Archive for the ‘خاطري المكسور’ Category

الدكتور محمد عبده يماني .. في ذمه الله

نوفمبر 14, 2010

رحلت عنا .. في غفلة

كلما اذكرك .. اراك في مخيلتي مبتسما كعادتك

بسيطا .. محبا لجميع الناس .. مخلصا لدينك و وطنك

رحلت عنا .. ولم نخبرك كم نحبك يا دكتور ..

نسآل الله ان يكرمك في دار الاخرة و ان يرحمك برحمته

الواسعه التي كنت دائما تحكينا عنها..

رحمه الله عليك

البريد وما ادراك ما البريد

أغسطس 13, 2010

قبل حوالي شهر طلبت من احد الاصدقاء في جدة ارسال بعض

المجلات لي في مدينة الخبر ، و الكارثة العظـمى انه رسلهـا

عن طريق البريد الممتاز. تخيلوا المفروض انها توصل في اليوم

الثاني ولكنها وصلت بعد ١٧ يوم بالظبط.. هل العيب في نظام

البريد او العيب في الموظفين ؟؟ و للمعلوميـة العنوان و ارقـام

التلفونات كلها صحيحه.. في انتظار الاجابة منكم يا سادة

اللقافة

يونيو 27, 2010

انت ليش ما تغير سيارتك؟؟

غريبه ليش ما سافرتوا في الصيف؟؟

عيالك ليش ما تنقلهم مدرسة غير اللي هم فيها؟؟

مليون سؤال و سؤال الناس يوجهوها لبعض و السبب معروف وهو حب اللقافة.

اللقافة هي حب التدخل و معرفة كل الاشياء الخاصة بآي شخص او محـاوله

التدخل في شئون الاخرين. اليـن متى و العالم تتدخـل في امـور الناس و تبدي

رآيهـم حتـى لو محد طلب منهم ابداء رآيهـم ؟؟ هـل هـو مرض او داء ممـكن

نلاقي له اي دواء .. و لا هو من ضمن الصفات الوراثية اللي نتوارثها من ابائنا و

اجدادنا زي الشكل و الاخلاق؟؟

طيب اهم سؤال ليش احنا العرب مشهورين باللقافة بينما الاجانب كل واحد في حاله؟؟

افيدوني آثابكم الله

اشتقنا ياحلو

ديسمبر 10, 2009

اهداء لجميع زوار المدونه و اهداء خاص للاخ الغالي المدون / صارخ بصمت

سيول جدة

ديسمبر 4, 2009

كان يوم الاربعاء ٢٥ /١١ من  اسوآ الايام اللي مرت على جدة و على وطننا الحبيب

الامطار كانت طبيعيه ولكن اللي ماكان طبيعي هو اللعـب اللي حصـل  في  شبكـات

التصريف والنصب اللي حاصل من زمان وجائت هذه الامطار و فضحت كل شيء.

ناس غرقت و ماتت .. الشوارع غرقت ..  السيارات فوق بعض و كل شخص شاف

مناظر يمكن محد شافها الا في الافلام السينمائية.

بكت  جدة و  بكت قلوبنا  واحنا نشوف  جدة بتغرق والناس  غرقوا معاها  .. و كل

مسئول نايم في العسل ولمن صحوا كل واحد صار يلقي اللوم على الثاني.

الشباب  و البنـات في  جدة ماقصروا وصار تجمعهم كل يوم في مركز المعارض و

يجمعوا  التبرعات العينية عشان  يوزعوها  على الناس ا لمنكوبة و  رغم التـعب  اللي

هـم فيه تيخلوا يجـوا ناس  بدال ما يسـاعدوهم و هـم في  امس الحاجة الى اي يد

تمـتد عشـان تساعد.. نلاقي هذه الفـئه اللي محسـوبة على الدين  بتـحاول  تخرب

علـى الشبـاب و البنـات في مساعـدتهم للناس..  هل هذا  من الدين؟؟ انك تلاقـي

ناس فـي امـس الحـاجة للمساعدة و تـروح تخرب علـيـهم و تشـوش علـيهم  فـي

عملهم؟؟ مصـيبه ثـانيه اننا  بنـشوف ناس بدال ما تـدعي  الله انه  يخفـف  علـى

المنـكوبـين و يصـبروا اهل المتـوفين بنلاقيـهم يقـولوا يسـتاهلوا اهل  جـدة  لانـهم

