن

وفوق هذا ما سلمت.. انا اسمح ولا القى سماح

كل يمن بجيته ..حتى الدمع لا جاء يمن

ــ

ابوس راسك يا زمن..ماعاد فيني للجراح

خلاص يكفيني أسى .. ابوس راسك يا زمن

يا مكثر ذنوبك معي .. ما كل ذنب لك يباح

لامن زعلت وش تستفيد.. وش مكسبك من ذا الحزن

ــ

استسلمي يا عزتي لا صارت ايامي سلاح

كان نفسي اسعدك بس الليالي طولن

حاولت انا اشعل شمعتي بس المصيبه في الرياح

لاهي باللي نورن.. ولاهي باللي انطفن

ــ

اخترت في الدنيا ثلاث..الستر وانصاف وصلاح

و كرهت في الدنيا ثلاث .. لا و لايمكن و لن

وحبيت في الدنيا ثلاث الفن وامي و الصباح

و حلفت لا ما اخون الثلاث انتي و جاري و الوطن

ــ

من كلمات الشاعر القدير مساعد الشمراني

و لحنها و غناها الفنان الكبير علي بن محمد

قصيدة

نوفمبر 9, 2007

على الله العوض

  

آه منك.. ومن حبك.. يا عمري وش كثر عانيت

آه مني و من شوقي و من صبري ولا مليت

وناديت..ناديت..على الله العوض ان كان مارديت

عيوني لعيونك عطش عطشانه

وقلبي لو بيده شرى نسيانك

اتلهف وانت نجمة هناك

وانا في ارض الهوى اهواك

وش كثر راح الربيع و رد

وش كثر يسأل عليك الورد

 و ناديت..ناديت..على الله العوض ان كان مارديت

حبيبي يا حبيبي تحريتك كم تحريت

تمنيتك تمر مرة.. تمر مرة على البيت

و علقت الفرح زينة علي البيبان

تمنيتك تجي من آخر النسيان

وش كثر راح الربيع و رد

وش كثر يسأل عليك الورد

 و ناديت..ناديت..على الله العوض ان كان مارديت

——

 

من كلمات الشاعر الكويتي الشهيد

فائق عبدالجليل

 

 

قصيده

أكتوبر 15, 2007

 

ما افتهم لي .. ليش تقصد تعدي في الملاوي وهي قدامك الجاده

 

 

 ما افتهم لي في سياسة حكيمة منك..ولا شقاوة عقل و معانده

ويش يفيد التمادي في عنادك؟؟

في الملاوي اذا خلصت زادك

الملاوي تشيل كل ما كسبته لها

وتقول هل من مزيد

الهوى عاطفه ماتقبل التهديد

لا تبدل بديل الاصل تقليد

مافتهم لي انت مثل البشر او عاد شي فيك طلعه على البشر زايده

ما افتهم لي ليش تترك طريق الناس وتمر في عصرات متباعده

با تكيد للذي ما يوم كادك

رد نفسك وقصر في بعادك

كل ماجيت باقربك قاطعتنا وبعدت مني بعيد

لاتبدل بديل الاصل تقليد

ما افتهم لي ساس مبناك ماكن في الهوى او سواسك مالها قاعده

ما افتهم لي ليش تنده كده وانت عروقك قوى في المظلعه ماده

كل ماهب شعف الخرف نادك..كل مامر قانص صيد صادك

كيف يتصيدونك وانت لي كنت في كل المغازي تصيد

لاتبدل بديل الاصل تقليد

ما افتهم لي إيش كلمتي عندك عادها مثل ماكانت زمن نافذه

ما افتهم لي عادك اتحبنا ولامحبتك لي اغراض ومزايده

لانت ناصح بود اظهر ودادك..واذكر القلب لي حبك ورادك

واستمع لا تخلي كلمتي واقفه في الحنجره والوريد

لاتبدل بديل الاصل تقليد

——–

 

كلمات الشاعر الكبير حسين المحضار رحمه الله

 

 

 

 

 

 

 

 

قصيدة

أغسطس 28, 2007

 0042.jpg

لا اقبلت دنياي كثروا لي الصحاب..ولا ادبرت ويلاه وينك يالرفيق

  —

لا اقبلت يفتح بوجهك كل باب..ولا ادبرت خلوك في نص الطريق

 —

لا شكيت الحال كل جا يلوم..لمين باتشكي وكل به هموم

 —

اللي كرهك اليوم كان بالأمس حاب..كان لك صاحب ولك خل وشقيق

وينه عنك اليوم وين اليوم غاب..خلاك في همك و لوحدك غريق

اختفى كالنجم مابين الغيوم..لمين باتشكي وكل به هموم

لو حسبت الأمس باكر له حساب..والزمن مرة وسع ومرة ضيق

لا صفى لك ناولك احلى شراب..ولا تعكر صرت في هم و حريق

عيش في الدنيا وباتجيك العلوم..لمين باتشكي وكل به هموم

لا اقبل رفعوك الى فوق السحاب..و القمر والنجم صاروا لك عشيق

ولا انورت حطوك عنوان الكتاب..ولا اظلمت يضيع في الظلما البريق

لا يدوم الخير ولا الشدة تدوم..لمين باتشكي وكل به هموم

كلمات الشاعر: المحب

فخر الأجيال ( القصيدة الخامسة )

أبريل 15, 2007

سمو الشيخ حمدان بن محمد بن راشد آل مكتوم …هذا الشبل من ذاك الأسد ..

يمشى على خطى والده الشيخ محمد بن راشد آل مكتوم ..تجرع منه حب الوطن..

حب دبي.. حب الخير ..الشعر يمشي في عروقه مجرى الدم..وعلى نهج والده في دعم الشباب ..

و حفظ التراث..حمدان بن محمد.. فزاع..هذي قصيدة من اروع القصايد اللي كتبها فزاع في مدح

والده ، واعتقد انه مافي شاعر مدح والده في مثل هذا المستوى

الذي بينت مقدار الحب لأبيه و الاعتزاز بالأب كقدوة ليس لها مثيل.

على وصف الرجال اللي تسمى بالأفعال رجال

                                       لفت بيض العلوم وبيض الله وجه راعيها

لفت ما كنها الا سبق الخيل ان بدت تختال

                                         نواصيها النعوت وفي مناكبها ..قوافيها

قصايد والقصايد ما نساومها بجاه و مال

                                           نعب بحورها وان هاج مزملها نرسيها

اذا امتد الفكر و امتد ليلي والقصايد و طال

                                       توشحت الشوارد و لبست الأشعار غاليها

كذب من قال ساعفني عليها الجن يوم تقال

                                         انا البس جنها اصدر مواردها و ارويها

انا ولا فخر نجل الشامخ المتمرس الريبال

                                      على وصفه تجاريني القصايد قبل اجاريها

على محمد بن راشد ال مكتوم طاب الفال

                                        وطابت لي قبل لا الزم قوافيها…معانيها

متى قالوا صواريها المعاني ما هناك اشكال

                                          حرام اني لمد شراعها لأكبر صواريها

على اكبر منبر ارميها ثنى وفخر وعز و اجلال

                                    مادام ان الثنى لأهله على اكبر منبر ارميها

لأجل قرم غرس حلمه لشعبه و اثمرت آمال

                                             حقايق نبصر اولها ونتباشر بتاليها

حقايق واضحه من دون ابو راشد صعب تنطال

                                          تباركها القلوب و تبهر الناظر مغانيها

معانيها تراود كل عطر ما خطر عالبال

                                      و اراضيها يراود كل عاشق فوق ناديها

اراضيها الخزامى و النفل والبختري و الهال

                                  وما يخطر على البال العطر يزخر بأراضيها

ولي فيها محب اسرف على قلبي و حط و شال

                                   طلب روحي وروحي منه فيها اللي يكفيها

من اول ما عرفته والضلوع تجر له موال

                                         ولا ادري نيته بضلوعه وش تواليها

انا محتار مابينه وبين دبي بالمثقال

                                        يا اما دبي له تحلى او انه هو يحليها

او ان دبي تحلا لان ابو راشد لها خيال

                                   نعم والله و تسبق خيلها من سبق واليها

دبي العز من طيب النسايم عودها ميال

                                تمسي صاحب القدر و نحن باسمه نمسيها

صدى داره بشرق وغرب وجنوب التقى و شمال

                                 قبض الاربع جهات يلين داره ذاع طاريها

طغى عزمه على وعر الدروب وله غدت مسيال

                               تسيل الأرض لاقدامه و تفتخر من مواطيها

غريبه كيف جادت به سنينه والسنين بخال

                              و الاغرب كيف تظما له وهو بالجود يسقيها

لو ان المجد سهل ان كان طال منه ونال

                                دروب المجد و دروب العلا صعبه مراقيها

طويل العمر ما جيت اعتزي في وصفك الامثال

                                            ولكن المثايل تعتزي بك و البيها

يا ابوي ابشر ترى شبلك توارث عن مداه اشبال

                              وثب فوق الدروب و سابقت رجله خطاويها

ورث عزمك و حزمك والخصال تجر طيب خصال

                                    مواثيقه على طرق المكارم بك يجديها

اذا شد الفخر لاجلك رحالة قمت اشد رحال

                            على نهجك عشان افرد رحاله وارجع اطويها

واذا قالوا من ادرى بالحصى والوزون ثقال

                              عرفت ان الوزون ثقال وانت ادر بحصابيها

على الدنيا جدال الا انت ماعليك جدال

                                 مع ان يديك يجادل كل وادي سيل واديها

لو ان السحب تنشأ من كفوف امست عليك ظلال

                            و خرت ساجده لأهل الثرى من جود منشيها

مكارمك المكارم والعطايا من بحرك جزال

                             لو ان السفن تجري في يمينك ضاع شاطيها

يمينك لاحت وابرقت و ابطت وهي تنهال

                                   ولا والله تدري عن يسارك كم معاطيها

وكم رجل بصدره حاجه و جاك وقبل لا يسال

                              عطيته ..كانك ادرى بالصدور وسر خافيها

وكم حلم سبقته كان في عين الزمان يحال

                                  تقول المقبلات افضل عليك اسرا باريها

يقولون اختصرت اجيال واقوا انته فخر الأجيال

                             اذا الأجيال ما تفتخر بك..من هو يفتخر فيها