اهـل الذنـوب و الـضلال .. لاحـول  ولا قوه الا بالـله ..   بس اعـرف ايـش  اللـي

قاهـرهم في اهـل جـدة؟؟ اهـل جدة اهل  خير  و محبـة و عـمرهم ما كرهوا احد

وفي النهايه يجوا المتخلفين يقولوا هذا الكلام؟؟

اللهـم  ارحـمنا  برحـمتك  و اسقـنا سقـيا  رحـمة  لا سـقيا عـذاب و اصـرف عـنا

الوباء و ارحمنا برحمتك يا ارحم الراحمين.

اشياء في خاطري اقولها ٧

أغسطس 7, 2009

قلة الذوق و من العقوق لمن تشوف شاب طول بعرض ماشي ز ي الاهبل

وتلاقي آبوه جمبه يشيل مليون كيس او غرض في يده و الشاب بيتفرج.

..

مصيبة لمن البنت بتكون مصاحبة شاب و امها عارفه بس ساكتة و تعمل

نفسها ما تعرف.

..

ليش البنات صاروا اشطر من الشباب و بكتيييييييييييير ؟؟

..

استغرب لمن اشوف شباب و المسجد جمبهم والناس بيصلوا وهم جالسين

بيدخنوا ويشربوا شاي.

..

على سيرة التدخين ربنا انشالله يوفق كل واحد ناوي يبطل دخان و

رمضان ياشباب و همتكم و خلوا السجاير او الزقاير على قولة ناس وناس

..

فيه ناس لها اطباع غريبة في الاكل تخيلوا واحد من الشباب اطباعه مرررة

غريبة في الاكل…. تصدقوا انو ياكل الهمبرجر وبدال الكاتشب يحب يحط

مربى بالبرتقال.

الاقنعة

يونيو 7, 2009

العفويه في التعامل اصبحت شي من الماضي او من الاساطير …. اليوم

صاروا الناس لابسين اقنعة في و جيههم و بيظهروا و يتعاملوا مع الناس

بعكس ما يخبوه في داخلهم. وقليل اللي تشوفهم يقول لك ترى  انا اللي

في قلبي على لساني.

الناس اتغيرت و القلوب اتغيرت و الاخلاق كمان اتغيرت و بعد كده يجوا

يقولوا و الله الزمن اتغير،،،، الزمن ما اتغير ابدااااا،،، الناس هم اللي

غيروا نفسهم بنفسهم.

زمان الواحد كان بيتعامل مع الناس بكل عفويه و اريحيه،،،، الحاره

واهل الحاره كانوا زي العيله الوحدة ، وكان بينهم الاحترام و  الثقه

اللي بتخلي الكل مطمن. وانا عارف دحين و انتوا تقرآوا الكلام دا

تقولوا الله على زمان وايام زمان

دار الايتام ومعامله اليتيم

مايو 14, 2009

شي مخجل فعلا.. هذا والرسول صلى الله عليه وسلم وصى بكفاله اليتيم.

طيب اذا ما وصى الرسول عليه صلاه الله وسلامه.. ايش كان راح يصير

فيهم؟؟

قال رسول الله: (إن اليتيم إذا بكى اهتز لبكائه عرش الرحمن، فيقول اللّه

تعالى لملائكته: يا ملائكتي ، من ذا الذي  أبكى هذا  اليتيم الذي غيبت أباه

في التراب ، فتقول الملائكة  ربنا أنت أعلم ،  فيقول  اللّه تعالى  لملائكته :

يا ملائكتي، اشهدوا أن من أسكته وأرضاه؟ أنا أرضيه يوم القيامة).

واقع مخزي

مايو 1, 2009

قبل كم  يوم و انا اتصفح  في  احد المجلات الشبابية   استوقفني  موضوع

بصراحه ماراح اقول  عنه الا انه مخزي او يفشل  و كل شي وهو  اذا  كتبت

كلمة Arab او حددت اي جنسية عربية للاسف ماراح يطلع لك الا المشاهد

الجنسيه او الفضائح  او مقاطع  التهديد ولا راح تلاقي  اي موضوع مفيد الا

بنسبه لا تتجاوز ٣٪ . من جد فضييييييييييييييييييييييييييييييييييييييييييحه.

ليش ما يكون تفكير شبابنا و بناتنا انهم يظهروا  بشي يشرفهم و يشرف بلدهم؟

وهل  كل  شبابنا  ممكن اننا  نطلق عليهم الداشرين ؟ اتمنى  من  الشباب  و  البنات

انهم  يحملوا المقاطع الهادفه و المشرفه لهم عشان نظهر للعالم بشكل مشرف و طيب.

sorry

أبريل 24, 2009

To all my Visitors

i am sorry because i was busy

with a lot of marketing campaigns

i promise you.. i will be with you

during this week

Thank you

MOHAMMED BIN SALEM

الاجر عند الله رب العالمين

مارس 13, 2009

من حط ثقله و ارتحل فوق الهزيل

ما يبلغ المقصود و الدرب الطويل

طبع الهزيلة تنحني تحت الثقيل

يوم البكر تظهر و معدنها يبين

ما بنفعك بالاجل وارضى بالغرام

و الاجر عند الله رب العالمين

اشكال فيها تنخدع مثل السراب

تنغر في الخارج وفي الداخل خراب

لا تخدعك ذيك المظاهر و الثياب

مهما تزين ولبس الغالي الثمين

ما بنفعك بالاجل وارضى بالغرام

و الاجر عند الله رب العالمين

كلمات:تراث

السر مكشوف ولكنه مازال سر

مارس 5, 2009


اب جالس مع ولده والشغاله تجيب الشاهي ..الولد يصب  لابوه

و لنفسه كاسه شاهي وبعدها يقول.. عن اذنك ابوي دقيقه اخذ

لي سيجاره مع كاسه الشاهي و ارجع لك

بره البيت مسوي شنب .. ثقيل و يصرخ و ينفخ و يعاتب وهذا

مو  عاجبني وهذا انا ما اطيقه ولكنه اذا دخل البيت حط الشنب

عند الباب وقال سلام عليكم.

شله بنات جالسين مع شله شباب في مقهى ،شيشه و ضحك

ومسخره وقله ادب ..يرن تلفون وحده فيهم تستآذن و تروح

ترد.. الوو معليش حبيبي انا مع اهلي بره واكلمك بعدين

الشيخ الفلاني وصل.. رجل الاعمال الفلاني راح….يشتري

منهم بشيكات و  يطلع الشيك  دائما بدون رصيد  و يشوفوه

مره ثانيه و كانه ساحرهم و يستقبلوه هلا طال عمرك

مقامات العشق

يناير 15, 2009

d8aad8afd986d8aad8b22

في هذا العالم الصغير تجد كثير من الناس قلوبهم كبيره

و لكن لا يحتملوا  ان يكون  بداخلها الكثير من الناس…  فهم اناس تعودوا على

عدم الاكتراث بالبشر و لا مخالتطهم  بالرغم من اعجابهم بالكثير و الكثير سواء

كانوا من الحيوانات او النباتات و يظلون غرباء في هذه المجره التي ربما في يوم

من الايام تصطدم بمجره اخرى في هذا الكون و بعد الاصطدام يولد عالم جديد

يحتوي علي غيرهم من البشر و الحيوانات و النباتات.

عندما تشرق الشمس في مكان ما  … تكون قد  غابت عن مكان اخر.. و هكذا

هي احوال المحبين و قلوبهم.. فعند مغادره احدهم من قلب احد.. فهم يدخلون

قلبا اخر ربما يكون اكثر محبه لهم وربما اقل .

روز… الورده  الحمراء التي سوف اهديها في كل سنه..بل كل شهر…لا لا لا

من الافضل ان اهديها في كل اسبوع و كل ساعه وكل دقيقة… بل ساهديها

في كل ثانيه الى حبيبتي المرهفه التي تعشقني و اعشقها الى حد الثمالة.

عود.. كمان.. بيانو قديم.. و ناي من  الخشب .. سوف اعزف بهم معزوفات

الحب على  مقامات قلبيه لايعرفها سوانا .. مقامات  فريدة ليس كالتي عرفها

البشر.. ليست على الحجاز او البيات ولا حتى الصبا ،، تذكري .. ايقاعات

لا يعرفها سوانا.

مع غزه

يناير 12, 2009

banner

يلعب على الحبلين

يناير 3, 2009

n541900075_5371931_1801

ما آخص من القرد.. الا السعدان